Eksoda 3:16 - BIBELE Mahungu Lamanene

¹⁶ Famba u ya hlengeleta vakulukumba va Israele, u va byela leswaku mina HOSI Xikwembu xa vatata wa vona ndzi nga Xikwembu xa Abrahama, na Isaka, na Yakobo, ndzi tikombile eka wena; va byele leswaku ndzi tile ka vona hakunene; ni leswi vanhu va Egipta va va endlaka swona, ndzi swi vonile.

Xitsonga (Bibele)

¹⁶ Famba, u ya hlengeleta vakulukumba va Israele, u ku eka vona: ‘Yehovha, Xikwembu xa vatata wa n'wina, Xikwembu xa Abrahama, ni xa Isaka, ni xa Yakobo, xi tikombisile eka mina,’ xi ku: ‘Ndzi mi kambile kunene; ndzi vonile leswi mi endliwaka swona eEgipta,’

Eksoda 3:16 Referans Kwoze

Pisalema 8:4

ndzi ri, munhu i ncini leswaku u va na mhaka na yena, yena munhu wa nyama i mani leswaku u tikarhatela yena xana?

Eksoda 4:31

Kavaloko Vaisraele va kholwa: Loko va twisisile leswaku HOSI Xikwembu xi tile eka vona hakunene, ni leswaku xi vonile ku xaniseka ka vona, va korhamela hansi va xi gandzela.

Eksoda 4:29

Kavaloko Muxe na Aroni va ya va ya hlengeleta vakulukumba va Israele hinkwavo.

Genesa 50:24

Kutani Yosefa a ku ka vamakwavo: “Ndzi le kusuhi ni ku fa, kambe Xikwembu xi ta ta xi ta mi kutsula, xi mi humesa etikweni leri, xi mi yisa etikweni leri xi ri tshembiseke Abrahama na Isaka na Yakobo.”

Timhaka 15:14

Simoni wa ha ku hlamusela hilaha Xikwembu xi nga sungula hakona ku tikarhata, xi tilavela, exikarhi ka vamatiko, vanhu lava nga ta vuriwa va xona hakunene.

1 Petro 5:1

Sweswi ke, ndzi khongotela vakulukumba lava nge xikarhi ka n'wina, leswi na mina ndzi nga un'wana wa vona; ndzi mbhoni ya ku vaviseka ka Kriste, ni loyi a tshembaka ku averiwa ku kwetsima loku nga ta humelela, kutani ndzi ri:

1 Petro 2:12

Hanyani hi mukhuva lowo saseka exikarhi ka vamatiko, leswaku loko va tshuka va mi lumbeta, va ku, mi vadyohi, va ta vona mintirho ya n'wina leyo saseka, va dzunisa Xikwembu, hi siku leri xi nga ta ta ha rona.

Timhaka 20:17

Loko Pawulo a ri eMileta, a rhumela rito le Efesa ku ya vitana vakulukumba va kereke.

Timhaka 11:30

Kunene va endlisa sweswo, kutani va rhumela tinyiko ta kona eka vakulukumba, ti famba na Barnaba na Sawulo.

Luka 19:44

va ta ku hirimuxela hansi, va herisa ni lava akeke ka wena; kutani valala va nga ka va nga tshiki ribye ehenhla ka ribye laha ka wena, hikuva a wu tivanga nkarhi lowu u endzeriweke ha wona.”

Luka 1:68

“A ku dzunisiwe Hosi, Xikwembu xa Israele, hikuva xi endzerile tiko ra xona, xi ri kutsurile;

Matewu 26:3

Enkarhini wolowo vaprista lavakulu, ni vakulukumba, va hlengeletana ehubyeni ya Muprista lonkulu loyi a va ku i Kayafasi,

Rhuti 1:6

Loko a ha ri etikweni ra Mowabu, Nahumi a twa leswaku HOSI Xikwembu xi pfunile tiko ra xona, xi ri phamela swakudya. Hikokwalaho a longa a ri ni vingi va yena, leswaku va ta suka etikweni ra Mowabu.

