Eksoda 26:36 - BIBELE Mahungu Lamanene

³⁶ “Mi ta endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka ni ntsembyani wo saseka lowu lukiweke, lowu rhungeleriweke mavalavala.

Xitsonga (Bibele)

³⁶ “U ta endlela nyangwa ya tende nguvu ya xivunguvungu, ni crimson, ni scarlet, hi ntsembyana lowo saseka leyi swuriweke, wu va ntirho wa vutlhari.

Eksoda 26:36 Referans Kwoze

Eksoda 36:37

Naswona va endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke, lowu rhungeleriweke mavalavala;

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Yohane 10:9

Hi mina nyangwa. Loko munhu a nghena ha mina, ú ta ponisiwa; ú ta nghena a huma, a kuma madyelo.

Pisalema 78:60

Xi herisile vutshamo bya xona bya le Xilo, wu nga ntsonga lowu a xi tshama eka wona exikarhi ka vanhu va xona.

2 SAMIELE 7:6

Mina HOSI a ndzi si tshama endlwini, ku sukela enkarhini lowu ndzi humeseke Vaisraele etikweni ra Egipta, ku fikela namuntlha; ndzi rhendzelekile na vona hinkwako ndzi ri karhi ndzi tshama entsongeni.

Tinhlayo 9:15

Hi siku leri Ntsonga lowu nga ni Areka ya Ntwanano wu yimisiweke ha rona, papa ri wu khubumeta; nivusiku a ri fana ni ndzilo, ri funengeta Ntsonga dyambu ri kondza ri xa.

Tinhlayo 3:25

Eka Ntsonga lowo Hlawuleka, ntirho wa va ka Gerixoni a ku ri ku hlayisa Ntsonga ni xifunengeto xa wona, ni xisirhelelo xa le nyangweni ya wona,

Eksoda 39:33

Kutani va tisa Ntsonga lowo Hlawuleka eka Muxe, hi leswaku swisirhelelo swa wona, ni swingolongondzwana hinkwaswo swa wona, ni swikhweketo swa wona, ni mapulangi ya wona, ni timhandze ta wona to hingakanya ha tona, ni tiphuphu ta wona, ni minkotloto ya wona;

Eksoda 35:11

Ntsonga lowo Hlawuleka, ni ntsonga wa vumbirhi, ni xifunengeto xa wona, ni swikhweketo swa wona, ni mapulangi ya wona, ni timhandze ta wona to hingakanya ha tona, ni tiphuphu ta wona, ni minkotloto ya wona;

Eksoda 26:31

“Kutani mi ta endla xisirhelelo hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke; mi ta xi sasekisa hi ku xi rhungelela swifaniso swa tikerubu.

Eksoda 27:16

Enyangweni ya xivava, ku ta va ni xisirhelelo xa 10 m hi ku leha, xa voya bya muhlovo wa rihlaza ra tilo ni wa xivunguvungu ni lowo tshwuka, ni ntsembyani wo saseka lowu lukiweke, lowu rhungeleriweke mavalavala; wu ta va ni mune wa timhandze to seketela eka tona ni mune wa minkotloto ya tona.

Eksoda 28:39

“Mi ta luka hembe ya mavalavala ni xihuku hi ntsembyani lowo saseka; vamba rona mi ta ri rhungelela mavalavala.

Eksoda 38:18

Xisirhelelo xo pfala nyangwa ya xivava a xi rhungeleriwile mavalavala hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke; xisirhelelo lexi a xi lehile 10 m; lomu matlhelo a xi ri 2,50 m ku ya ehenhla, xi ringana ni swisirhelelo swa xivava.

Eksoda 39:29

va rhunga ni vamba hi ntsembyani wo saseka lowu lukiweke, ni voya bya muhlovo wa rihlaza ra tilo, ni wa xivunguvungu, ni lowo tshwuka, va ri rhungelela mavalavala, hilaha HOSI Xikwembu xi leriseke Muxe hakona.

Ezekiele 16:10

Ndzi ku ambexile xiambalo xo rhungeleriwa mavalavala, ndzi tlhandleka ni swiambalo swin'wana swa ntsembyani wo saseka ni swa silika, ndzi ku ambexa ni tintanghu ta dzovo.

Eksoda 28:15

“Kutani mi ta endla xincekana xa le xifuveni, xo ambariwa loko ku avanyisiwa timhaka, mi xi rhungelela swifaniso. Mi ta xi endla ku fana ni efodi, hi voya bya muhlovo wa nsuku, ni wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke.

Eksoda 35:15

alitari ya mirhi ya risuna ni timhandze ta yona, ni mafurha yo tola, ni mirhi ya risuna leyi hisiwaka egandzelweni, ni xisirhelelo xo pfala nyangwa ya Ntsonga;

Eksoda 40:5

Mi ta veka alitari ya nsuku ya mirhi ya risuna emahlweni ka Areka ya Ntwanano, mi hayeka ni xisirhelelo xo pfala nyangwa ya Ntsonga lowo Hlawuleka.