Eksoda 29:42 - BIBELE Mahungu Lamanene

⁴² Vatukulu va n'wina hinkwavo na vona va ta ya emahlweni va humesa magandzelo lama hisiwaka lawa, ma humeseriwa enyangweni ya Ntsonga lowo Hlawuleka, emahlweni ka mina HOSI. Kona kwalaho ndzi ta hlangana na n'wina, ndzi vulavula na n'wina.

Xitsonga (Bibele)

⁴² Ri ta va rona gandzelo ra masiku hinkwawo etinxakeni ta n'wina, leri tisiwaka enyangweni ya yindlu ya nhlengeletano emahlweni ka Yehovha, laha ndzi nga ta hlengeletana na n'wina ku vulavula na n'wina.

Eksoda 29:42 Referans Kwoze

Eksoda 25:22

Ndzi ta hlangana na n'wina kwalaho, kutani ndzi ta mi byela swileriso swa mina hinkwaswo eka Vaisraele, ndzi ri ehenhla ka xitshamu xa ndzivalelo, exikarhi ka tikerubu timbirhi leti khubumetaka Areka ya Ntwanano.”

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”

Eksoda 29:41

Xinyimpfana lexa vumbirhi xa namadyambu, mi ta xi humesa ni magandzelo ya mapa lama katsiweke ni vhinyo, ku fana ni swa nimixo; ma ta va magandzelo lama hiseriwaka mina HOSI Xikwembu, lawa ku nun'hwela ka wona ku nga ta ndzi tsakisa.

Eksoda 29:43

Ndzi ta hlangana ni Vaisraele endhawini yoleyo, kutani ku kwetsima ka mina ku ta yi hlawulekisa.

Eksoda 30:36

Xiphemu xin'wana xa wona, mi ta xi sila xi endla mapa, kutani mi teka mapanyana ya kona mi ma nyunyetela emahlweni ka Areka ya Ntwanano, endzeni ka Ntsonga lowo Hlawuleka, laha ndzi nga ta hlangana na n'wina kona. Murhi lowu wu ta va wu hlawulekile swinene eka n'wina.

Eksoda 33:7

Enkarhini lowu, Muxe a a toloverile ku teka ntsonga, a ya wu vamba ehandle kule ni mixaxa, a wu thya vito a ku i “Ntsonga-wo-hlangana-na-HOSI”. Kutani un'wana ni un'wana loyi a a lava ku vutisa timhaka eka HOSI Xikwembu, a a huma a ya eka ntsonga lowu, ehandle ka mixaxa.

Tinhlayo 17:4

Tinhonga leti u ta ya na tona eka Ntsonga lowo Hlawuleka, u fika u ti veka kusuhi ni Areka ya Ntwanano, exivandleni lexi ndzi hlanganaka na n'wina eka xona.

Tinhlayo 28:7

Eka magandzelo lawa, xinyimpfana xin'wana ni xin'wana xi humesiwa ni jomela rin'we ra vhinyo leyo bava ya magandzelo; vhinyo leyi ya magandzelo, va fanele ku ndzi humesela yona mina HOSI, hi ku yi chela exivandleni lexo hlawuleka.

Ezekiele 46:15

Hi ndlela leyi, siku rin'wana ni rin'wana nimixo, ku ta humesiwa xinyimpfana ni mapa ni mafurha, egandzelweni leri hisiwaka ra minkarhi hinkwayo.”

Ezekiele 43:6

Loko mupimi a ha yimile kusuhi na mina, ndzi twa rito ra un'wana la vulavulaka na mina a ri endzeni ka Tempele,