Eksoda 29:11 - BIBELE Mahungu Lamanene

¹¹ u ta xi tlhava emahlweni ka mina HOSI, kwala nyangweni ya Ntsonga lowo Hlawuleka.

Xitsonga (Bibele)

¹¹ Kutani u ta xi tlhava emahlweni ka Yehovha enyangweni ya Tabernakela ya nhlengeletano.

Eksoda 29:11 Referans Kwoze

Levhitika 9:12

Kutani a tlhava xifuwo xa magandzelo lama hisiwaka; vana va yena va n'wi nyiketa ngati ya xona, kutani a xuva ha yona alitari matlhelo hinkwawo;

Levhitika 9:8

Kavaloko Aroni a tshinela kusuhi ni alitari, a tlhava xinkuzana xa mhamba ya yena yo susa swidyoho,

Levhitika 8:15

Kutani Muxe a tlhava xinkuzana, a teka ngatinyana ya xona, a peta ritiho a tota etimhondzweni leti nga tinhleni ta alitari, yi va mhamba yo susa swidyoho; leyin'wana ngati a yi chela ehansi ka alitari. Hi ndlela leyi, Muxe a hlawulekisa alitari ni ku yi basisa.

Eksoda 29:4

U ta ta na Aroni ni vana va yena va xinuna enyangweni ya Ntsonga lowo Hlawuleka, kutani u ta va hlambisa hi mati.

Eksoda 29:10

“Kutani u ta tisa xinkuzana emahlweni ka Ntsonga lowo Hlawuleka. Aroni ni vana va yena va ta tlhandleka mavoko enhlokweni ya xinkuzana lexi;

Eksoda 29:12

Kutani u ta teka ngatinyana ya xinkuzana, u tota etimhondzweni ta alitari hi ritiho, ngati leyin'wana hinkwayo u ta yi chela ehansi ka alitari.

Levhitika 3:2

Kutani ú ta tlhandleka voko enhlokweni ya xifuwo enyangweni ya Ntsonga lowo Hlawuleka, a xi tlhavela kwalaho. Vaprista, va nga vana va Aroni, va ta teka ngati ya xifuwo, va xuva ha yona alitari matlhelo hinkwawo.

Levhitika 14:13

Xinyimpfana lexi, ú fanele ku xi tlhavela exivandleni lexo hlawuleka laha va tlhavelaka kona swifuwo swa mhamba yo susa swidyoho ni swa magandzelo lama hisiwaka. Nyama ya xifuwo xa magandzelo yo riha milandzu, a yi hambananga ni ya mhamba yo susa swidyoho, na yona yi hlawulekile swinene, kutani i ya vaprista.

Levhitika 4:4

U ta ta ni xinkuzana xexo enyangweni ya Ntsonga lowo Hlawuleka, a fika a tlhandleka voko ra yena enhlokweni ya xona, kutani a xi tlhavela kona, emahlweni ka HOSI Xikwembu.