Eksoda 28:3 - BIBELE Mahungu Lamanene

³ U ta vulavula ni vatirhi hinkwavo lava nga ni vutivi, va nga lava ndzi va nyikeke vutlhari, leswaku va rhungela Aroni swiambalo leswi nga ta komba leswaku ndzi n'wi hlawurile ku va muprista, a ndzi tirhela.

Xitsonga (Bibele)

³ U ta vulavula ni vanhu hinkwavo va vutlhari lava ndzi va nyikeke moya wa vutlhari, va ta endlela Aroni tinguvu leti n'wi hlawulaka leswaku a tirha mitirho ya vuprista emahlweni ka mina.

Eksoda 28:3 Referans Kwoze

Vaefesa 1:17

ndzi kombela leswaku Xikwembu xa Hosi ya hina Yesu Kriste, Tatana la dzunekaka, xi mi nyika Moya wa vutlhari, xi tihlavutela ha wona eka n'wina, leswaku mi ta xi tiva swinene.

Esaya 11:2

Moya wa HOSI Xikwembu wu ta tshama eka yena, wu nga Moya lowu nyikaka vutlhari ni ku twisisa, Moya wo tsundzuxa, wo susa vutoya, Moya lowu pfunaka ku tiva HOSI Xikwembu ni ku xi chava.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Duteronoma 34:9

Yoxuwa n'wana Nuni a a tele moya wa vutlhari, hikuva Muxe a a n'wi tlhandlekile mavoko. Hikokwalaho Vaisraele a va n'wi yingisa, va endla hinkwaswo leswi HOSI Xikwembu xi swi leriseke Muxe.

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Eksoda 35:35

HOSI Xikwembu xi va nyikile vutlhari bya ku kota ku tirha ntirho wun'wana ni wun'wana, ku fana ni ku vatla, kumbe ku sasekisa swilo, kumbe ku rhungelela mavalavala hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke, hambi wu ri ntirho wo luka kunene, kumbe mintirho yin'wana ya tinxaka-xaka, ku katsa ni vutivi byo sasekisa swilo.

Eksoda 35:30

Kutani Muxe a ku ka Vaisraele: “Vonani, HOSI Xikwembu xi hlawurile Besalele n'wana Uri wa Huru, wa nyimba ya Yuda;

Eksoda 35:25

Vavasati lava a va ri ni vutivi bya ku swula, a va tisa leswi va swi swuleke hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka.

Eksoda 35:31

xi n'wi cherile Moya wa xona, xi n'wi nyika vutlhari, ni ku twisisa, ni vutivi, ni ku kota mintirho hinkwayo,

Eksoda 36:1

“Kutani Besalele na Oholiyabu ni vavanuna hinkwavo lava nga ni vutivi bya ntirho, lava HOSI Xikwembu xi va nyikeke vutlhari ni ku twisisa, ni ku kota mintirho hinkwayo eku endleni ka xivandla lexo hlawuleka, va ta tirha hi ku landza hinkwaswo leswi HOSI Xikwembu xi leriseke swona.”

1 TIHOSI 7:14

Sirha tata wa Hiramu a a ri munhu wa le Tiri, loyi a a tiva ku fula koporo. Mana wa Hiramu a a ri wa ka Neftali. Hiramu a a ri munhu wo tlhariha ngopfu, wo hatla ku twisisa, la tivaka swinene ku fula xihi ni xihi hi koporo. Kuteloko a fikile eka hosi Solomoni, a tirha hinkwaswo leswi hosi yi n'wi kombeleke swona.

Eksoda 35:10

“Kutani vavanuna lava nga ni vutivi bya ntirho exikarhi ka n'wina, a va te va ta endla hinkwaswo leswi HOSI Xikwembu xi leriseke swona, swi nga leswi:

Eksoda 36:2

Kutani Muxe a vitana Besalele na Oholiyabu, ni vavanuna hinkwavo lava nga ni vutivi bya ntirho, lava HOSI Xikwembu xi va nyikeke miehleketo ya vutlhari, ni hinkwavo lava tinyiketeleke ku tirha, leswaku va ta, va ta nghena entirhweni.