Eksoda 28:17 - BIBELE Mahungu Lamanene

¹⁷ Eka xincekana lexi, mi ta veketela maribye ya nkoka hi tinxaxa ta mune; rixaxa ro sungula ri ta va ni maribye lawa ya nkoka: ‘sardiyo’, na ‘topazi’, na ‘garnete’;

Xitsonga (Bibele)

¹⁷ U ta yi nameka hi mukhuva lowu va namekaka maribye ha wona, yi ta va ni mune wa tinxaxa ta maribye; erixaxeni rin'wana, ku ta nghenisiwa rubi, ni topazi, ni emeralda,

Eksoda 28:17 Referans Kwoze

Ezekiele 28:13

A wu tshama entangeni wa mina wa le Edeni, u sasekisiwile hi maribye ya nkoka ya tinxaka-xaka, yo fana ni ‘sardiyo’, ni ‘topazi’, ni ‘dayimani’, ni ‘berila’, ni ‘onikisi’, ni ‘yaspere’, ni ‘safiri’, ni ‘emeralda’, ni ‘garnete’; swiangarhelo swa maribye lawa a swi ri swa nsuku lowu furiweke, swi lulamisiwile siku u tumbuluxiweke.

Swivuriso 8:11

hikuva vutlhari byi tlula swilo swo bomba ha swona, hinkwaswo leswi munhu a swi lavaka swi nga ka swi nga byi tluli.

Malakiya 3:17

Kutani HOSI ya matimba hinkwawo yi ku: “Vanhu lava va ta va va mina; va ta va ndzhaka ya mina leyo hlawuleka siku ndzi nga ta avanyisa misava. Ndzi ta va tsetselela ku fana ni mutswari, loko a tsetselela n'wana wa yena loyi a n'wi tirhelaka.

Swirilo 4:7

Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.

Swivuriso 31:10

Wansati wa migingiriko, a swi olovi ku n'wi kuma, swilo swo bomba ha swona, ú swi tlula kule.

Swivuriso 20:15

Nsuku ni swilo swo bomba, a hi ku tala ka swona, kambe marito ya vutivi i xuma lexi kalaka swinene.

Swivuriso 3:15

Vutlhari byi ni nkoka ku tlula swilo swo bomba ha swona, byi tlula ni swilo hinkwaswo leswi munhu a swi navelaka.

Eksoda 28:11

Mi ta kevetla mavito ya vana va Yakobo emaribyeni lawa mambirhi, tanihi munhu loyi a kevetlelaka maribye ya nkoka a endla mimfungho; kutani mi ta vekela maribye lawa eka swiangarhelo swa nsuku,

Eksoda 28:9

Kutani mi ta teka maribye mambirhi ya nkoka ya ‘onikisi’, mi ma kevetlela, mi tsala mavito ya vana va Yakobo va xinuna.

Eksoda 28:16

Xincekana lexi xi ta petsiwa xi ringanana, xi va 25 cm ku leha ni 25 cm ku anama.

Eksoda 28:18

rixaxa ra vumbirhi ri ta va ni maribye lawa: ‘emeralda’, na ‘safiri’, na ‘dayimani’;