Eksoda 26:34 - BIBELE Mahungu Lamanene

³⁴ Mi ta tlhandleka xitshamu xa ndzivalelo ehenhla ka Areka ya Ntwanano, exivandleni lexo hlawuleka ngopfu.

Xitsonga (Bibele)

³⁴ U ta veka xikhongelelo earekeni ya vumbhoni exikwetsimisisweni.

Eksoda 26:34 Referans Kwoze

Eksoda 40:20

Kutani va teka maribye ya Ntwanano, va ma veka endzeni ka Areka, va tlhoma ni swikhomo swa yona, va tlhandleka ni xitshamu xa ndzivalelo ehenhla ka yona;

Eksoda 25:21

Xitshamu xa ndzivalelo, mi ta xi tlhandleka ehenhla ka Areka, mi nghenisa endzeni ka yona xitsundzuxo xa Ntwanano lexi ndzi nga ta mi nyika xona.

Vaheveru 9:5

Ehenhla ka areka ya ntwanano a ku ri ni tikerubu leto vangama leti a ti ungamerile xitshamu xa ndzivalelo. Kambe hi nga ka hi nga hlayi swilo leswi ha xin'we-xin'we.

Levhitika 16:2

xi ku ka yena: “Byela makwenu Aroni leswaku ku ni siku leri a nga nghenaka ha rona exivandleni lexo hlawuleka ngopfu lexi pfariweke hi xisirhelelo, laha ku nga ni Areka ni xitshamu xa yona xa ndzivalelo; a nga tshuki a nghena minkarhi yin'wana, hikuva a nga ta fa loko ndzi humelela epapeni, ehenhla ka xitshamu xa ndzivalelo.

1 TIHOSI 6:16

Makhumbi ya xivandla xa le ndzeni ka Tempele, Solomoni a ma pfala hi mapulangi ya murhi wa kedari, ku ringana 10 m ku sukela ehansi ku ya fika etimhandzeni ta lwangu. Kona ndzeni, a lunghisa xivandla lexo hlawuleka xa le mpfungwe, xi nga lexo hlawuleka ngopfu.

Ezekiele 41:4

Mupimi a pima ni xivandla lexi xa vumbirhi xo hlawuleka, a kuma leswaku a xi ri ni 10 m matlhelo hinkwawo, kutani a ku ka mina: “Hi xona xivandla xo hlawuleka ngopfu!”