Eksoda 24:4 - BIBELE Mahungu Lamanene

⁴ Kutani Muxe a tsala hinkwaswo leswi vuriweke hi HOSI Xikwembu. Siku leri tlhandlamaka a pfuka nimixo swinene, a aka alitari ehansi ka ntshava, a yimisa ni maribye lamakulu ya 12 ku ringanisa tinyimba ta Israele ta 12.

Xitsonga (Bibele)

⁴ Muxe a tala marito hinkwawo ya Yehovha, kutani a pfuka nimpundzu, a aka alitari ehansi ka ntshava, a yimisa maribye ya khume na mambirhi, ku ringanisa tinyimba ta Israele ta khume na timbirhi.

Eksoda 24:4 Referans Kwoze

Duteronoma 31:9

Kutani Muxe a tsala Nawu lowu, a wu nyika Valevhi lava nga vaprista, lava rhwalaka Areka ya Ntwanano wa HOSI Xikwembu, a wu nyika ni vakulukumba va Israele.

Genesa 28:18

Kutani Yakobo a pfuka nimpundzu swinene, a teka ribye leri a a ri khegerile, a ri yimisa leswaku ri ta va xitsundzuxo, a chela mafurha ehenhla ka rona.

Nhlavutelo 21:14

Kutani rirhangu ra muti a ri ri ni maribye ya masungulo ya 12, eka wona ku ri ni mavito ya 12 ya vaapostola lava khume na vambirhi va Xinyimpfana.

Vagalatiya 2:9

Hikokwalaho, Yakobo, na Petro, na Yohane, lava langutiwaka va ri vona vafambisi va kereke, va wu vonile nkateko lowu Xikwembu xi ndzi nyikeke wona, kutani va hi khome hi xandla, mina na Barnaba, ku fungha ku tirhisana ka vona na hina: Hina hi ta ya eka vamatiko, vona va ya eka lava yimbeke.

Luka 22:30

eMfun'weni wa mina, mi ta dya ni ku nwa mi ri na mina, kutani mi ta tshama eswiluvelweni, mi avanyisa tinyimba ta Israele leta 12.”

Ezra 6:17

Siku va khanguleke yindlu ya Xikwembu, va humesile tinkuzi ta 100, ni makhuna ya 200, ni swinyimpfana swa 400, ni swiphongho swa 12 hi ku ya hi tinyimba ta vona, yi va mhamba yo susa swidyoho swa Vaisraele hinkwavo.

1 TIHOSI 11:30

Hiloko Ahiya a hluvula xiambalo xa yena, kutani a xi handzulela, xi huma switlakati swa 12.

Yoxuwa 4:20

Laha Giligala, Yoxuwa ú fikile a yimisa maribye lawa Vaisraele va ma tekeke enambyeni wa Yordani;

Tinhlayo 17:2

“Byela Vaisraele leswaku murhangeri un'wana ni un'wana a ku tisela nhonga leyi yi nga ta yimela nyimba ya ka vona; tinhonga leti ti ta va 12, kutani eka nhonga yin'wana ni yin'wana u ta tsala vito ra murhangeri wa nyimba ya kona.

Levhitika 24:5

“U fanele ku lava mapa lamanene, u sweka swinkwa swa 12, xinkwa xin'wana ni xin'wana u xi sweka hi mapa ya swintewana swimbirhi.

Eksoda 28:21

“Ku ta va ni maribye ya 12 lama nga ta va ni mavito ya vana va Yakobo eka wona. Ribye rin'wana ni rin'wana ri ta yimela yin'wana ya tinyimba ta 12 ta Israele, ri kevetliwile ku fana ni mfungho.

Genesa 31:45

Kutani Yakobo a teka ribye a ri yimisa, leswaku ri ta va ra xitsundzuxo.

Genesa 28:22

Ribye leri ra xitsundzuxo leri ndzi ri yimiseke, ri ta va yona yindlu ya wena Xikwembu. Eka hinkwaswo leswi u nga ta ndzi nyika swona, ndzi ta ku humesela vukhume bya swona.”

Eksoda 17:14

Kutani HOSI Xikwembu xi ku ka Muxe: “Vaamaleke, ndzi ta va herisela makumu emisaveni, ku nga sali na un'we loyi vanhu va nga ta va tsundzuka ha yena! Tsala marito lawa ebukwini, ma ta ka ma nga rivariwi, u ma hlayela na Yoxuwa.”

Eksoda 17:15

Kutani Muxe a aka alitari, a yi thya vito ra “HOSI-i-mujeko-wanga”,

Eksoda 21:1

“Milawu leyi u nga ta vekela Vaisraele, hi leyi:

Eksoda 24:7

Kutani a teka buku ya Ntwanano, a yi hlayela Vaisraele, kutani va ku: “Hinkwaswo leswi HOSI Xikwembu xi nga swi vula, hi ta swi endla; naswona hi ta yingisa.”

Eksoda 34:27

Kutani HOSI Xikwembu xi ku ka Muxe: “Tsala marito lawa, hikuva ndzi bohile ntwanano na wena na Vaisraele, hi ku landza wona.”

Esaya 19:19

Enkarhini wolowo, ku ta va ni alitari ya HOSI Xikwembu exikarhi ka tiko ra Egipta, ni ribye ra xona ra xitsundzuxo endzilekaneni wa kona.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Yoxuwa 4:5

Yoxuwa a ku ka vona: “Fambani emahlweni ka Areka ya HOSI Xikwembu xa n'wina le xikarhi ka nambu wa Yordani; kutani un'wana ni un'wana wa n'wina a teka ribye a ri rhwala ekatleni; maribye ya kona ma fanele ku ringana ntsengo wa tinyimba ta Vaisraele,

1 TIHOSI 18:31

A hlawula maribye ya 12, hi ku ya hi ntsengo wa tinyimba ta vana va Yakobo (loyi HOSI Xikwembu xi n'wi thyeke vito ra “Israele”).

Nehemiya 10:1

“Lava va wu tiyisaka hi ku fungha hi lava: Ndhunankulu, yena Nehemiya n'wana Hakaliya, na Sedekiya,