Eksoda 29:2 - BIBELE Mahungu Lamanene

² U ta lava ni xinkwa, ni swimbhundzwa leswi swekiweke hi mafurha, ni xinkwa xo oma lexi totiweke mafurha, hinkwaswo swi ri leswi swekiweke hi mapa lamanene ya koroni, swi nga cheriwanga comela.

Xitsonga (Bibele)

² “U ta teka xinkuzana, ni makhuna mambirhi lama nga riki na xivati, ni xinkwa lexi nga riki na comela; ni swinkwanyana leswi kalaka comela leswi pfuviweke hi mafurha; ni swimbundzunyana leswi kalaka comela leswi totiweke hi mafurha; u swi endla hi mapa lama hleriweke ya koro;

Eksoda 29:2 Referans Kwoze

Tinhlayo 6:15

Ú ta humesa ni xirhundzu xa xinkwa lexo-ke-comela, ni swimbhundzwa swa mapa lamanene lama pfuviweke hi mafurha, ni xinkwa lexo oma lexi totiweke mafurha, ni mapa ya gandzelo ni swakunwa swa kona.

1 Vakorinto 5:7

Cukumetani comela xa khale, leswaku mi ta va mbila leyintshwa. Mhaka ya kona hileswaku a ma ha ri na comela, hikuva Kriste, la nga xinyimpfana xa hina xa Paseka, ú tlhaviwile.

Tinhlayo 6:19

“Kutani muprista ú ta teka xiphanga xa khuna loko xi vupfile, a pambula ni ximbhundzwa xin'we xo-ke-comela exirhundzwini, ni xinkwa xin'we lexo oma xo-ke-comela, a swi tamerisa Munaziri endzhaku ka loko a byewurile misisi ya vunaziri bya yena;

Levhitika 8:26

Kutani exirhundzwini xa leswo-ke-comela leswi nga mahlweni ka HOSI Xikwembu, Muxe a pambula ximbhundzwa xin'we, ni xinkwa xin'we lexi totiweke mafurha, ni xinkwa xin'we lexo oma, a swi tlhandleka ehenhla ka mafurha ni nenge lowa xinene,

Levhitika 8:2

“Tana na Aroni ni vana va yena enyangweni ya Ntsonga lowo Hlawuleka, u teka ni swiambalo swa vuprista, ni mafurha yo tola, ni xinkuzana xa mhamba yo susa swidyoho, ni makhuna mambirhi, ni xirhundzu xa swinkwa leswo-ke-comela,

Levhitika 7:12

Loko magandzelo lawa munhu wa kona a ma humesaka ma ri ya ku nkhensa Xikwembu, ú fanele ku tlhandlekela hi swimbhundzwa leswo-ke-comela leswi cheriweke mafurha, ni xinkwa lexo oma lexo-ke-comela lexi totiweke mafurha, ni swimbhundzwa swa mapa lamanene lama pfuviweke ni mafurha.

Levhitika 7:10

Kasi mapa ya magandzelo ya swa le masin'wini, lama cheriweke mafurha kumbe lama nga cheriwangiki, ma ta va ya vaprista hinkwavo, va phakeriwa mimpimo leyi ringanaka.

Levhitika 2:15

Ehenhla ka tindzhoho leti, mi ta chela mafurha, mi n'wan'wasela ni murhi wa risuna. Lawa hi wona magandzelo ya swa le masin'wini.

Eksoda 29:23

u ta pambula ni xinkwa xin'we, ni ximbhundzwa xin'we lexi swekiweke hi mafurha, ni xinkwa xin'we xo oma exirhundzwini xa leswo-ke-comela leswi nga emahlweni ka HOSI Xikwembu.

Eksoda 12:8

“Nyama leyi, yi fanele ku dyiwa vusiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka.

Eksoda 29:3

Kutani u ta swi nghenisa exirhundzwini; u swi tisa swi ri endzeni ka xona, siku u tisaka xinkuzana ni makhuna mambirhi.

Levhitika 6:13

Ndzilo wu fanele ku tshama wu ri karhi wu pfurha alitarini, wu nga tshuki wu timeka.