Eksoda 25:16 - BIBELE Mahungu Lamanene

¹⁶ Endzeni ka Areka, mi ta nghenisa xitsundzuxo xa Ntwanano lexi ndzi nga ta mi nyika xona.

Xitsonga (Bibele)

¹⁶ U ta veka earekeni Vumbhoni lebyi ndzi nga ta ku nyika byona.

Eksoda 25:16 Referans Kwoze

1 TIHOSI 8:9

Endzeni ka Areka, a ku nga ri na nchumu, ehandle ka maribye mambirhi ya swiphepherhele, lama vekiweke kona hi Muxe; a ma ri maribye ya le ntshaveni ya Horebe, lawa HOSI Xikwembu xi boheke ha wona ntwanano ni Vaisraele, loko va huma etikweni ra Egipta.

Duteronoma 31:26

“Tekani buku leyi ya Nawu, mi yi veka kusuhi ni Areka ya Ntwanano wa HOSI Xikwembu, yi tshama kona, yi va mbhoni leyi yi nga ta kanetana na n'wina.

Vaheveru 9:4

A wu ri ni alitari ya nsuku ya mirhi ya risuna, ni areka ya ntwanano leyi namekiweke hinkwako hi nsuku; endzeni ka areka a ku ri ni nkambana wa nsuku wo hlayisa manna, ni nhonga ya Aroni leyi hlukeke matluka, ni maribye ya ntwanano.

Eksoda 16:34

Kutani Aroni a endla hilaha HOSI Xikwembu xi leriseke Muxe hakona, a veka xibya lexi emahlweni ka Areka ya Ntwanano leswaku xi hlayiseka.

Varhoma 3:2

Ka pfuna ngopfu, hi matlhelo hinkwawo. Mhaka yo sungula hileswaku Xikwembu xi vekile switshembiso swa xona emavokweni ya Vayuda.

Timhaka 7:44

“Vatata wa hina a va ri ni Ntsonga lowo Hlawuleka emananga, va ya hi ku lerisa ka Xikwembu loko xi vulavula na Muxe, xi n'wi lerisa ku wu endla hi xivumbeko lexi a xi voneke.

2 TIHOSI 11:12

Yoyada a humesa Yowasi n'wana wa hosi, a n'wi tlhandleka harhi ya vuhosi enhlokweni, a n'wi nyika ni mfungho wa vuhosi, kutani va n'wi veka hosi hi ku n'wi chela mafurha enhlokweni; va phokotela mavoko, va huwelela va ku: “Hosi! Hanya hilaha ku nga heriki!”

Tinhlayo 17:4

Tinhonga leti u ta ya na tona eka Ntsonga lowo Hlawuleka, u fika u ti veka kusuhi ni Areka ya Ntwanano, exivandleni lexi ndzi hlanganaka na n'wina eka xona.

Eksoda 38:21

Lowu i nongonoko wa xuma lexi tirhisiweke ku aka Ntsonga, laha maribye ya Ntwanano a ma hlayisiwa kona; xuma lexi xi hlayiwile hi Valevhi hi ku lerisiwa hi Muxe, va fambisiwa hi Itamara n'wana muprista Aroni.

Eksoda 34:29

Loko Muxe a ri karhi a rhelela a ta hi le ntshaveni ya Sinayi, a khomile maribye lawa mambirhi ya Ntwanano, a a nga swi tivi leswaku mombo wa yena wa hatima, hi mhaka ya leswi a vulavuleke na HOSI Xikwembu.

Eksoda 32:15

Kavaloko Muxe a suka entshaveni a rhelela, a khomile maribye mambirhi ya Ntwanano, ma nga maribye ya swiphepherhele lawa a ma tsariwile matlhelo hinkwawo, hala ni hala.

Eksoda 31:18

Loko Xikwembu xi heta ku vulavula na Muxe entshaveni ya Sinayi, xi n'wi nyika maribye lawa mambirhi ya Ntwanano, ma nga maribye ya swiphepherhele lawa Xikwembu xi tsaleke milawu eka wona hi ritiho ra xona.

Eksoda 30:36

Xiphemu xin'wana xa wona, mi ta xi sila xi endla mapa, kutani mi teka mapanyana ya kona mi ma nyunyetela emahlweni ka Areka ya Ntwanano, endzeni ka Ntsonga lowo Hlawuleka, laha ndzi nga ta hlangana na n'wina kona. Murhi lowu wu ta va wu hlawulekile swinene eka n'wina.

Eksoda 30:6

Mi ta veka alitari emahlweni ka xisirhelelo lexi sivaka Areka ya Ntwanano, laha ndzi nga ta hlangana na n'wina kona.

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”

Eksoda 25:21

Xitshamu xa ndzivalelo, mi ta xi tlhandleka ehenhla ka Areka, mi nghenisa endzeni ka yona xitsundzuxo xa Ntwanano lexi ndzi nga ta mi nyika xona.

Eksoda 26:33

Mi ta xi hayeka xi sukela eka swikhweketo xi ya ehansi; kutani mi ta veka Areka ya Ntwanano endzhaku ka xona. Xisirhelelo lexi xi ta mi avanyisela xivandla lexo hlawuleka ni xivandla lexo hlawuleka ngopfu xa le mpfungwe.

Eksoda 40:20

Kutani va teka maribye ya Ntwanano, va ma veka endzeni ka Areka, va tlhoma ni swikhomo swa yona, va tlhandleka ni xitshamu xa ndzivalelo ehenhla ka yona;

Yoxuwa 4:16

“Lerisa vaprista lava rhwaleke Areka ya Ntwanano leswaku va khupuka va suka enambyeni wa Yordani.”

2 TIKRONIKA 23:11

Hiloko Yoyada a humesa Yowasi n'wana wa hosi Ahaziya, kutani va n'wi veka ku va hosi hi ku n'wi tlhandleka harhi ya vuhosi enhlokweni, va n'wi nyika ni mfungho wa vuhosi. Kutani Yoyada ni vana va yena va n'wi chela mafurha enhlokweni, va ku: “Hosi! Hanya hilaha ku nga heriki!”