Eksoda 27:19 - BIBELE Mahungu Lamanene

¹⁹ Swingolongondzwana hinkwaswo leswi nga ta tirhisiwa eka Ntsonga, ni swikhomiso swa wona hinkwaswo, ni swikhomiso swa xivava hinkwaswo swi ta va swa koporo.”

Xitsonga (Bibele)

¹⁹ Loko swi ri swibya hinkwaswo swa Tabernakela swa mitirho hinkwayo ya yona, ni timhingu ta yona, ni timhingu hinkwato ta xivava, swi ta va swa koporo.

Eksoda 27:19 Referans Kwoze

Zakariya 10:4

Exikarhi ka vona ku ta huma vafambisi lavo tala, hinkwavo va ta tiya kukota ribye ra yinhla, kukota mhingu ya ntsonga kumbe vurha bya masocha.

Esaya 33:20

Langutani muti wa Siyoni, laha hi endlaka kona minkhuvo leyi vekiweke, vonani Yerusalema, muti wo rhula lowu fanaka ni ntsonga lowu nga ha rhurhisiwiki! Timhingu ta wona ti nga ka ti nga ha simuriwi ni siku ni rin'we, hambi ti ri tintambhu ta wona ti nga ka ti nga ha tsemiwi.

Eklesiasta 12:11

Marito ya vanhu vo tlhariha, ma fana ni tinhonga to tontswa, kumbe timhingu leti dzimiweke hansi ti tiya. Vadyondzisi va marito lawa, hi nyikiwile vona hi Murisi a ri un'we.

Ezra 9:8

Kambe masikunyana lawa, wena HOSI Xikwembu xa hina u hi kombile tintswalo hi ku hi siyela masalela, ni ku hi endlela vutshamo endhawini ya wena leyo hlawuleka, leswaku u ta hi hanyisa ni ku hi vevukisela ndzhwalo wa vuhlonga.

Tinhlayo 4:32

ni tiphuphu ta xivava ta matlhelo hinkwawo, ni minkotloto ya tona, ni swikhomiso, ni tingoti, ni switirho hinkwaswo, ni swikhetsakhetsa swa kona hinkwaswo. U ta va komba leswi va nga ta rhwala swona hi ku swi vula hi mavito ya swona.

Tinhlayo 3:37

A va hlayisa ni tiphuphu ta xivava matlhelo hinkwawo, ni minkotloto ya tona, ni swikhomiso swa tona, ni tingoti ta tona.

Eksoda 39:40

swisirhelelo swa xivava, ni tiphuphu ta xona ni minkotloto ya kona, ni xisirhelelo xo pfala nyangwa ya xivava, ni tingoti ta kona, ni swikhomiso swa xivava, ni swingolongondzwana hinkwaswo swa ntirho wa Ntsonga lowo Hlawuleka wa HOSI;

Eksoda 38:31

Va tlhela va vumba hi yona minkotloto hinkwayo ku rhendzeleka ni xivava, ni minkotloto ya le nyangweni ya xivava, ni swikhomiso hinkwaswo swa Ntsonga ni swa xivava ematlhelweni hinkwawo.

Eksoda 38:20

Swikhomiso hinkwaswo swa Ntsonga ni swa xivava ematlhelweni hinkwawo, a swi ri swa koporo.

Eksoda 35:18

swikhomiso swa Ntsonga, ni swikhomiso swa xivava, ni tingoti ta kona;

Eksoda 27:3

Mi ta endlela alitari timbita to kangatela nkuma wa magandzelo, mi yi endlela ni minkombe, ni minkambana, ni tiforoko, ni timbita ta ku oka ndzilo; swingolongondzwana leswi hinkwaswo swa alitari, mi ta swi endla hi koporo.

Eksoda 27:18

Xivava xi ta va ni mimpimo leyi: 50 m ku leha, ni 25 m ku anama, ni 2,50 m ku ya ehenhla; xi ta va ni swisirhelelo swa ntsembyani wo saseka lowu lukiweke, ni minkotloto ya koporo.

Eksoda 27:20

“Kutani mi ta byela Vaisraele hinkwavo leswaku va mi tisela mafurha layo tenga lama humaka eka murhi wa mutlhwari, leswaku rivoni ri ta lumekiwa ri tshama ri ri karhi ri pfurha.