Eksoda 26:6 - BIBELE Mahungu Lamanene

⁶ Mi ta endla ni swikhweketo swa 50 swa nsuku, kutani mi khomanisa swisirhelelo hi swona, leswaku Ntsonga lowo Hlawuleka wu hlangana wu va xilo xin'we lexi heleleke.

Xitsonga (Bibele)

⁶ U ta endla swikhweketana swa nsuku swa ntlhanu wa makume, kutani u ta hlanganisa tinguvu hi swikhweketana, leswaku Tabernakela xi va xilo xin'we.

Eksoda 26:6 Referans Kwoze

Vaefesa 4:16

Miri hinkwawo wu tiyisiwa hi yena, swirho hinkwaswo swa wona swi ri karhi swi hlanganisiwa ni ku khomana swinene, swi endla xilo xin'we. Kutani loko xirho xin'wana ni xin'wana xi tirha ntirho wa xona hi fanelo, miri hinkwawo wu kula, wu akiwa erirhandzwini.

Eksoda 39:33

Kutani va tisa Ntsonga lowo Hlawuleka eka Muxe, hi leswaku swisirhelelo swa wona, ni swingolongondzwana hinkwaswo swa wona, ni swikhweketo swa wona, ni mapulangi ya wona, ni timhandze ta wona to hingakanya ha tona, ni tiphuphu ta wona, ni minkotloto ya wona;

Eksoda 36:18

Kutani va endla swikhweketo swa 50 swa koporo, swo hlanganisa ha swona Ntsonga leswaku wu va xilo xin'we lexi heleleke.

Eksoda 36:13

Kutani va endla swikhweketo swa 50 swa nsuku, va khomanisa swisirhelelo hi swona; hi ndlela leyi, Ntsonga lowo Hlawuleka wu hlangana wu va xilo xin'we lexi heleleke.

Eksoda 35:11

Ntsonga lowo Hlawuleka, ni ntsonga wa vumbirhi, ni xifunengeto xa wona, ni swikhweketo swa wona, ni mapulangi ya wona, ni timhandze ta wona to hingakanya ha tona, ni tiphuphu ta wona, ni minkotloto ya wona;

Eksoda 26:33

Mi ta xi hayeka xi sukela eka swikhweketo xi ya ehansi; kutani mi ta veka Areka ya Ntwanano endzhaku ka xona. Xisirhelelo lexi xi ta mi avanyisela xivandla lexo hlawuleka ni xivandla lexo hlawuleka ngopfu xa le mpfungwe.

Eksoda 26:11

“Kutani mi ta endla swikhweketo swa 50 swa koporo, mi nghenisa swikhweketo leswi eka marimi; mi hlanganisa Ntsonga wu va xilo xin'we lexi heleleke.

Eksoda 26:5

Mi ta rhungelela marimi ya 50 eka xisirhelelo lexo sungula, ni marimi ya 50 eka nsomo wa xisirhelelo lexo hetelela; marimi lawa ma fanele ku va ma langutana.

Eksoda 26:7

“Mi ta endla swin'wana swisirhelelo hi voya bya timbuti, leswi nga ta va swa ntsonga wa vumbirhi ehenhla ka Ntsonga lowo Hlawuleka; mi endla swisirhelelo leswi swi va 11.