Eksoda 23:8 - BIBELE Mahungu Lamanene

⁸ Mi nga tshuki mi pfumela ku xaviwa, hikuva swi dlaya mahlo ya lava vekiweke ku avanyisa timhaka, kutani va gombonyokisa ta vanhu lava vulavulaka ntiyiso.

Xitsonga (Bibele)

⁸ U nga tshuki u amukela tinyiko, hikuva i xilo lexi pfalaka mahlo ya lava vonaka ni ku hombolokisa timhaka ta lava lulameke ehubyeni.

Eksoda 23:8 Referans Kwoze

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

Esaya 5:23

Va ni khombo lava pfumelaka ku xaviwa, kutani va ntshunxa la nga ni nandzu, kambe loyi a lulameke, va ala ku n'wi pfuna ehubyeni.

Swivuriso 17:23

Munhu wo homboloka, ú pfumela ku xaviwa exihundleni, kutani a nga ha avanyisi hi ku lulama.

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.

1 SAMIELE 8:3

Vana lava a va landzanga mintila ya Samiele tata wa vona, kambe va hambukile hi ku navela ngopfu mali, va pfumela ku xaviwa, va nga ha avanyisi timhaka hi ku lulama.

Eklesiasta 7:7

Loko ntlhari yi xanisa varikwavo yi hundzuka xihlekiso; yi onheka miehleketo loko yi pfumela ku xaviwa.

Swivuriso 17:8

Van'wana va ehleketa leswaku mali yo pfala nomo i xitshungulo, va tshemba leswaku va ta humelela hinkwako lomu va yaka kona.

Pisalema 26:10

va nga vanhu lava endlaka swa manyala, lava khomeke swilo swo tala leswi va xaviweke ha swona.

1 SAMIELE 12:3

Hi mina loyi! Loko ndzi mi hoxerile, vulani sweswi emahlweni ka HOSI Xikwembu, ni le mahlweni ka Sawulo muhlawuriwa wa xona. Xana i mani loyi ndzi tshamaka ndzi n'wi tekela homu ya yena kumbe mbhongolo ya yena xana? Xana ndzi dyelerile mani? I mani loyi ndzi n'wi xaniseke xana? Xana ndzi amukerile mali eka mani yo ndzi pfala nomo xana? Loko a ri kona ndzi nga n'wi tlherisela.”

Duteronoma 10:17

HOSI Xikwembu xa n'wina, hi xona xi nga henhla ka swikwembu hinkwaswo, i hosi ya tihosi; hi xona Xikwembu lexikulu xa matimba, lexi chavisekaka; a xi yi hi nghohe, naswona a xi pfumeli ku xaviwa.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Amosi 5:12

Mintirho ya n'wina leyo biha, ndza yi tiva hinkwayo, ndzi tiva ni ku tala ka swidyoho swa n'wina: Mi xanisa vanhu lava nga riki na nandzu, mi pfumela ku xaviwa ehubyeni, mi tlherisa vapfumari loko va ta eku mangaleni.

Ezekiele 22:12

Exikarhi ka vanhu va wena, ku ni lava nyikiwaka mali leswaku va ya dlaya warikwavo. Loko u lombisa mali, u lava ntswalo wa yona, u bindzula ha yona; u kanganyisa varikwenu, u va tekela swa vona, kambe mina wa ndzi rivala! Ndzi vula sweswo mina HOSI.

Swivuriso 19:4

N'wankumi ú kuma vanghana vo tala, kasi xisiwana, hambi va ri vanghana va xona va xi tshika.

Hosiya 4:18

I ntlawa wa swidakwa leswi tinyiketeke ku endla vunghwavava, varhangeri va vona va tsakela ngopfu swa manyala.

Esaya 1:13

Mi nga ha tisi tinyiko ta n'wina to ka ti nga pfuni nchumu, ni mirhi ya n'wina ra risuna ya ndzi nyenyetsa; minkhuvo ya n'wina ya ku tshama ka n'weti ni ya Savata ni ku rhambana ka n'wina, ndzi nga ka ndzi nga swi tiyiseli, hikuva mi hlanganisa vubihi ni tinhlengeletano to hlawuleka.

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.

Esaya 1:23

Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Esaya 5:22

Va ni khombo lava nga tinhenha eku nweni ka vhinyo, ni lava nga ni matimba yo sweka byalwa byo bava.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.