Eksoda 28:12 - BIBELE Mahungu Lamanene

¹² kutani mi ta bohelela maribye ya kona etingotini ta efodi ta le makatleni, leswaku ma ta va xikombiso xa tinyimba ta Israele; naswona Aroni ú ta rhwala mavito lawa emakatleni ya yena loko a ta emahlweni ka mina HOSI Xikwembu, ma ta ndzi tsundzuxa tinyimba leti.

Xitsonga (Bibele)

¹² Maribye mambirhi u ta ma veka emakatleni ya efodi leswaku ma va maribye ya xitsundzuxo xa vana va Israele; Aroni u ta rhwala mavito ya vana va Israele emahlweni ka Yehovha emakatleni ya yena, xi va xitsundzuxo.

Eksoda 28:12 Referans Kwoze

Eksoda 28:29

Kutani loko Aroni a ta exivandleni lexo hlawuleka, ú ta rhwala mavito ya tinyimba ta Israele ma ri exincekaneni xa le xifuveni lexi ambariwaka loko ku avanyisiwa timhaka; mavito lawa ma ta va henhla ka mbilu ya yena, ku endlela leswaku mina HOSI Xikwembu ndzi tshama ndzi ri karhi ndzi ma tsundzuka.

Yoxuwa 4:7

mi ta va byela leswaku mati ya nambu wa Yordani ma avanile emahlweni ka Areka ya HOSI Xikwembu, loko Areka yi pela nambu wa Yordani; mati ya nambu lowu ma tsemekile ma nga ha khuluki. Kutani maribye lawa, ma ta va xitsundzuxo eka Vaisraele hilaha ku nga heriki.”

Tinhlayo 31:54

Muxe na muprista Eliyazara va teka nsuku lowu humaka eka varhangeri lava va mavuthu, kutani va wu yisa eka Ntsonga lowo Hlawuleka, leswaku HOSI Xikwembu xi ta tsundzuka Vaisraele.

Tinhlayo 16:40

Lexi a xi ri xitsundzuxo eka Vaisraele leswaku un'wana ni un'wana loyi a nga riki muprista kumbe wa rixaka ra Aroni, a nga tshuki a tshinela a humesela HOSI Xikwembu gandzelo ra mirhi ya risuna, hikuva loyi a nga ta endla sweswo ú ta humeleriwa hi leswi humeleleke Kora ni vanghana va yena. Leswi hi swona leswi HOSI Xikwembu xi swi byeleke Eliyazara hi nomo wa Muxe.

Levhitika 24:7

Erixaxeni rin'wana ni rin'wana, u ta veka murhi lowu tengeke wa risuna wo suma swinkwa, lowu wu nga ta humeseriwa mina HOSI.

Timhaka 10:4

Loko a yi langutile swinene, a khomiwa hi ku chava, kutani a ku: “I ncini, Hosi?” Yi ku ka yena: “Mikhongelo ya wena ni swihanano swa wena swi amukeriwile eka Xikwembu, kutani xi ku anakanyile.

Luka 1:72

A xi te, xi ta tsetselela vatata wa hina, ni ku anakanya ntwanano wa xona lowo hlawuleka;

Luka 1:54

Ú lwerile Israele nandza wa yena, hi ku anakanya tintswalo ta yena,

Esaya 62:6

We Yerusalema, ndzi vekile varindzi ehenhla ka rirhangu ra wena; vusiku ni nhlekanhi, va le ntirhweni wa vona; n'wina lava tsundzuxaka HOSI Xikwembu, mi nga tshuki mi wisa.

Esaya 12:2

“Xikwembu i muponisi wa mina wa xiviri, ndzi ta xi tshemba, a ndzi nga ha chavi nchumu; HOSI Xikwembu i ntamu wa mina, ndzi ta yimbelela ndzi dzunisa xona, hikuva hi xona xi ndzi ponisaka.”

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Pisalema 89:19

Siku rin'wana u vulavurile na hina malandza ya wena hi xivono, u ku: “Ndzi nyikile nhenha yin'wana entamu lowukulu; ndzi yi hlawurile exikarhi ka vanhu va tiko, ndzi yi tlakusa.

Eksoda 28:7

Efodi yi ta va ni tingoti timbirhi emakatleni, ti rhungeleriwa etinhleni ta yona leti timbirhi, leswaku yi ta bohiwa ha tona.

Eksoda 13:9

Nkhuvo lowu wu ta va xitsundzuxo eka n'wina, ku fana ni loko mi bohile xanchumu evokweni kumbe emombyeni, leswaku mi ta kala mi nga rivali ku twarisa ni ku dyondzisa nawu wa HOSI Xikwembu, hikuva xi mi humesile etikweni ra Egipta hi matimba ya xona lamakulu.

Eksoda 12:14

“Siku leri, mi fanele ku ri tsundzuka; ri ta va siku leri mi nga ta endla nkhuvo wo tlangela HOSI Xikwembu ha rona. Nkhuvo lowu wu ta va xiboho ni le ka hinkwavo lava nga ta velekiwa, hilaha ku nga heriki.

1 Vakorinto 11:24

a nkhensa, a xi phema, a ku: “Leswi i miri wa mina, lowu nyiketiwaka hikwalaho ka n'wina; endlani sweswo hi ku ndzi anakanya.”

Eksoda 28:11

Mi ta kevetla mavito ya vana va Yakobo emaribyeni lawa mambirhi, tanihi munhu loyi a kevetlelaka maribye ya nkoka a endla mimfungho; kutani mi ta vekela maribye lawa eka swiangarhelo swa nsuku,

Duteronoma 33:12

Hi va ka Benjamini, ú te: “Hi vona varhandziwa va HOSI Xikwembu, va tshamisekile, hikuva Xikwembu lexi nge henhla-henhla xa va sirhelela minkarhi hinkwayo, xi akile na vona emagangeni.”

Ntirho 31:36

La ndzi mangalelaka, a a tsale milandzu ya kona, ndzi ta yi pakatsa emakatleni, ndzi yi ambala enhlokweni kukota harhi ya vuhosi.