Eksoda 3:18 - BIBELE Mahungu Lamanene

¹⁸ Vakulukumba va Israele va ta pfumela leswi u nga ta va byela swona, kutani va ta ya na wena eka hosi ya Egipta, mi ku ka yona: ‘HOSI Xikwembu, xi nga Xikwembu xa Vaheveru, xi tikombile eka hina, kutani sweswi hi kombela ku teka riendzo ra masiku manharhu, hi ya emananga hi ya humesela HOSI Xikwembu xa hina emagandzelo.’

Xitsonga (Bibele)

¹⁸ “Va ta yingisa rito ra wena; kutani u ta famba ni vakulukumba va Israele eka hosi ya Egipta, mi ku eka yona: ‘Yehovha, Xikwembu xa Vaheveru, u humelele eka hina; sweswi wanga hi pfumelela ku famba riendzo ra masiku manharhu emananga, hi ta gandzela Yehovha, Xikwembu xa hina hi magandzelo.’

Eksoda 3:18 Referans Kwoze

Eksoda 9:1

Kutani HOSI Xikwembu xi ku ka Muxe: “Yana u ya nghena emutini wa Faro, u ya n'wi byela leswaku mina HOSI Xikwembu xa Vaheveru ndzi vurisa sweswo, ndzi ri: ‘Tshika vanhu va mina va famba va ya ndzi gandzela.

Eksoda 7:16

U ta ku ka yena: ‘HOSI Xikwembu, xi nga Xikwembu xa Vaheveru, xi ndzi rhumile eka wena leswaku u tshika vanhu va xona va ya xi gandzela emananga, kambe wena ku fika ni sweswi a wu si yingisa.

Eksoda 10:3

Kavaloko Muxe na Aroni va ya nghena emutini wa Faro, va fika va ku: “HOSI Xikwembu, xi nga Xikwembu xa Vaheveru, xi vurisa sweswo xi ku: ‘Xana u ta ala ku titsongahata emahlweni ka mina ku fikela rini ke? Tshika vanhu va mina va famba, va ya ndzi gandzela.

Eksoda 9:13

Kutani HOSI Xikwembu xi ku ka Muxe: “Pfuka nimpundzu swinene, u ya sivelela Faro, u n'wi byela leswaku mina HOSI Xikwembu xa Vaheveru ndzi vurisa sweswo ndzi ri: ‘Tshika vanhu va mina va famba va ya ndzi gandzela.

Pisalema 110:3

Siku u hlomaka matlhari, tinhenha ti ta huma na wena ti tsakile. Majaha ma ta ta eka wena ma huma etintshaveni leto hlawuleka, ma fana ni mberha leyi waka loko vurhonga byi tshwuka.

2 TIKRONIKA 30:12

Etikweni ra Yuda, HOSI Xikwembu xi tirha hi matimba etimbilwini ta vanhu, va twanana ku yingisa rito ra xona, va endla leswi hosi Hezekiya ni tindhuna ta yena va leriseke swona.

Yoxuwa 1:17

Hi ta ku yingisa etimhakeni hinkwato ku fana na leswi Muxe hi n'wi yingisiseke swona; ho navela ntsena leswaku HOSI Xikwembu xa wena xi va na wena ku fana ni leswi a xi ri na Muxe!

Tinhlayo 17:4

Tinhonga leti u ta ya na tona eka Ntsonga lowo Hlawuleka, u fika u ti veka kusuhi ni Areka ya Ntwanano, exivandleni lexi ndzi hlanganaka na n'wina eka xona.

Eksoda 30:6

Mi ta veka alitari emahlweni ka xisirhelelo lexi sivaka Areka ya Ntwanano, laha ndzi nga ta hlangana na n'wina kona.

Eksoda 25:22

Ndzi ta hlangana na n'wina kwalaho, kutani ndzi ta mi byela swileriso swa mina hinkwaswo eka Vaisraele, ndzi ri ehenhla ka xitshamu xa ndzivalelo, exikarhi ka tikerubu timbirhi leti khubumetaka Areka ya Ntwanano.”

Eksoda 19:1

Hi siku ra ku tshama ka n'hweti ya vunharhu endzhaku ka loko va humile etikweni ra Egipta, Vaisraele va fikile emananga ya Sinayi.

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Eksoda 4:24

Loko va ri endleleni, HOSI Xikwembu xi tela Muxe laha va nga fika va gova kona, xi ringeta ku n'wi dlaya.

Eksoda 3:16

Famba u ya hlengeleta vakulukumba va Israele, u va byela leswaku mina HOSI Xikwembu xa vatata wa vona ndzi nga Xikwembu xa Abrahama, na Isaka, na Yakobo, ndzi tikombile eka wena; va byele leswaku ndzi tile ka vona hakunene; ni leswi vanhu va Egipta va va endlaka swona, ndzi swi vonile.

Eksoda 3:12

Kutani Xikwembu xi ku ka yena: “Ndzi ta va na wena; xikombiso xa leswaku ndzi ku rhumile xi ta va lexi: Loko u humesile vanhu va Israele etikweni ra Egipta, mi ta ndzi gandzela entshaveni leyi.”

