Eksoda 25:9 - BIBELE Mahungu Lamanene

⁹ Mi ta endla Ntsonga ni swingolongondzwana swa wona hinkwaswo hi swivumbeko leswi ndzi nga ta mi komba swona.”

Xitsonga (Bibele)

⁹ Mi ta endla hinkwaswo leswi ndzi mi kombisaka swona hi xifaniso xa yindlu ni mpimo wa yona, ni mitirho ya yona hilaha ndzi ku kombaka hakona.”

Eksoda 25:9 Referans Kwoze

Eksoda 25:40

Mi fanele ku vona leswaku mi endla swilo leswi hi ku ya hi swivumbeko leswi mi kombiweke swona entshaveni.”

Vaheveru 8:5

va tirha ntirho lowu nga xifaniso ni ndzhuti wa leswi tirhiwaka ematilweni. Swi fana na Muxe: Loko a lavile ku yimisa Ntsonga, ú lerisiwile hi Xikwembu, lexi nga te: “U vona leswaku u endla hinkwaswo hi ku landza leswi u kombiweke swona entshaveni.”

Timhaka 7:44

“Vatata wa hina a va ri ni Ntsonga lowo Hlawuleka emananga, va ya hi ku lerisa ka Xikwembu loko xi vulavula na Muxe, xi n'wi lerisa ku wu endla hi xivumbeko lexi a xi voneke.

Vaheveru 9:9

Wona wu fanisa swa nguva leyi, kutani hi maendlele ya wona, ku humesiwa tinyiko ni magandzelo; swona a swi koti ku miyeta ripfalo ra loyi a gandzelaka,

Vaheveru 8:2

la tirhaka exivandleni lexi hlawulekeke ni le Ntsongeni wa xiviri, lowu yimisiweke ku nga ri hi munhu kambe hi Hosi.

Vaheveru 9:2

Hikuva a ku lunghisiwile ntsonga wa le handle, lowu a wu ri ni xitlhoma-timboni endzeni ka wona, ni tafula, ni swinkwa swo humesela Xikwembu; vito ra wona i “Xivandla xo Hlawuleka”.

Eksoda 26:30

Mi ta dzima Ntsonga lowo Hlawuleka hi ku ya hi xivumbeko xa wona lexi mi kombiweke xona entshaveni.

Tinhlayo 8:4

Aroni ú endlile xitlhoma-timboni hi ndlela leyi: Ú xi furile hi nsuku, ku sukela etshakweni ra xona ku ya fika eswiluveni swa xona, a tirhisa xivumbeko lexi HOSI Xikwembu xi kombeke Muxe.

Eksoda 39:32

Kutani ntirho hinkwawo wa Ntsonga lowo Hlawuleka wa HOSI wu fika emakumu. Vaisraele va endlile hinkwaswo hilaha HOSI Xikwembu xi leriseke Muxe hakona.

Eksoda 39:42

Vaisraele va endlile ntirho hinkwawo hilaha HOSI Xikwembu xi leriseke Muxe hakona, va nga siyi nchumu.

Eksoda 39:43

Loko Muxe a xiyaxiya ntirho, a vona leswaku va wu endlile hi ku landza hinkwaswo leswi HOSI Xikwembu xi leriseke swona, va nga siyanga nchumu. Kutani Muxe a va katekisa.

Tinhlayo 4:12

Kutani va ta teka swingolongondzwana hinkwaswo leswi tirhisiwaka exivandleni lexo hlawuleka, va swi phutsela hi nceka wa muhlovo wa rihlaza ra tilo, va tlhela va swi funengeta hi madzovo ya timbuti, kutani va swi tlhandleka evuhlakeni.