Eksoda 25:22 - BIBELE Mahungu Lamanene

²² Ndzi ta hlangana na n'wina kwalaho, kutani ndzi ta mi byela swileriso swa mina hinkwaswo eka Vaisraele, ndzi ri ehenhla ka xitshamu xa ndzivalelo, exikarhi ka tikerubu timbirhi leti khubumetaka Areka ya Ntwanano.”

Xitsonga (Bibele)

²² Ndzi ta hlangana na wena kona kutani ndzi ta ku byela kona evukhongelelweni, xiharhi ha tikerubu leti nga ehenhla ka areka ya vumbhoni, hinkwaswo leswi u nga ta lerisa vana va Israele.”

Eksoda 25:22 Referans Kwoze

Tinhlayo 7:89

Loko Muxe a ya nghena eka Ntsonga lowo Hlawuleka ku ya vulavula na HOSI Xikwembu, a twa HOSI Xikwembu xi vulavula na yena, rito ra xona ri huma exikarhi ka Areka ya Ntwanano; kutani na yena a a vulavula na xona.

Esaya 37:16

“HOSI ya matimba hinkwawo, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

Pisalema 80:1

We murisi wa Israele, yingisa, rhiya ndleve wena u fambisaka va ka Yosefa kukota ntlhambi; wena u tshameke exiluvelweni ehenhla ka tikerubu, komba ku vonakala ka wena.

2 TIHOSI 19:15

Kutani a khongela a ku: “Wena HOSI, Xikwembu xa Israele, wena u tshamaka exiluvelweni ehenhla ka tikerubu, hi wena ntsena la nga Xikwembu ehenhla ka mimfumo hinkwayo ya misava; hi wena la endleke tilo ni misava.

1 SAMIELE 4:4

Kutani va rhuma vanhu va ya emutini wa Xilo, va ya teka Areka ya Ntwanano wa HOSI ya matimba hinkwawo, Xikwembu lexi nga xiluvelweni ehenhla ka tikerubu. Vana va Heli vambirhi, Hofini na Finiyasi, na vona va longoloka ni lava rhwalaka Areka ya Ntwanano wa Xikwembu.

Tinhlayo 17:4

Tinhonga leti u ta ya na tona eka Ntsonga lowo Hlawuleka, u fika u ti veka kusuhi ni Areka ya Ntwanano, exivandleni lexi ndzi hlanganaka na n'wina eka xona.

Levhitika 16:2

xi ku ka yena: “Byela makwenu Aroni leswaku ku ni siku leri a nga nghenaka ha rona exivandleni lexo hlawuleka ngopfu lexi pfariweke hi xisirhelelo, laha ku nga ni Areka ni xitshamu xa yona xa ndzivalelo; a nga tshuki a nghena minkarhi yin'wana, hikuva a nga ta fa loko ndzi humelela epapeni, ehenhla ka xitshamu xa ndzivalelo.

Pisalema 99:1

HOSI Xikwembu xa fuma, xi tshamile ehenhla ka tikerubu; vamatiko va rhurhumela hi ku chava, misava ya tsekatseka.

2 SAMIELE 6:2

Kutani a suka a famba ni vavanuna lava hinkwavo ku ya teka Areka ya Xikwembu emutini wa Baale-Yuda, va vuya na yona. Hi yona Areka leyi thyiweke vito ra HOSI ya matimba hinkwawo, Xikwembu lexi tshamaka xiluvelweni ehenhla ka tikerubu.

Eksoda 30:36

Xiphemu xin'wana xa wona, mi ta xi sila xi endla mapa, kutani mi teka mapanyana ya kona mi ma nyunyetela emahlweni ka Areka ya Ntwanano, endzeni ka Ntsonga lowo Hlawuleka, laha ndzi nga ta hlangana na n'wina kona. Murhi lowu wu ta va wu hlawulekile swinene eka n'wina.

Eksoda 30:6

Mi ta veka alitari emahlweni ka xisirhelelo lexi sivaka Areka ya Ntwanano, laha ndzi nga ta hlangana na n'wina kona.

Vaavanyisi 20:27

(Enkarhini lowu, Areka ya Ntwanano wa HOSI Xikwembu a yi tshama eBetele. Loyi a a tirha ku hlayisa Areka enkarhini lowu a a ri Finiyasi n'wana Eliyazara wa Aroni.) Vaisraele va vutisa timhaka eka HOSI Xikwembu, va ku: “Xana hi nga tlhela hi ya lwa ni vamakwerhu va ka Benjamini, kumbe hi swi tshika xana?” Xona xi va hlamula xi ku: “Tlhelelani, hikuva mundzuku ndzi ta va nyiketa emavokweni ya n'wina.”

Pisalema 90:1

We N'wini wa hina, ku sukela eminkarhini ya vakokwa wa hina, hi kumile vutshamo eka wena.

Levhitika 1:1

HOSI Xikwembu xi vitana Muxe, xi vula-vula na yena xi ri eka Ntsonga lowo Hlawuleka, xi n'wi byela

Eksoda 31:18

Loko Xikwembu xi heta ku vulavula na Muxe entshaveni ya Sinayi, xi n'wi nyika maribye lawa mambirhi ya Ntwanano, ma nga maribye ya swiphepherhele lawa Xikwembu xi tsaleke milawu eka wona hi ritiho ra xona.

Eksoda 31:6

Ndzi hlawurile na Oholiyabu n'wana Ahisamaki, wa nyimba ya Dani, leswaku a ta tirha swin'we na Besalele ni vavanuna hinkwavo lava nga ni vutivi bya ntirho; ndzi va nyikile vutlhari byo endla hinkwaswo leswi ndzi ku leriseke swona:

Eksoda 20:24

Mi ta ndzi akela alitari hi misava, kutani mi ndzi humesela magandzelo ya n'wina lama hisiwaka ni ya xinakulobye ehenhla ka yona, mi tlhavela eka yona swifuwo swa n'wina leswikulu ni leswitsongo. Etindhawini hinkwato leti ndzi ti hlawuleke leswaku mi ndzi gandzela eka tona, ndzi ta ta eka n'wina, ndzi ta mi katekisa.

Genesa 18:33

Loko HOSI Xikwembu xi hetile ku vulavula na Abrahama, xi suka xi famba, kutani Abrahama a tlhelela entsongeni wa yena.

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”

1 TIKRONIKA 13:6

Kutani Davhida ni vavanuna hinkwavo va Israele va tlhandlukela eBaala, wu nga muti wa Kiriyata-Yeyarimi etikweni ra va ka Yuda, va ya teka Areka ya Xikwembu va vuya na yona. Hi yona Areka leyi thyiweke vito ra HOSI, Xikwembu lexi tshamaka exiluvelweni ehenhla ka tikerubu.

Pisalema 80:2

Hlavutela matimba ya wena emahlweni ka va ka Efrayimi ni va ka Benjamini ni va ka Manase, tana u ta hi ponisa.

Ezekiele 43:6

Loko mupimi a ha yimile kusuhi na mina, ndzi twa rito ra un'wana la vulavulaka na mina a ri endzeni ka Tempele,