Eksoda 26:1 - BIBELE Mahungu Lamanene

¹ “Kutani mi ta endlela Ntsonga swisirhelelo swa khume hi ntsembyani wo saseka lowu lukiweke ni voya bya muhlovo wa rihlaza ra tilo ni wa xivunguvungu ni lowo tshwuka; mi ta swi sasekisa hi ku swi rhungelela swifaniso swa tikerubu

Xitsonga (Bibele)

¹ “U ta endla Tabernakela hi tinguvu ta khume ta ntsembyana lowo saseka leyi lukiweke, ni xivunguvungu, ni scarlet, ni crimson; u ta fanisa kona tikerubu hi ntirho wa vutlhari.

Eksoda 26:1 Referans Kwoze

Eksoda 26:36

“Mi ta endla xisirhelelo xo pfala nyangwa ya Ntsonga hi voya bya muhlovo wa rihlaza ra tilo, ni wa xivunguvungu, ni lowo tshwuka ni ntsembyani wo saseka lowu lukiweke, lowu rhungeleriweke mavalavala.

Eksoda 36:35

Kutani va endla xisirhelelo hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke, va xi sasekisa hi ku xi rhungelela swifaniso swa tikerubu.

Eksoda 26:31

“Kutani mi ta endla xisirhelelo hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke; mi ta xi sasekisa hi ku xi rhungelela swifaniso swa tikerubu.

Eksoda 25:18

Mi ta endla tikerubu timbirhi, leti mi nga ta ti fula hi nsuku, emakumu ka xitshamu xa ndzivalelo.

Nhlavutelo 21:3

Ndzi twa ni rito lerikulu leri humaka exiluvelweni ri ku: “Vonani, vuako bya Xikwembu byi le vanhwini. Xi ta aka na vona, kutani va ta va vanhu va xona; Xikwembu hi xoxe xi ta va na vona, xi va Xikwembu xa vona.

Nhlavutelo 19:8

ú nyikiwile ku ambala swa ntsembyani wa risima, wo vangama ni wa nkoka.” Leswi swa “ntsembyani wa risima”, swi vula mintirho yo lulama ya vahlawuriwa va Xikwembu.

Vaheveru 9:9

Wona wu fanisa swa nguva leyi, kutani hi maendlele ya wona, ku humesiwa tinyiko ni magandzelo; swona a swi koti ku miyeta ripfalo ra loyi a gandzelaka,

Vaheveru 8:2

la tirhaka exivandleni lexi hlawulekeke ni le Ntsongeni wa xiviri, lowu yimisiweke ku nga ri hi munhu kambe hi Hosi.

Yohane 2:21

Kambe Yesu a a vula Tempele ya miri wa yena.

Yohane 1:14

Rito ri hundzukile munhu la nga aka exikarhi ka hina; kutani hi hlalele ku kwetsima ka yena loku nga tala tintswalo ni ntiyiso, ku nga ku kwetsima loku fanelaka n'wana loyi a nga yexe eka tata wa yena.

1 TIKRONIKA 21:29

Enkarhini wolowo, Ntsonga wa HOSI Xikwembu lowu endliweke hi Muxe le mananga, ni alitari ya magandzelo lama hisiwaka, a swi ri exitsungeni xa le Gibiyoni,

1 TIKRONIKA 17:1

Loko Davhida a tshamisekile emutini wa yena, a byela muprofeta Natani, a ku: “Vona, sweswi ndzi tshama endlwini yo akiwa hi timhandze to saseka ta kedari, kasi Areka ya Ntwanano wa HOSI yona yo va entsongeni!”

Eksoda 40:2

“Hi siku ro sungula ra n'hweti yo sungula, mi ta yimisa Ntsonga lowo Hlawuleka wa mina HOSI.

Eksoda 35:35

HOSI Xikwembu xi va nyikile vutlhari bya ku kota ku tirha ntirho wun'wana ni wun'wana, ku fana ni ku vatla, kumbe ku sasekisa swilo, kumbe ku rhungelela mavalavala hi voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke, hambi wu ri ntirho wo luka kunene, kumbe mintirho yin'wana ya tinxaka-xaka, ku katsa ni vutivi byo sasekisa swilo.

Eksoda 35:6

voya bya tinyimpfu bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka, ni voya bya timbuti;

Eksoda 25:8

Kutani va ta ndzi endlela xivandla lexo hlawuleka leswaku ndzi ta tshama exikarhi ka vona.

Eksoda 25:4

ni voya bya tinyimpfu bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka, ni voya bya timbuti;

Vaheveru 9:2

Hikuva a ku lunghisiwile ntsonga wa le handle, lowu a wu ri ni xitlhoma-timboni endzeni ka wona, ni tafula, ni swinkwa swo humesela Xikwembu; vito ra wona i “Xivandla xo Hlawuleka”.

Eksoda 26:2

Xisirhelelo xin'wana ni xin'wana xi ta va ni mimpimo leyi: 14 m ku leha ni 2 m ku anama; swisirhelelo hinkwaswo swi fanele ku va ni mimpimo yo ringana.

Eksoda 35:11

Ntsonga lowo Hlawuleka, ni ntsonga wa vumbirhi, ni xifunengeto xa wona, ni swikhweketo swa wona, ni mapulangi ya wona, ni timhandze ta wona to hingakanya ha tona, ni tiphuphu ta wona, ni minkotloto ya wona;

Tinhlayo 3:25

Eka Ntsonga lowo Hlawuleka, ntirho wa va ka Gerixoni a ku ri ku hlayisa Ntsonga ni xifunengeto xa wona, ni xisirhelelo xa le nyangweni ya wona,

2 SAMIELE 7:2

Kutani Davhida a byela muprofeta Natani, a ku: “Vona, sweswi mina ndzi tshama endlwini yo akiwa hi timhandze to saseka ta kedari, kasi Areka ya HOSI yona yo va entsongeni!”

Eksoda 31:7

Ntsonga lowo Hlawuleka, ni Areka ya Ntwanano, ni xitshamu xa ndzivalelo lexi nga henhla ka yona, ni swingolongondzwana hinkwaswo swa Ntsonga,

Eksoda 39:3

Nsuku va lo wu fula wu va xiphepherhele, kutani va wu pandzelela wu huma tingoti, va rhungelela swifaniso hi tona va ti phasanisa ni voya bya muhlovo wa rihlaza ra tilo, ni wa xivunguvungu, ni lowo tshwuka, ni ntsembyani lowo saseka lowu lukiweke.

Tinhlayo 4:25

Va ta rhwala swisirhelelo swa Ntsonga lowo Hlawuleka, ni xifunengeto xa wona lexo sungula, ni xifunengeto xa vumbirhi xa le henhla, xa madzovo ya timbuti, ni xisirhelelo xa le nyangweni ya Ntsonga,

1 TIHOSI 6:29

Emakhumbini hinkwawo ya swivandla swimbirhi leswo hlawuleka swa Tempele, Solomoni a vatla swifaniso swa tikerubu, a fanisa ni mirhi ya mincindzu ni swiluva leswi balekeke.