Eksoda 28:39 - BIBELE Mahungu Lamanene

³⁹ “Mi ta luka hembe ya mavalavala ni xihuku hi ntsembyani lowo saseka; vamba rona mi ta ri rhungelela mavalavala.

Xitsonga (Bibele)

³⁹ “U ta endla ni hembe hi nguvu ya ntsembyana lowo saseka; u endla ni xihuku xa ntsembyana lowo saseka, u endla ni vamba leri swonyiweke hi ntirho wa vutlhari.

Eksoda 28:39 Referans Kwoze

Pisalema 45:14

ú yisiwa eka hosi a hakarile minceka ya mavalavala, a landziwa hi vanhwana-kulobye, ti nga tinxangwana ta yena, va nghena hinkwavo.

Eksoda 26:36

“Mi ta endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka ni ntsembyani wo saseka lowu lukiweke, lowu rhungeleriweke mavalavala.

Eksoda 28:4

Swiambalo leswi va nga ta rhunga swona hi leswi: Xincekana xa le xifuveni, ni efodi, ni nguvu yo leha, ni hembe yo rhungeleriwa mavalavala, ni xihuku, ni vamba. Va fanele ku rhungela makwenu Aroni ni vana va yena va xinuna eswiambalo leswo hlawuleka, leswaku va ta va vaprista, va ndzi tirhela.

Eksoda 29:5

Kutani u ta teka swiambalo swa vuprista, u ambexa Aroni hembe ni nguvu leyo leha leyi ambariwaka ni efodi, u n'wi ambexa ni efodi, ni xincekana xa le xifuveni, u n'wi khama hi vamba ra efodi;

Eksoda 29:6

u n'wi ambexa xihuku enhlokweni, u vekela ni harhi leyo hlawuleka ya xiphepherhele exihukwini.

Eksoda 29:8

U ta ta ni vana va Aroni va xinuna, u va ambexa tihembe,

Eksoda 39:27

Va rhunga ni tihembe leti lukiweke hi ntsembyani wo saseka, va rhungela Aroni ni vana va yena;

Levhitika 6:10

Muprista ú fanele ku ambala hembe ya yena ya ntsembyani ni xiburukwana xa ntsembyani xo tisiva ha xona, a teka nkuma lowu saleke alitarini loko ku hisiwa magandzelo, a wu chela kusuhi ni alitari.

Levhitika 16:4

Ú fanele ku ambala swiambalo swa ntsembyani swa vaprista, ku nga hembe, ni xiburukwana, ni vamba, ni xihuku; kambe ú fanele ku rhanga a hlamba miri a nga si swi ambala, hikuva swi hlawulekile.

Eksoda 27:16

Enyangweni ya xivava, ku ta va ni xisirhelelo xa 10 m hi ku leha, xa voya bya muhlovo wa rihlaza ra tilo ni wa xivunguvungu ni lowo tshwuka, ni ntsembyani wo saseka lowu lukiweke, lowu rhungeleriweke mavalavala; wu ta va ni mune wa timhandze to seketela eka tona ni mune wa minkotloto ya tona.