Eksoda 13:19

Muxe a a tekile ni marhambu ya Yosefa, hikuva Yosefa a a lerisile Vaisraele ku hlambanya leswaku va ta endla sweswo a ku: “Xikwembu xi ta ta xi ta mi kutsula, kutani mi fanele ku teka marhambu ya mina laha tikweni leri, mi famba na wona.”

Eksoda 4:5

Xikwembu xi ku: “Leswi swi ta khorwisa Vaisraele leswaku ndzi tikombile eka wena, mina HOSI Xikwembu xa vatata wa vona, ndzi nga Xikwembu xa Abrahama, na Isaka, na Yakobo.”

Eksoda 2:25

Xikwembu xi languta vanhu va Israele, kutani xi twisisa matshamelo ya vona.

Eksoda 24:11

HOSI Xikwembu a xi endlanga nchumu eka varhangeri lava va Israele, kambe va xi vonile, kutani va tshama ehansi va dya, ni ku tima torha.

Eksoda 18:12

Kutani Yetro mukon'wana wa Muxe a humesela HOSI Xikwembu magandzelo lama hisiwaka ni lama dyiwaka; Aroni ni vakulukumba va Israele hinkwavo va ta va ta dya swakudya na mukon'wana wa Muxe, egandzelweni ra HOSI Xikwembu.

Eksoda 15:14

Vanhu va matiko va swi twile, kutani va rhurhumela hi ku chava, Vafilista va tela hi rhumbu.

Eksoda 3:2

Kutani ntsumi ya HOSI Xikwembu yi tikomba eka yena yi ri exihlahleni, yi fana ni langavi ra ndzilo. Loko Muxe a xiyisisa, a vona leswaku xihlahla xa vuvumela, kambe a xi tshwi.

Genesa 21:1

HOSI Xikwembu xi katekisa Sara hilaha xi vuleke hakona, xi n'wi endlela leswi xi n'wi tshembiseke swona.

Genesa 1:7

Kutani Xikwembu xi endla mpfhuka exikarhi ka mati lama nga hansi ni lama nga henhla, xi ma hambanisa ha wona. Kutani swi va tano.

Genesa 28:13

HOSI Xikwembu a xi yimile etlhelo ka yena, kutani xi ku: “Hi mina HOSI, Xikwembu xa Abrahama na Isaka. Tiko leri u etleleke eka rona ndzi ta ku nyika rona, wena ni vatukulu va wena.

Genesa 48:15

Kutani Yakobo a katekisa Yosefa, a ku: “Xikwembu lexi vatata wa mina Abrahama na Isaka va xi tirheleke, xi nga Xikwembu lexi xi ndzi hlayiseke vutomi bya mina hinkwabyo,

Eksoda 3:6

Xi engeta xi ku: “Hi mina Xikwembu xa vatata wa wena, xi nga Xikwembu xa Abrahama, na Isaka, na Yakobo.” Kavaloko Muxe a tisiva mombo, hikuva a a chava ku languta Xikwembu.

Eksoda 4:1

Kutani Muxe a hlamula Xikwembu, a ku: “Ndzi vona wonge Vaisraele a va nga ndzi kholwi, kumbe ku yingisa leswi ndzi nga ta va byela swona, hikuva va ta ku: ‘HOSI Xikwembu a xi tikombanga eka wena.’ ”

Eksoda 17:5

Hiloko HOSI Xikwembu xi ku ka Muxe: “Hundzela emahlweni ka vanhu, u teka van'wana va vakulukumba va Israele, u rhanga na vona, u famba ni nhonga leyi u nga ba mati ya nambu hi yona.

Pisalema 33:18

Vonani, HOSI Xikwembu xi hlayisa hinkwavo lava va xi chavaka, lava tshembaka rirhandzu ra xona;

Eksoda 1:8

Loko ku hundzile nkarhi, ku vekiwa hosi leyintshwa etikweni ra Egipta; hosi leyi a yi tivanga nchumu hi Yosefa,

Pisalema 102:21

Hikokwalaho vito ra xona ri ta twarisiwa eSiyoni, va ta ri dzunisa emutini wa Yerusalema,