Eksoda 28:27 - BIBELE Mahungu Lamanene

²⁷ Mi ta endla swingwavila swin'wana swimbirhi hi nsuku; swona mi ta swi vekela emahlweni, hi le hansi ka tingoti ta efodi ta le makatleni, laha tingoti leti ti hlanganaka kona, ehenhla ka vamba ra efodi.

Xitsonga (Bibele)

²⁷ U ta endla ni swingwavila swimbirhi swa nsuku, u swi veka emakatleni mambirhi ya efodi, ehansi, kusuhi ni laha swi rhungiweke kona, ehenhla ka vamba ra efodi.

Eksoda 28:27 Referans Kwoze

Eksoda 28:8

Vamba leri nga ta tiyisa ni ku boha efodi, ri ta rhungiwa ku fana na yona, hi voya byo fana bya muhlovo wa nsuku, ni wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke.

Eksoda 28:26

Kutani mi ta endla swingwavila swimbirhi hi nsuku, mi swi vekela eka makumu mambirhi ya xincekana xa le xifuveni, enson'weni wa xona wa le ndzeni, kusuhi ni efodi.

Eksoda 28:28

Swingwavila leswi swi ta khomisa xincekana xa le xifuveni eswingwavileni swa efodi, swi boheleriwa hi ngoti ya rihlaza ra tilo, ku endlela leswaku xincekana xi tshama ehenhla ka vamba ra efodi, xi nga tshuki xi suka eka yona.