Genesa 48:3

Kutani a ku ka Yosefa: “Xikwembu-xa-matimba-hinkwawo xi tikombisile eka mina emutini wa Luzi le Kanana, xi tlhela xi ndzi katekisa,

Genesa 17:1

Loko Abrama a ri ni malembe ya 99, HOSI Xikwembu xi humelela eka yena, xi ku: “Hi mina Xikwembu-xa-matimba-hinkwawo; u fanele ku hanya emahlweni ka mina, u ndzi yingisa hi ku hetiseka.

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Genesa 12:1

HOSI Xikwembu xi ku ka Abrama: “Suka etikweni ra rikwenu, u hambana ni maxaka ya wena ni va ka n'wina hinkwavo, u ya etikweni leri ndzi nga ta ku komba rona.

Yeremiya 26:5

ni loko mi nga yingisi leswi vaprofeta malandza ya mina va mi byelaka swona — va nga lava ndzi mi rhumelaka vona minkarhi hinkwayo, kambe mi nga va yingisi —,

Yeremiya 2:6

A va vutisanga va ku: ‘Xana HOSI Xikwembu xi kwihi, xona lexi xi hi humeseke etikweni ra Egipta, xana?’ Kasi hi mina ndzi mi fambiseke emananga, etikweni ra sava ni magova, etikweni leri omeke ra xinyami xo chavisa; hi mina ndzi mi fambiseke laha ku nga hundziki munhu, laha ku nga tshamiki munhu na un'we!

Yeremiya 2:2

“Famba u ya huwelela emahlweni ka vanhu va Yerusalema, u va byela leswaku mina HOSI ndzi ri: “ ‘Ndzi anakanya ku tshembeka ka n'wina loko ma ha ri lavantshwa, ni rirhandzu ra n'wina loko ma ha ku hloma, ni hilaha a mi ndzi namarhela hakona emananga, lomu ku nga byariwiki nchumu.

Esaya 64:5

Wena u amukela vanhu lava tsakelaka ku endla leswo lulama, lava nga rivaliki tindlela ta wena. U hi hlundzukerile, kambe hi yile emahlweni hi ku dyohela; i khale hi ri karhi hi dyoha; xana ha ha ta pona ke?

Eksoda 30:36

Xiphemu xin'wana xa wona, mi ta xi sila xi endla mapa, kutani mi teka mapanyana ya kona mi ma nyunyetela emahlweni ka Areka ya Ntwanano, endzeni ka Ntsonga lowo Hlawuleka, laha ndzi nga ta hlangana na n'wina kona. Murhi lowu wu ta va wu hlawulekile swinene eka n'wina.

Genesa 14:13

Munhu un'wana loyi a poneke enyimpini, ú yile a ya byela Abrama lowa Muheveru leswi humeleleke. Abrama a a tshama eminkuhlwini ya ka Mamre lowa Muamori, makwavo wa Exikolo na Anere, lava a va yima na Abrama.

Eksoda 4:1

Kutani Muxe a hlamula Xikwembu, a ku: “Ndzi vona wonge Vaisraele a va nga ndzi kholwi, kumbe ku yingisa leswi ndzi nga ta va byela swona, hikuva va ta ku: ‘HOSI Xikwembu a xi tikombanga eka wena.’ ”

Eksoda 5:1

Endzhaku ka swona, Muxe na Aroni va ya eka Faro, va fika va ku: “HOSI Xikwembu, xi nga Xikwembu xa Israele, xi vurisa sweswo xi ri: ‘Tshika vanhu va mina va famba, va ya endla nkhuvo emananga va ndzi tlangela.’ ”

Eksoda 5:3

Kutani Muxe na Aroni va ku: “Xikwembu xa Vaheveru xi tikombile eka hina, kutani hi kombela ku teka riendzo ra masiku manharhu, hi ya emananga ku ya humesela HOSI Xikwembu xa hina emagandzelo; loko swi nga ri tano, xi ta hi ba hi mintungu kumbe hi matlhari.”

Eksoda 8:1

Kutani HOSI Xikwembu xi ku ka Muxe: “Famba eka Faro, u ya n'wi byela leswaku mina HOSI Xikwembu ndzi vurisa sweswo, ndzi ri: ‘Tshika vanhu va mina va famba va ya ndzi gandzela.

Eksoda 8:20

Kutani HOSI Xikwembu xi ku ka Muxe: “Pfuka nimpundzu swinene, u ya sivelela Faro loko a huma a ya enambyeni, u n'wi byela leswaku mina HOSI Xikwembu ndzi vurisa sweswo, ndzi ri: ‘Tshika vanhu va mina va famba va ya ndzi humesela magandzelo.

Eksoda 17:5

Hiloko HOSI Xikwembu xi ku ka Muxe: “Hundzela emahlweni ka vanhu, u teka van'wana va vakulukumba va Israele, u rhanga na vona, u famba ni nhonga leyi u nga ba mati ya nambu hi yona.

Eksoda 4:23

kutani wena Faro, tshika n'wana loyi wa mina wa mativula a famba, a ya ndzi gandzela. Tiva leswaku loko u ala ku n'wi tshika, ndzi ta dlaya n'wana wa wena wa mativula.’ ”

Eksoda 8:23

Hikokwalaho, ndzi ta kutsula vanhu va mina ndzi va hambanisa ni vanhu va wena. Xikombiso lexi xi ta humelela mundzuku.’ ”