Eksoda 28:1 - BIBELE Mahungu Lamanene

¹ “Vitana makwenu Aroni, a ta eka wena ni vana va yena, Nadabu, na Abihu na Eliyazara, na Itamara, u hlawula vanhu lava exikarhi ka Vaisraele; va ta va vaprista, va ndzi tirhela.

Xitsonga (Bibele)

¹ “U ta tshineta Aroni, makwenu, ni vana va yena, va ta hlawuriwa exikarhi ka vana va Israele leswaku va tirha ntirho wa vuprista emahlweni ka mina: U ta va yena Aroni, ni vana va yena, Nadabu, na Abihu, na Eliyazara, na Itamara.

Eksoda 28:1 Referans Kwoze

Tinhlayo 18:7

Entirhweni wa vuprista, wena ni vana va wena mi ta vona swa mintirho ya le alitarini ni ya le xivandleni lexo hlawuleka ngopfu lexi pfariweke hi xisirhelelo; mi ta tirha leswi hikuva ntirho wa vuprista i nyiko leyi ndzi mi nyikeke yona; kutani loyi a nga ta tshinelela xivandla lexi a nga ri muprista, ú ta fa.”

1 TIKRONIKA 6:10

Yohanani a veleka Azariya; Azariya loyi ú tirhile swa vuprista eTempeleni leyi hosi Solomoni a yi akeke le Yerusalema.

Duteronoma 10:6

(Vaisraele va suke eBerota-Bene-Yakani, va ya gova eMosera. Loko va ha ri kwale, Aroni a lova, kutani va n'wi lahla kona. Kutani n'wana wa yena Eliyazara a sala a va muprista.

Tinhlayo 26:61

Kambe Nadabu na Abihu va file endzhaku ka loko va humeserile HOSI Xikwembu gandzelo hi ndzilo lowu nga riki wona.

Tinhlayo 2:4

ntsengo wa vavanuna va mavuthu ya yena wu ta va 74 600.

Levhitika 10:12

Kutani Muxe a vulavula na Aroni ni vana va yena lava saleke, Eliyazara na Itamara, a ku ka vona: “Leswi swi saleke eka magandzelo ya swa le masin'wini lama hiseriweke HOSI Xikwembu, swi tekeni, mi ya swi dyela kusuhi ni alitari swi nga cheriwanga comela, hikuva swi hlawulekile ngopfu.

Levhitika 10:1

Siku rin'wana, Nadabu na Abihu, vana va Aroni, va teka swimbitana swa vona, va oka ndzilo, va chela ni murhi wa risuna, va humesela HOSI Xikwembu magandzelo; ndzilo lowu, a wu nga ri wona lowu HOSI Xikwembu xi va leriseke wona.

Levhitika 8:2

“Tana na Aroni ni vana va yena enyangweni ya Ntsonga lowo Hlawuleka, u teka ni swiambalo swa vuprista, ni mafurha yo tola, ni xinkuzana xa mhamba yo susa swidyoho, ni makhuna mambirhi, ni xirhundzu xa swinkwa leswo-ke-comela,

Eksoda 35:19

swiambalo leswi sasekisiweke swa lava tirhaka exivandleni lexo hlawuleka, swi nga swiambalo leswo hlawuleka swa muprista Aroni, ni swiambalo swa vana va yena, leswi va nga ta swi ambala loko va tirha ntirho wa vuprista.”

Eksoda 31:10

ni swiambalo leswi sasekisiweke, swi nga swiambalo leswo hlawuleka swa muprista Aroni, ni leswi nga ta ambariwa hi vana va yena loko va tirha ntirho wa vuprista,

Eksoda 30:30

Aroni ni vana va yena, na vona mi ta va chela mafurha lawa, mi va hlawulekisa leswaku va va vaprista, va ndzi tirhela.

Eksoda 29:44

Ndzi ta hlawulekisa Ntsonga ni alitari ya kona; na yena Aroni ni vana va yena, ndzi ta va hlawulekisa leswaku va va vaprista, va ndzi tirhela.

