Eksoda 29:6 - BIBELE Mahungu Lamanene

⁶ u n'wi ambexa xihuku enhlokweni, u vekela ni harhi leyo hlawuleka ya xiphepherhele exihukwini.

Xitsonga (Bibele)

⁶ U n'wi vehela ni xihuku enhlokweni, u boha ka xona xiphepherhele xo kwetsima.

Eksoda 29:6 Referans Kwoze

Levhitika 8:9

a n'wi ambexa xihuku enhlokweni, emahlweni ka xona a bohelela harhi leyo hlawuleka ya nsuku ya xiphepherhele, hilaha HOSI Xikwembu xi n'wi leriseke hakona.

Eksoda 28:4

Swiambalo leswi va nga ta rhunga swona hi leswi: Xincekana xa le xifuveni, ni efodi, ni nguvu yo leha, ni hembe yo rhungeleriwa mavalavala, ni xihuku, ni vamba. Va fanele ku rhungela makwenu Aroni ni vana va yena va xinuna eswiambalo leswo hlawuleka, leswaku va ta va vaprista, va ndzi tirhela.

Levhitika 21:12

Muprista Lonkulu ú cheriwile mafurha layo hlawuleka ya mina Xikwembu xa yena, hikokwalaho a nga tshuki a nyamisa xivandla xa mina lexo hlawuleka hi ku huma a ya enkosini: Hi mina HOSI.

Zakariya 3:5

Ntsumi yi engeta yi ku: “N'wi ambexeni xihuku xo basa enhlokweni.” Kutani va n'wi ambexa xona, va n'wi ambexa ni swiambalo leswintshwa, ntsumi ya HOSI yi ri karhi yi swi vona.