Eksoda 29:43 - BIBELE Mahungu Lamanene

⁴³ Ndzi ta hlangana ni Vaisraele endhawini yoleyo, kutani ku kwetsima ka mina ku ta yi hlawulekisa.

Xitsonga (Bibele)

⁴³ Ndzi ta hlengeletana kona ni vana va Israele, yindlu leyi yi ta endliwa leyi hlawuriweke hi ku vonakala ka mina;

Eksoda 29:43 Referans Kwoze

1 TIHOSI 8:11

kutani vaprista va tsandzeka ku ya emahlweni ni ntirho wa vona hikwalaho ka papa, hikuva ku dzuneka ka HOSI Xikwembu a ku tatile yindlu ya yona.

Malakiya 3:1

HOSI ya matimba hinkwawo yi ri: “Vonani, ndzi ta rhuma nandza wa mina leswaku a ndzi khulelela ndlela. Kutani mina N'wini wa hinkwaswo loyi mi ndzi languteleke, ndzi ta hatla ndzi nghena eTempeleni ya mina. Vonani, nandza loyi mi n'wi tsakelaka, wa ta ku ta mi tivisa ta ntwanano wa mina.”

Ezekiele 43:5

Kutani Moya wu ndzi tlakula, wu ndzi tisa exivandleni xa le ndzeni emahlweni ka Tempele, kutani ndzi vona Tempele hinkwayo yi tele hi ku dzuneka ka HOSI Xikwembu.

2 TIKRONIKA 5:14

kutani vaprista va tsandzeka ku ya emahlweni ni ntirho wa vona hikwalaho ka papa leri, hikuva ku vonakala ka HOSI Xikwembu a ku tatile yindlu ya xona.

Eksoda 40:34

Kutani papa ri khubumeta Ntsonga lowo Hlawuleka, ku kwetsima ka HOSI Xikwembu ku tata Ntsonga.

1 Yohane 3:2

Varhandziwa, sweswi hi vana va Xikwembu. A swi si tikomba swinene leswi hi nga ta va swona, kambe ha swi tiva leswaku loko Kriste a humelela, hi ta fana na yena, hikuva hi ta n'wi vona hi xiviri xa yena.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

Esaya 60:1

We Yerusalema, suka u yima u vangama, hikuva ku vonakala ka wena ku tile, ni ku dzuneka ka HOSI Xikwembu ku le henhla ka wena.

Eksoda 25:22

Ndzi ta hlangana na n'wina kwalaho, kutani ndzi ta mi byela swileriso swa mina hinkwaswo eka Vaisraele, ndzi ri ehenhla ka xitshamu xa ndzivalelo, exikarhi ka tikerubu timbirhi leti khubumetaka Areka ya Ntwanano.”

Eksoda 29:42

Vatukulu va n'wina hinkwavo na vona va ta ya emahlweni va humesa magandzelo lama hisiwaka lawa, ma humeseriwa enyangweni ya Ntsonga lowo Hlawuleka, emahlweni ka mina HOSI. Kona kwalaho ndzi ta hlangana na n'wina, ndzi vulavula na n'wina.

Eksoda 29:44

Ndzi ta hlawulekisa Ntsonga ni alitari ya kona; na yena Aroni ni vana va yena, ndzi ta va hlawulekisa leswaku va va vaprista, va ndzi tirhela.

Levhitika 9:4

ni homu ni khuna, swi va swa magandzelo ya xinakulobye lama nga ta humeseriwa HOSI Xikwembu, ni mapa ya magandzelo ya swa le masin'wini lama cheriweke mafurha. Leswi swa laveka, hikuva HOSI Xikwembu xi ta tikomba eka vona namuntlha.”

Eksoda 40:35

Muxe a a nga ha koti ku nghena eka Ntsonga lowo Hlawuleka, hikuva papa a ri wu khubumetile, naswona ku kwetsima ka HOSI Xikwembu a ku tatile Ntsonga.

Levhitika 9:6

kutani Muxe a ku: “HOSI Xikwembu xi mi lerisile ku endla leswi hinkwaswo leswaku ku kwetsima ka xona ku ta tikomba eka n'wina.”

2 TIKRONIKA 5:13

Kutani vachayi lava ni vayimbeleri lava hinkwavo va yimbelela risimu rin'we, va dzunisa ni ku tlangela HOSI Xikwembu, va ri karhi va mbvungunyisa tinanga, va bananisa swiphambatana, va chaya ni swichaya-chayani swin'wana, va vonga Xikwembu va ku: “HOSI yi ni vunene, rirhandzu ra yona hi leri nga heriki!” Kavaloko papa ri tata yindlu ya HOSI Xikwembu,