Eksoda 26:32 - BIBELE Mahungu Lamanene

³² Xisirhelelo lexi mi ta xi hayeka hi swikhweketo swa nsuku eka mune wa tiphuphu ta murhi wa munga leti yimisiweke ehenhla ka minkotloto ya mune ya silivhere.

Xitsonga (Bibele)

³² U ta yi hayeka etimhandzeni ta mune ta murhi wa munga leti namekiweke hi nsuku, leti nga ni swikhweketana swa nsuku; ti ta tlhomiwa eswitshan'weni swa mune swa silivhere.

Eksoda 26:32 Referans Kwoze

Estere 1:6

Xivava a xi sasekisiwile hi minceka yo basa leyi lukiweke hi vutiyi, yi ri ni swicapila swa rihlaza ra tilo, yi boheleriwile hi tintambhu ta ntsembyani ta muhlovo wa xivunguvungu, eswingwavileni swa silivhere, eka tiphuphu ta maribye yo rhetela. A ku ri ni switshamu swo vempfama leswi namaketiweke nsuku ni silivhere, swi vekiwile ehansi laha a ku sasekisiwile hi swiribyana swo tshwuka swo rhetela, ni vuhlalu bya nxavo lowukulu, ni swiribyana swin'wana swa nkoka.

Eksoda 36:38

va xi vatlela ni ntlhanu wa tiphuphu, ni swikhweketo swa tona; va nameka nsuku etinhlokweni ta tona ni le swimhandzaneni swa tona swa ku hayeka xisirhelelo; kambe minkovotlo ya tona leya ntlhanu yona a yi ri ya koporo.

Eksoda 26:37

Mi ta vatla tiphuphu ta ntlhanu hi murhi wa munga, to hayeka xisirhelelo xa le nyangweni, mi ti nameka nsuku; ni swikhweketo swa tona swi ta va swa nsuku; mi ta endlela timhandze leti eminkotloto ya koporo ya ntlhanu.”

Eksoda 25:5

ni madzovo ya tinyimpfu lama tlhuvutsiweke, ni madzovo ya timbuti, ni mapulangi ya murhi wa munga;

Eksoda 26:31

“Kutani mi ta endla xisirhelelo hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke; mi ta xi sasekisa hi ku xi rhungelela swifaniso swa tikerubu.

Eksoda 26:33

Mi ta xi hayeka xi sukela eka swikhweketo xi ya ehansi; kutani mi ta veka Areka ya Ntwanano endzhaku ka xona. Xisirhelelo lexi xi ta mi avanyisela xivandla lexo hlawuleka ni xivandla lexo hlawuleka ngopfu xa le mpfungwe.