Eksoda 24:11 - BIBELE Mahungu Lamanene

¹¹ HOSI Xikwembu a xi endlanga nchumu eka varhangeri lava va Israele, kambe va xi vonile, kutani va tshama ehansi va dya, ni ku tima torha.

Xitsonga (Bibele)

¹¹ Kutani a xi tlakusangi voko ehenhla ka vana va Israele lava hlawuriweke; kambe va vona Xikwembu, kutani va dya, va nwa.

Eksoda 24:11 Referans Kwoze

Eksoda 18:12

Kutani Yetro mukon'wana wa Muxe a humesela HOSI Xikwembu magandzelo lama hisiwaka ni lama dyiwaka; Aroni ni vakulukumba va Israele hinkwavo va ta va ta dya swakudya na mukon'wana wa Muxe, egandzelweni ra HOSI Xikwembu.

Eksoda 19:21

HOSI Xikwembu xi ku ka Muxe: “Rhelela u ya tshinya vanhu, hikuva va nga tshuka va tsemakanya ndzilekana, va ku va ta va ta vona HOSI Xikwembu, kutani ku nga fa lavo tala exikarhi ka vona.

Genesa 31:54

Hiloko Yakobo a humesa magandzelo entshaveni, a vitana va ka vona va ya dya swakudya, kutani va xwa kona vusiku byebyo.

Genesa 16:13

Kutani Hagara a thya HOSI Xikwembu lexi vulavuleke na yena evito ra “Xikwembu-lexi-voniwaka”, hikuva a a ku: “Xana ndzi nga va ndzi vonile Xikwembu hakunene, ndzi tama ndza ha hanya xana?”

Yeremiya 14:3

Varhangeri va rhuma vatirhi ematini, vona va ya kuma leswaku swihlovo swi phyile; hiloko va tlhela ni swibya leswi nga riki na nchumu, va nyuma va tifihla swikandza, va hela matimba,

Eklesiasta 9:7

Famba u ya dya swakudya swa wena hi ntsako, u nwa ni vhinyo ya wena hi mbilu yo basa, hikuva leswi u swi endlaka, Xikwembu xi swi amukele khale.

Nehemiya 2:16

Tindhuna a ti nga swi tivi leswaku ndzi yile kun'wana, hambi swi ri leswi a ndzi endla swona a ti nga swi tivi. Enkarhini lowu, a ndzi nga si tivisa vanhu makungu ya mina; hambi va ri Vayuda, kumbe vaprista, kumbe tinganakana, kumbe tindhuna, ni hinkwavo lava a va ta tirha ntirho wa kona, a va nga tivi nchumu.

2 TIKRONIKA 23:20

Kutani a teka tindhuna, ni varhangeri, ni tinganakana, ni vanhu hinkwavo va tiko; va huma na hosi Yowasi eTempeleni, va rhelela va ya na yena entsindza, va ya n'wi tshamisisa exitshan'wini xa vuhosi.

1 TIHOSI 21:8

Kutani Yezabele a tsala mapapila, wonge hi loko ma huma eka Akabu, a ma lema hi mfungho wa Akabu; kutani a ma rhumela eka vakulukumba ni vachaviseki lava a va akelanile na Naboto, emutini wa Yizriele.

Vaavanyisi 13:22

Kutani Manowaka a ku ka nsati wa yena: “Hakunene hi file, hikuva hi vonile Xikwembu!”

Vaavanyisi 5:13

Enkarhini wolowo, vanhu lava a va sele, va rhelela va ya hlangana ni tindhuna ta vona; vanhu va HOSI Xikwembu, va rhelela hi vito ra xona kukota tinhenha.

Duteronoma 12:7

Mi ta dyela endhawini leyi mi tsakile, emahlweni ka HOSI Xikwembu xa n'wina, hikuva xi ta va xi mi katekisile eka hinkwaswo leswi mi nga ta swi endla, n'wina ni mindyangu ya n'wina.

Duteronoma 4:33

Ku hava rixaka ni rin'we leri tshamaka ri twa xikwembu xa rona xi vulavula xi ri endzilweni, kutani ri sala ra ha hanya, sweswo swi humelerile eka n'wina ntsena.

Tinhlayo 21:18

xihlovo xo ceriwa hi tihosi, lexi handziweke hi tinganakana, hi tinhonga ta tona ta vuhosi ni mixongotelo ya tona!” Kutani loko va suka emananga, va fambile va ya fika eMatana.

Eksoda 24:1

Kutani HOSI Xikwembu xi ku ka Muxe: “Tlhandluka u ta haleno ka mina, wena na Aroni, na Nadabu, na Abihu, ni vakulukumba va Israele vo ringana 70. Loko ma ha ri kule, nkhinsamani mi khongela.

Genesa 18:18

E-e, hikuva Abrahama loyi ú ta va tiko lerikulu, kutani vanhu va matiko hinkwawo ya misava va ta katekisiwa hikwalaho ka yena.

Tinhlayo 12:8

Muxe ndzi hlamulana na yena hi nomo, a twa leswi ndzi swi vulaka, hikuva a swi lavi nhlamuselo; ú vona ni xivumbeko xa mina. Kutani hikwalaho ka yini n'wina mi nga chavi ku hleva Muxe nandza wa mina xana?”

Daniele 10:17

Xana ndzi nga vulavurisa ku yini na wena, we N'wini wanga, leswi ndzi heleke matimba mina nandza wa wena, ndzi nga ha kotiki ni ku hefemula xana?’

Pisalema 139:5

U ndzi biyelerile matlhelo hinkwawo, ndzi le hansi ka voko ra wena.