Eksoda 26:14 - BIBELE Mahungu Lamanene

¹⁴ “Naswona, mi ta endla xo funengeta Ntsonga hi madzovo lama tlhuvutsiweke ya tinyimpfu ni ya timbuti.

Xitsonga (Bibele)

¹⁴ “U ta endlela tende xifunengeto hi madzovo ya tinyimpfu lama petiweke eka leswo tshwuka, ni xifunengeto xa madzovo ya ntini lexi nga ta funengeta ehenhla.

Eksoda 26:14 Referans Kwoze

Eksoda 36:19

Naswona, va endla xo funengeta Ntsonga hi madzovo lama tlhuvutsiweke ya tinyimpfu ni ya timbuti.

Eksoda 25:5

ni madzovo ya tinyimpfu lama tlhuvutsiweke, ni madzovo ya timbuti, ni mapulangi ya murhi wa munga;

Ezekiele 16:10

Ndzi ku ambexile xiambalo xo rhungeleriwa mavalavala, ndzi tlhandleka ni swiambalo swin'wana swa ntsembyani wo saseka ni swa silika, ndzi ku ambexa ni tintanghu ta dzovo.

Esaya 25:4

We HOSI, u khokholo ra swisiwana, vapfumari va tumbela eka wena loko va ri khombyeni, u xisirhelelo xa vona esikwini ra xidzedze, esikwini ra mumu, u ndzhuti wa vona. Vukari bya vanhu va tihanyi byi fana ni xidzedze lexi baka khumbi,

Esaya 4:6

Loko ku hisa ninhlekanhi, vanhu va ta kuma ndzhuti lowu va nga ta wisa eka wona; ni loko ku ta swidzedze ni timpfula, va ta kuma ko tsutsumela kona, va ya tumbela.

Pisalema 27:5

Esikwini ra khombo, HOSI yi ta ndzi tumbeta entsongeni wa yona, yi ta ndzi fihla endzeni ka yindlu ya yona; yi ndzi veka ehenhla ka ribye lerikulu.

Tinhlayo 4:10

Xitlhoma-timboni ni swingolongondzwana swa xona hinkwaswo, va ta swi phutsela hi xifunengeto xa madzovo ya timbuti, kutani va swi tlhandleka evuhlakeni.

Tinhlayo 4:5

Loko mixaxa yi lava ku rhurhisiwa, Aroni ni vana va yena va ta ya nghena eka Ntsonga, va fika va hawula xisirhelelo lexi sivaka Areka ya Ntwanano, kutani va yi funengeta ha xona.

Eksoda 39:34

va tisa ni xo funengeta Ntsonga ha xona, xa madzovo ya tinyimpfu lama tlhuvutsiweke, ni ya timbuti, ni xisirhelelo xo siva Areka;

Eksoda 35:23

Un'wana ni un'wana loyi a a ri ni voya bya tinyimpfu bya muhlovo wa rihlaza ra tilo, kumbe wa xivunguvungu, kumbe lowo tshwuka, kumbe loyi a a ri ni ntsembyani lowo saseka, kumbe voya bya timbuti, kumbe madzovo ya tinyimpfu lama tlhuvutsiweke, kumbe madzovo ya timbuti, a a swi tisa.

Eksoda 35:7

madzovo ya tinyimpfu lama tlhuvutsiweke, ni madzovo ya timbuti, ni mapulangi ya murhi wa munga;

Eksoda 26:13

Kambe leswi nga ta sala lomu matlhelo ya swisirhelelo swa ntsonga wa vumbirhi, swi ta tshikiwa swi ncikinya ematlhelo ka ntsonga lowo Hlawuleka, swi wu funengeta, 50 cm eka tlhelo rin'wana ni 50 cm eka lerin'wana.

Tinhlayo 4:25

Va ta rhwala swisirhelelo swa Ntsonga lowo Hlawuleka, ni xifunengeto xa wona lexo sungula, ni xifunengeto xa vumbirhi xa le henhla, xa madzovo ya timbuti, ni xisirhelelo xa le nyangweni ya Ntsonga,