Eksoda 28:43 - BIBELE Mahungu Lamanene

⁴³ Swiburukwana leswi swi fanele ku ambariwa hi Aroni ni vana va yena, loko va nghena eka Ntsonga lowo Hlawuleka, kumbe loko va ta kusuhi ni alitari ku ya tirha exivandleni lexo hlawuleka; loko va nga endlisi sweswo, va ta tivangela khombo, va fa. Lowu wu ta va nawu lowu bohaka Aroni ni vatukulu va yena hilaha ku nga heriki.”

Xitsonga (Bibele)

⁴³ Aroni ni vana va yena va ta ti ambala loko va nghena eTabernakeleni ya nhlengeletano ni loko va tshinela alitari ku ya tirha ntirho evukwetsimelweni va nga tshuki va kuma nandzu, leswaku va nga ti fa. I ku lerisa loku nga heriki, loku nyikiweke Aroni ni vatukulu va yena.”

Eksoda 28:43 Referans Kwoze

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”

Eksoda 20:26

Naswona mi nga khandziyi alitarini hi swikhandziyo, hikuva vuhava bya n'wina byi nga vonaka.

Levhitika 5:17

“Munhu loyi a dyoheke, kambe ku nga ri ha vomu, a endla xin'wana xa swilo leswi ndzi leriseke leswaku swi nga tshuki swi endliwa, ú ni nandzu; kutani ú fanele ku wu rhwala;

Tinhlayo 18:22

Ku endlela leswaku Vaisraele va nga tivangeli rifu hi ku tshinela kusuhi ni Ntsonga lowo Hlawuleka,

Levhitika 22:9

Vaprista va fanele ku hlayisa swileriso swa mina, va nga tshuki va tlanga ha swona, hikuva sweswo swi nga va vangela nandzu, va fa. Hi mina HOSI, Xikwembu lexi xi va hlawulekisaka.

Levhitika 17:7

Hi ndlela leyi, Vaisraele a va nga ha endli vunghwavava hi ku tlhava swifuwo swa vona, va gandzela ha swona swikwembu swa vona swa swiphongho. Naswona va fanele ku hlayisa nawu lowu, vona ni vatukulu va vona, hilaha ku nga heriki.”

Levhitika 5:1

“Loko munhu a vitaniwa ehubyeni ku ya nyika vumbhoni bya mahaka leyi a yi voneke loko yi humelela kumbe leyi a yi tivaka, kambe a yi fihla, ú ni xidyoho, kutani ú fanele ku rhwala nandzu wa yena.

Tinhlayo 9:13

Kambe loko munhu a basile, naswona a nga endzanga, kutani a tshika ku endla nkhuvo wa Paseka, munhu wo tano ú fanele ku hlongoriwa erixakeni ra ka vona, hikuva ú ta va a nga humesanga gandzelo ra mina HOSI hi nkarhi lowu vekiweke. Tlhandlakambirhi ú ta dlawela swidyoho swa yena.

Eksoda 30:21

Va ta hlamba mavoko ni milenge, hikuva loko va nga endlisi sweswo, va ta fa. Lowu i nawu lowu nga ta ka wu nga hundzuki, eka Aroni ni vana va yena, wu ta boha hambi va ri vatukulu va yena, hilaha ku nga heriki.”

Levhitika 16:13

a fika a chela murhi wa risuna emakaleni, emahlweni ka mina HOSI; murhi wu ta tshwa wu humesa musi lowu nga ta funengeta xitshamu xa ndzivalelo lexi nga henhla ka Areka ya Ntwanano; loko a nga endlisi sweswo, ú ta fa.

Ezekiele 44:17

“Loko Vaprista va nghena etinyangweni ta xivava xa le ndzeni emahlweni ka Tempele, va ta va va ambarile swiambalo swa ntsembyani; va nga tshuki va ambala leswi lukiweke hi voya bya tinyimpfu, loko va ri karhi va tirha etinyangweni ta xivava xa le ndzeni, kumbe endzeni ka Tempele.

Levhitika 3:17

Hinkwako lomu mi nga ta va mi tshama kona, mi nga tshuki mi dya mafurha kumbe ngati. Nawu lowu, mi fanele ku wu landza, n'wina ni vatukulu va n'wina hilaha ku nga heriki.”

Levhitika 22:15

Vaprista va nga tshuki va nyamisa swa tinyiko leto hlawuleka leti Vaisraele va ndzi humeselaka tona,

Tinhlayo 15:15

Eka n'wina ni ka loyi a luveleke erixakeni ra n'wina, ku ta tirha nawu wun'we hilaha ku nga heriki, lowu nga ta boha ni hinkwavo lava nga ta velekiwa. Emahlweni ka mina, n'wina ni valuveri ma fana.

Tinhlayo 18:8

Kutani HOSI Xikwembu xi ku ka Aroni: “Ndzi veka emavokweni ya wena ntirho wa ku hlayisa mihlengo leyo hlawuleka hinkwayo leyi Vaisraele va ndzi humeselaka yona; eka yona, ku ta va ni leswi mi nga ta lawuriwa swona, wena ni vana va wena hilaha ku nga heriki.

Tinhlayo 18:32

Loko mi humesile leswinene ngopfu, kutani mi dya leswi saleke, a mi nga vi na nandzu; kambe mi nga tshuki mi nyamisa swilo leswi hlawulekeke swa Vaisraele, hikuva loko mo swi nyamisa, mi ta fa.’ ”