Eksoda 3:19 - BIBELE Mahungu Lamanene

¹⁹ Kambe ndza swi tiva leswaku, handle ka loko yi nga lo sindzisiwa hi voko ra matimba, hosi ya Egipta yi nga ka yi nga mi tshiki mi famba.

Xitsonga (Bibele)

¹⁹ Kambe ndza swi tiva leswaku hosi ya Egipta yi nga ka yi nga mi pfumeleri ku famba, hambi mi nga endla hi matimba.

Eksoda 3:19 Referans Kwoze

Eksoda 6:1

Kutani HOSI Xikwembu xi ku ka Muxe: “Sweswi u ta vona leswi ndzi nga ta swi endla eka Faro: Ndzi ta tirhisa matimba ya mina leswaku Faro a tshika vanhu va Israele va famba. Ina, hi ku sindzisiwa hi mina, ú ta va hlongola kunene, va huma etikweni ra yena.”

Eksoda 5:2

Kutani Faro a ku: “HOSI Xikwembu i mani xana? Hikwalaho ka yini ndzi fanele ku n'wi yingisa, ndzi tshika Vaisraele va famba xana? HOSI Xikwembu, a ndzi n'wi tivi, naswona ndzi nga ka ndzi nga tshiki Vaisraele va famba.”

Eksoda 4:21

Kutani HOSI Xikwembu xi ku ka Muxe: “Loko u tlhelerile etikweni ra Egipta, vona leswaku u endla, emahlweni ka Faro, swihlamariso hinkwaswo leswi ndzi ku nyikeke matimba ya ku swi endla; kambe ndzi ta nonon'hwisa mbilu ya yena, leswaku a nga pfumeleli Vaisraele ku famba.

Eksoda 8:28

Kutani Faro a hlamula a ku: “Ndzi ta mi tshika mi famba mi ya humesela HOSI Xikwembu xa n'wina emagandzelo emananga, ntsena mi nga yi kule ngopfu. Ndzi khongeleleni!”

Eksoda 9:7

Loko Faro a vutisisa, a twa leswaku ni xin'we xa swifuwo swa Vaisraele a xi fanga; kambe hambiswiritano, a ya emahlweni a tinonon'hwisa, a nga tshiki vanhu leswaku va famba.

Eksoda 9:35

Kutani Faro a tinonon'hwisisa sweswo, a nga tshiki vanhu va Israele leswaku va famba, tanihilaha HOSI Xikwembu a xi vurile hakona, hi nomo wa Muxe.

Eksoda 10:20

Kambe HOSI Xikwembu xi nonon'hwisa mbilu ya Faro, a nga tshiki vanhu va Israele va famba.

Eksoda 11:9

HOSI Xikwembu a xi byerile Muxe xi ku: “Ku endlela leswaku swihlamariso swa mina swi andza etikweni ra Egipta, Faro a nga ka a nga ku yingisi.”

Eksoda 11:10

Hakunene, hambileswi Muxe na Aroni va endleke swihlamariso leswi emahlweni ka Faro, HOSI Xikwembu xi nonon'hwisile mbilu ya yena, kutani a ala ku tshika vanhu va Israele va famba, va huma etikweni ra yena.

Eksoda 13:15

Loko Faro a tinonon'hwisile a ala ku hi tshika hi famba, HOSI Xikwembu xi herisile mativula hinkwawo ya xinuna ya vanhu ni ya swifuwo etikweni ra Egipta. Hikokwalaho hi humeselaka HOSI Xikwembu emagandzelo hi swa xinuna hinkwaswo leswi rhangeke ku velekiwa; kambe ematshan'wini ya vana va hina va mativula va xinuna, hi tlhava xifuwo.’