Eksoda 24:17 - BIBELE Mahungu Lamanene

¹⁷ Vaisraele a va vona ku vonakala ka HOSI Xikwembu, ehenhla ka ntshava, ku fana ni ndzilo lowu pfurhaka.

Xitsonga (Bibele)

¹⁷ Kutani xikombiso xa ku kwetsima ka Yehovha enhlohlorhini ya ntshava emahlweni ya vana va Israele a xi fana ni ndzilo lowu dlayaka.

Eksoda 24:17 Referans Kwoze

Vaheveru 12:29

Hikuva Xikwembu xa hina i ndzilo lowu herisaka.

Vaheveru 12:18

A mi tshinelelanga ntshava leyi khumbekaka, ni ndzilo lowu pfurhaka, ni munyama, ni hunguva, ni xidzedze, kukota Vaisraele.

Duteronoma 4:36

Xi endlile leswaku mi twa rito ra xona leri humaka etilweni, xi mi laya ha rona. Kutani laha misaveni xi mi kombile ndzilo wa xona lowukulu, xi vulavula na n'wina xi ri endzeni ka wona.

Eksoda 3:2

Kutani ntsumi ya HOSI Xikwembu yi tikomba eka yena yi ri exihlahleni, yi fana ni langavi ra ndzilo. Loko Muxe a xiyisisa, a vona leswaku xihlahla xa vuvumela, kambe a xi tshwi.

Duteronoma 4:24

hikuva HOSI Xikwembu xa n'wina i ndzilo lowu herisaka; xi lava ku gandzeriwa xi ri xoxe ntsena.

Eksoda 19:18

Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Ezekiele 1:27

ndzi xi vona xi vangama kukota koporo, xi vonaka xi rhendzeriwile hi ndzilo; ehenhla ni le hansi ka leswi fanaka ni xisuti xa xona, a ku ri ni leswi fanaka ni ndzilo, swi voninga matlhelo hinkwawo.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Duteronoma 9:3

Namuntlha swi tiveni leswaku loyi a mi rhangeleke ku fana ni ndzilo lowu chavisaka, i HOSI Xikwembu xa n'wina; hi xona lexi nga ta herisa vanhu lava ni ku mi hlulela vona, kutani mi ta kota ku va hlongola, mi va hangalasa hi ku hatlisa, hilaha HOSI Xikwembu xi mi tshembiseke hakona.

Ezekiele 1:28

Ku voninga ka kona a ku sasekile ku fana ni nkwangulatilo, loko wu vonaka emapapeni esikwini ra mpfula. Xilo lexi vangamaka lexi, a ku ri kona ku dzuneka ka HOSI Xikwembu. Loko ndzi xi vona, ndzi wela hansi hi mombo, kutani ndzi twa un'wana a ri karhi a vulavula na mina.

Eksoda 19:11

Mundlwana, ri nga ta va siku ra vunharhu, va fanele ku va va hetile, hikuva hi siku rero mina HOSI Xikwembu ndzi ta rhelela ndzi ta entshaveni ya Sinayi, vanhu hinkwavo va ri karhi va swi vona.

2 SAMIELE 22:9

Tinhompfu ta yona ti huma musi, ni nomo wa yona wu huma ndzilo lowu herisaka, makala lama vuvumelaka ma huma eka yona.

2 SAMIELE 22:13

Rihati ri vangama emahlweni ka yona, ri humesa ndzilo wa makala lama vuvumelaka.