Eksoda 25:8 - BIBELE Mahungu Lamanene

⁸ Kutani va ta ndzi endlela xivandla lexo hlawuleka leswaku ndzi ta tshama exikarhi ka vona.

Xitsonga (Bibele)

⁸ Va ta ndzi lunghisela xikwetsimiso, ndzi ta tshamisa exikarhi ka vona.

Eksoda 25:8 Referans Kwoze

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

Nhlavutelo 21:3

Ndzi twa ni rito lerikulu leri humaka exiluvelweni ri ku: “Vonani, vuako bya Xikwembu byi le vanhwini. Xi ta aka na vona, kutani va ta va vanhu va xona; Xikwembu hi xoxe xi ta va na vona, xi va Xikwembu xa vona.

1 TIHOSI 6:13

Ndzi ta tshama exikarhi ka Vaisraele, ndzi nga ka ndzi nga fularheli tiko ra mina ra Israele.”

Eksoda 29:45

Ndzi ta tshama exikarhi ka Vaisraele, kutani eka vona, ndzi ta va Xikwembu.

Zakariya 2:10

HOSI Xikwembu xi vurisa sweswo xi ri: “N'wina vaaki va Yerusalema, banani nkulungwana mi tsaka, hikuva vonani, ndzi ta ta ndzi ta aka exikarhi ka n'wina.

Vaheveru 3:6

Kambe Kriste, ú tshembekile tanihi n'wana la nga n'wini endlwini ya Xikwembu. Kutani hina hi yindlu ya xona, loko hi khomelela hi tiya, eku tshembeni ni le ku tlangeleni ka hina hi tlhelo ra swilo leswi hi swi langutelaka.

Zakariya 8:3

HOSI Xikwembu xi ri: “Ndzi ta vuyela eSiyoni, ndzi ta tlhela ndzi tshama emutini wa Yerusalema. Muti wa Yerusalema wu ta thyiwa vito ra ‘Mutshembeki’; ntshava ya HOSI ya matimba hinkwawo yi ta vuriwa ‘Muhlawuleki’.”

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Tinhlayo 5:3

U ta va humesa hinkwavo emixaxeni ya vona, vavanuna ni vavasati, u va veka ehandle ka yona leswaku va nga yi nyamisi, hikuva ndzi kona exikarhi ka yona.”

Levhitika 21:12

Muprista Lonkulu ú cheriwile mafurha layo hlawuleka ya mina Xikwembu xa yena, hikokwalaho a nga tshuki a nyamisa xivandla xa mina lexo hlawuleka hi ku huma a ya enkosini: Hi mina HOSI.

Levhitika 4:6

a fika emahlweni ka HOSI Xikwembu, a peta ritiho ra yena engatini ka 7, a ri karhi a yi n'watseka, a yi kongomisa etlhelweni ra xisirhelelo xa le xivandleni lexo hlawuleka,

Eksoda 15:2

HOSI i matimba yanga ni risimu ranga, ndzi ponisiwile hi yona; lexi hi xona Xikwembu xa mina, ndzi ta xi vonga, Xikwembu xa tata wa mina, ndzi ta xi twarisa.

Levhitika 10:4

Kutani Muxe a vitana Mixaele na Elisafani, vana va Uziele makwa Aroni wa xinuna, a ku ka vona: “Tanani, mi ta rhwala vamakwenu, mi va susa laha xivandleni lexo hlawuleka, mi va yisa ehandle ka mixaxa.”

Timhaka 7:44

“Vatata wa hina a va ri ni Ntsonga lowo Hlawuleka emananga, va ya hi ku lerisa ka Xikwembu loko xi vulavula na Muxe, xi n'wi lerisa ku wu endla hi xivumbeko lexi a xi voneke.

Eksoda 29:46

Va ta tiva leswaku mina HOSI, ndzi Xikwembu xa vona lexi xi va humeseke etikweni ra Egipta, leswaku ndzi ta tshama exikarhi ka vona. Hi mina HOSI, Xikwembu xa vona.

Levhitika 26:11

Xivandla lexi ndzi nga ta tshama eka xona, xi ta va exikarhi ka n'wina; ndzi nga ka ndzi nga hambani na n'wina.

Duteronoma 12:11

Hikokwalaho, mi fanele ku ya endhawini leyi HOSI Xikwembu xi nga ta yi hlawula leswaku vito ra xona ri gandzeriwa eka yona, mi yisa swilo hinkwaswo leswi ndzi nga ta mi lerisa swona, swi nga leswi: Magandzelo ya n'wina lama hisiwaka ni lama dyiwaka, ni vukhume bya n'wina, ni mihlengo ya n'wina, ni tinyiko hinkwato leti mi tiboheke ku ti humesela HOSI Xikwembu.

Yoxuwa 22:31

Kutani Finiyasi n'wana muprista Eliyazara a byela va ka Rhuveni ni va ka Gadi ni va ka Manase a ku: “Namuntlha ha swi tiva leswaku HOSI Xikwembu xi le xikarhi ka hina, hikuva n'wina a mi tshikanga ku va lavo tshembeka eka xona, kutani mi ponisile Vaisraele eka vukari bya xona.”

Eksoda 15:17

Wena u ta va nghenisa etikweni, u va simeka entshaveni leyi nga ya wena, exivandleni lexi u tiendleleke xona leswaku u ta tshama eka xona, we HOSI, xi nga xivandla xo hlawuleka, lexi wena N'wini wanga u xi tumbuluxeke hi mavoko ya wena.

1 TIKRONIKA 22:19

Sweswi lavani HOSI Xikwembu xa n'wina hi mbilu ni moya; tinyiketeni mi aka Tempele leyo hlawuleka leyi yi nga ta dzunisa HOSI Xikwembu, mi nghenisa ka yona Areka ya Ntwanano wa xona, ni swibya swa xona leswo hlawuleka.”

Ezekiele 37:26

Ndzi ta endla ntwanano na vona, leswaku wu va tisela ku rhula loku nga ta ka ku nga heli. Ndzi ta va katekisa va andza, ndzi aka Tempele ya mina exikarhi ka vona leswaku yi va kona hilaha ku nga heriki.

Ezekiele 37:28

Siku ndzi nga ta pfuxa Tempele ya mina, vamatiko va ta tiva leswaku mina HOSI ndzi tihlawulerile Vaisraele va va vanhu va mina hilaha ku nga heriki.”

Ezekiele 43:7

a ku: “We Ezekiele, tiva leswaku xiluvelo xa mina, ndzi xi vekile exivandleni xexo; hi kona laha ndzi kandziyaka kona. Ndzi ta tshama exikarhi ka Vaisraele hilaha ku nga heriki; hikokwalaho Vaisraele ni tihosi ta vona a va nga ha nyamisi vito ra mina hi ku gandzela swikwembu swa hava kumbe hi ku lahla varhangeri va vona exivandleni lexi.