Eksoda 30:12 - BIBELE Mahungu Lamanene

¹² “Loko ku hlayiwa ntsengo wa Vaisraele lava taka eku tsariseni, un'wana ni un'wana wa vona ú ta humesa nhlengo wa ku kutsula vutomi bya yena, a humesela mina HOSI Xikwembu, siku vanhu va hlayiwaka, leswaku va nga tshuki va wela hi ntungu, loko va ri karhi va hlayiwa.

Xitsonga (Bibele)

¹² “Kutakuloko u hlaya vana va Israele hi vunyingi bya vona un'wana ni un'wana u ta kutsula vutomi bya yena emahlweni ka Yehovha siku leri va hlayiwaka, leswaku va nga tshuki va humeleriwa hi vuvabyi siku va hlayiwaka.

Eksoda 30:12 Referans Kwoze

Tinhlayo 31:50

Hina hi ta hi ta humesela HOSI Xikwembu nhlengo hi swilo swa nsuku leswi un'wana ni un'wana wa hina a nga pambula swona, swi nga leswi: Masindza ya le mavokweni, ni swingwavila swa le tintihweni ni swa le tindleveni, ni vuhlalu; swilo leswi hinkwaswo hi ta hi ta swi humesela HOSI Xikwembu, wu va nhlengo wo kutsula vutomi bya hina.”

1 TIKRONIKA 27:24

Yowabu n'wana Seruya yena ú sungurile ku va hlaya, kambe a nga hetanga, hikuva ntirho lowu wa ku hlaya wu vangerile Vaisraele ku hlundzukeriwa hi Xikwembu; hikokwalaho nhlayo leyi ya vana a yi kona eka “Buku ya Matimu” ya hosi Davhida.

Matewu 20:28

hi mukhuva lowu, N'wana-wa-Munhu a nga telanga ku tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Pisalema 49:7

Kambe munhu a nge swi koti ku tikutsula, hambi ku humesa mali a xava vutomi bya yena eka Xikwembu,

1 Timotiya 2:6

loyi a tinyiketeke ku va mukutsuri wa vanhu hinkwavo; hi byona vumbhoni bya makungu ya Xikwembu, lebyi nga humelela hi nkarhi lowu fanekelaka.

Marka 10:45

hikuva na yena N'wana-wa-Munhu, a nga telanga ku ta tirheriwa, kambe ku tirhela van'wana ni ku nyiketa vutomi bya yena ku kutsula lavo tala.”

Ntirho 36:18

U nga tshuki u hluriwa hi vukari, u tiarisa; u nga ringeti ku humesa mali yo tala, u riha milandzu ya wena.

Ntirho 33:24

Yi ta n'wi twela vusiwana, yi ku ka Xikwembu: ‘We HOSI, u nga tshiki munhu loyi a hojomela esirheni, ndzi kumile xo riha milandzu ya yena!’

2 TIKRONIKA 24:6

Kavaloko Yowasi a vitana Yoyada Muprista Lonkulu, a ku ka yena: “Hikwalaho ka yini u nga lerisanga Valevhi ku ya hlengisa va ka Yuda ni va le Yerusalema enhlengo lowu lerisiweke hi Muxe nandza wa HOSI, xana? Enkarhini wa Muxe, nhlengo wo hlayisa Ntsonga lowo Hlawuleka a wu humesiwa hi nhlengeletano hinkwayo ya Vaisraele.

1 TIKRONIKA 21:14

Kutani HOSI Xikwembu xi rhumela ntungu etikweni ra Israele, ku fa vavanuna va 70 000.

1 TIKRONIKA 21:12

Malembe manharhu ya ndlala; kumbe ku hlongoriwa hi valala va wena va ku hlasela tin'hweti tinharhu; kumbe ku wela hi ntungu wa masiku manharhu, wu va wona nkhavi lowu HOSI Xikwembu xi ku baka ha wona, ntsumi ya xona yi ri karhi yi herisa vanhu etikweni hinkwaro ra Israele. Sweswi, ndzi nyike nhlamulo leyi ndzi nga ta tlhela na yona eka loyi a ndzi rhumeke!”

Eksoda 30:11

Kutani HOSI Xikwembu xi ku ka Muxe:

Tinhlayo 31:49

va fika va ku ka yena: “Hina malandza ya wena hi hlayile masocha lawa hi ma rhangelaka, kutani hi kumile leswaku ma kona hinkwawo.

1 TIKRONIKA 21:1

Sathana a pfilunganya makungu ya Vaisraele, kutani a kucetela Davhida ku hlaya ntsengo wa vona.

1 TIKRONIKA 21:3

Kambe Yowabu a hlamula a ku: “Ingi HOSI Xikwembu xi nga andzisa ka dzana ntsengo wa vanhu va xona! We hosi n'wini wanga, xana vanhu lava hinkwavo a hi malandza ya wena xana? Hikwalaho ka yini u lava ku tiva nhlayo ya vona ke, we n'wini wanga? Xana mhaka leyi a yi nga dyohisi Vaisraele xana?”

2 TIKRONIKA 24:9

Kutani va rhumela rito emitini ya Yuda ni le ka vaaki va Yerusalema, va va lerisa ku humesa nhlengo lowu vekiweke hi Muxe nandza wa Xikwembu, loko Vaisraele va ha ri emananga.