Eksoda 28:4 - BIBELE Mahungu Lamanene

⁴ Swiambalo leswi va nga ta rhunga swona hi leswi: Xincekana xa le xifuveni, ni efodi, ni nguvu yo leha, ni hembe yo rhungeleriwa mavalavala, ni xihuku, ni vamba. Va fanele ku rhungela makwenu Aroni ni vana va yena va xinuna eswiambalo leswo hlawuleka, leswaku va ta va vaprista, va ndzi tirhela.

Xitsonga (Bibele)

⁴ “Tinguvu leti va nga ta ti endla hi leti: Nguvu ya xifuva, ni efodi, ni rhoko, ni baji, ni xihuku, ni vamba: va ta endlela Aroni, makwenu, ni vana va yena tinguvu leti hlawuriweke va ta tiva ku tirha ntirho wa vuprista emahlweni ka mina.

Eksoda 28:4 Referans Kwoze

Nhlavutelo 9:17

Hi swona leswi ndzi nga swi vonisa xiswona swa tihanci, eka xivono xa mina: Vagadi va tona a va ambele swisirhelelo swa swifuva leswi a swi fana ni ndzilo hi ku tshwuka, swi ri swa rihlaza kukota ribye ra “safiri”, ni swa xitshopana ku fana ni xivavula. Tinhloko ta tihanci a ti fana ni ta tinghala; emilon'weni ya tona a ku huma ndzilo ni musi ni xivavula.

Vaefesa 6:14

Loko swi ri tano, tshamani mi tilulamisile. Tikhameni hi ntiyiso wu va vamba ra n'wina. Ambalani ku lulama xi va xisirhelelo xa n'wina xa le xifuveni,

1 Vatesalonika 5:8

Kambe leswi hina hi nga va nhlekanhi, a hi tikhomeni, hi ambala ku pfumela ni rirhandzu xi va xisirhelelo xa hina exifuveni, kutani enhlokweni hi ambala ku langutela ka ku ponisiwa, xi va xihuku xa hina.

Esaya 59:17

Ku lulama ku ta va xisirhelelo xa xona xa le xifuveni, xihuku xa xona xa le nhlokweni ku ta va ku ponisa ka xona; swiambalo swa xona, ku ta va ku rihisela ka xona, ku hiseka ka xona ku ta va nceka lowu xi funengelaka wona.

Esaya 11:5

Ku lulama ni ku tshembeka, swi ta va banti leri a tibohaka ha rona.

2 SAMIELE 6:14

kutani a dzunisa HOSI Xikwembu hi ku cina hi matimba ya yena hinkwawo, a ambele nceka wa ntsembyani lowu vuriwaka “efodi”.

1 SAMIELE 30:7

Kutani Davhida a byela muprista Abiyatara n'wana Ahimeleke, a ku: “Ndzi tisele nkwama wa ‘efodi’!” Kutani Abiyatara a yi yisa eka Davhida.

1 SAMIELE 23:6

Loko Abiyatara n'wana Ahimeleke a baleka ku ya hlangana na Davhida eKeyila, a a rhelerile a khomile nkwama wa vuhlolotwana lowu vuriwaka “efodi”.

1 SAMIELE 22:18

Hiloko hosi Sawulo a lerisa Dowege, a ku: “Yana wena, u ya juma vaprista u va dlaya!” Kutani Dowege lowa Muedomu a ya juma vaprista; hi siku rero a dlaya vaprista vo ringana 85, lava a va ambarile nceka wa ntsembyani lowu vuriwaka “efodi”.

1 SAMIELE 2:18

Mufana Samiele a a tirhela HOSI Xikwembu a ambele nceka wa vaprista wa ntsembyani, lowu vuriwaka “efodi”.

Eksoda 39:28

va rhunga xihuku lexikulu ni swihuku leswitsongo hi ntsembyani lowo saseka, ni swiburukwana hi ntsembyani wo saseka lowu lukiweke;

Eksoda 25:7

ni maribye ya nkoka ya ‘onikisi’, ni lama nga ta vekeriwa engubyeni ya vaprista ya ‘efodi’ ni le xincekaneni xa vona xa le xifuveni.

Eksoda 29:6

u n'wi ambexa xihuku enhlokweni, u vekela ni harhi leyo hlawuleka ya xiphepherhele exihukwini.

Hosiya 3:4

Va tiko ra Israele na vona va ta tshama nkarhi wo leha va nga ri na hosi kumbe murhangeri, va ta pfumala ni swo humesa magandzelo, hambi ma ri maribye ya vugandzeri a va nga vi na wona, va ta pfumala na “efodi” kumbe “terafi”.