Eksoda 3:22 - BIBELE Mahungu Lamanene

²² Wansati un'wana ni un'wana wa Muisraele ú ta ya a ya kombela swo bomba ha swona swa silivhere ni nsuku, ni swiambalo, eka wansati wa Muegipta la akeke kusuhi na yena ni ka lava luveleke emutini wa kona, kutani mi ta ambexa vana va n'wina va majaha ni vanhwana. Hi ndlela leyi, mi ta tekela Vaegipta swilo swa vona.”

Xitsonga (Bibele)

²² kambe wansati un'wana ni un'wana u ta kombela eka loyi a akeke na yena, ni le ka loyi a tshameke endlwini ya yena mitirho ya silivhere ni ya nsuku ni tinguvu; mi ta ambexa vana va n'wina ha tona; mi ta phangisa sweswo Vaegipta.”

Eksoda 3:22 Referans Kwoze

Ezekiele 39:10

A va nga ha yi etihunyini kumbe ku ya tsema timhandze eswihlahleni, hikuva va ta hamba va tshivela ndzilo hi mimphiselo ya matlhari. Va ta phangha swilo swa lava a va va phangherile, va hlasela lava a va va hlaserile. Ndzi vula sweswo mina HOSI N'wini wa hinkwaswo.

Pisalema 105:37

Kutani Xikwembu xi humesa Vaisraele evukhumbini va rhwele nsuku ni silivhere! Exikarhi ka vanhu va xona, a ku ri hava na un'we loyi a a rhurhumela.

Eksoda 11:2

Sweswi, hlamusela Vaisraele, vavanuna ni vavasati, leswaku hinkwavo va kombela swo bomba ha swona swa silivhere ni nsuku eka vaakelani va vona.”

Esaya 33:1

U ni khombo, wena la hlaselaka van'wana, kambe u nga hlaseriwi hi munhu, wena la kanganyisaka van'wana, kambe u nga kanganyisiwi hi munhu! Loko u hetile ku hlasela van'wana, va ta ku hlasela na wena, ni loko u hetile ku kanganyisa van'wana, va ta ku kanganyisa na wena.

Swivuriso 13:22

Munhu lonene ú siyela vatukulu va yena endzhaka, kasi rifuwo ra mudyohi, ri salela lavo lulama.

Genesa 15:14

Kambe mina ndzi ta ba tiko leri va nga ta va mahlonga eka rona, kutani va ta huma kona va fumile swinene.

Genesa 24:53

Kutani a humesa swo bomba ha swona swa silivhere ni swa nsuku ni swiambalo, a nyika Rhaveka. A nyika ni makwavo wa yena ni mana wa yena swilo swa nkoka swinene.