Eksoda 29:9

u va khama hi mavamba, u va boha swihuku leswitsongo etinhlokweni. Hi swona leswi u nga ta vekisa swona Aroni ni vana va yena, kutani ntirho wa vuprista wu ta va wa vona hi nawu hilaha ku nga heriki.

Eksoda 29:1

“Leswi u nga ta swi endla eka Aroni ni vana va yena loko u va hlawulekisa leswaku va va vaprista va ndzi tirhela, hi leswi: U ta lava xinkuzana ni makhuna mambirhi ya tinyimpfu lama nga solekiki.

Eksoda 28:41

U ta ambexa makwenu Aroni ni vana va yena eswiambalo leswi swa vuprista, u va chela mafurha enhlokweni, u va veka ni ku va hlawulekisa leswaku va ta va vaprista, va ndzi tirhela.

Eksoda 24:9

Muxe a khandziya ntshava a ri na Aroni, na Nadabu, na Abihu, ni vakulukumba va Israele va 70.

Eksoda 24:1

Kutani HOSI Xikwembu xi ku ka Muxe: “Tlhandluka u ta haleno ka mina, wena na Aroni, na Nadabu, na Abihu, ni vakulukumba va Israele vo ringana 70. Loko ma ha ri kule, nkhinsamani mi khongela.

Eksoda 6:23

Aroni a a tekile Elixeba N'wa-Aminadaba makwavo wa Nahaxoni; kutani Elixeba a veleka, Nadabu, na Abihu, na Eliyazara, na Itamara.

Luka 1:8

Loko Zakariya a ri karhi a tirha ntirho wa yena wa vuprista emahlweni ka Xikwembu hi masiku ya ku tirha ka ntlawa wa yena,

2 TIKRONIKA 11:14

Hikokwalaho Valevhi va tshika madyelo ya swifuwo swa vona ni masimu ya vona, va rhurhela etikweni ra Yuda ni le Yerusalema, hikuva Yerobuwamu ni vanhu va yena a va va sivela ku tirha mintirho ya vona ya vuprista va tirhela HOSI Xikwembu.

1 SAMIELE 2:28

Exikarhi ka tinyimba hinkwato ta Vaisraele, ndzi hlawurile Aroni leswaku a va yena muprista wa mina, la nga ta tlhandlukela alitarini ya mina, a ya hisa mirhi ya risuna a ambarile nceka lowu vuriwaka “efodi”, loko a ri emahlweni ka mina. Naswona, magandzelo hinkwawo lawa Vaisraele va ma hisaka alitarini, ndzi ma tamerisile rixaka ra ka n'wina.

1 TIKRONIKA 23:13

Vana va Amirama i Aroni, na Muxe. Aroni a a hlawuriwile ku hlayisa xivandla lexo hlawuleka ngopfu; hikokwalaho, va ka Aroni hi vona va fanelaka ku hisa mirhi ya risuna emahlweni ka HOSI Xikwembu, va xi tirhela ni ku katekisa vanhu hi vito ra xona minkarhi hinkwayo.

Pisalema 99:6

Exikarhi ka vaprista va xona, a ku ri na Muxe na Aroni, na yena Samiele a a ri un'wana wa lava va xi khongelaka. Vanhu lava a va huwelela eka HOSI Xikwembu, kutani xi va hlamula.

Levhitika 7:35

Lexi i xiphemu xa Aroni ni vana va yena lexi pamburiwaka eka magandzelo lama hiseriwaka HOSI Xikwembu; va hlawuleriwile xona siku va vekiweke entirhweni wa vuprista leswaku va ta tirhela HOSI Xikwembu.

Levhitika 8:1

Kutani HOSI Xikwembu xi ku ka Muxe:

Duteronoma 18:5

Valevhi ni vana va vona va hlawuriwile hi HOSI Xikwembu xa n'wina, leswaku va hamba va xi tirhela exikarhi ka tinyimba ta ka n'wina hinkwato, va va vaprista va xona hilaha ku nga heriki.

1 TIKRONIKA 6:34

wa Elikana, wa Yerohama, wa Eliele, wa Towa,

Pisalema 115:10

N'wina va ka Aroni, tshembani HOSI Xikwembu, hi xona xitlhangu ni mupfuni wa n'wina.