Eksoda 23:31 - BIBELE Mahungu Lamanene

³¹ Ndzi ta ba mindzilekana ya tiko ra n'wina yi sukela eka Lwandle-ro-Tshwuka ku ya fika eLwandle ra Vafilista, ni ku suka emananga ya Sinayi ku ya fika enambyeni wa Yufrata, hikuva ndzi ta nyiketa vaaki va tiko emavokweni ya n'wina, mi va hlongola va suka emahlweni ka n'wina.

Xitsonga (Bibele)

³¹ Ndzi ta veka mindzilekana ya wena ku suka eLwandle-ro-Tshwuka, ku fika elwandle ra Vafilista, ni ku suka emananga ku fika enambyeni hikuva ndzi ta mi hlulela vaaki va tiko leri, mi ta va hlongorisa emahlweni ka n'wina.

Eksoda 23:31 Referans Kwoze

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

Duteronoma 11:24

Ndhawu yin'wana ni yin'wana leyi mi nga ta hundza hi le ka yona, yi ta va ya n'wina. Tiko ra n'wina ri ta sukela emananga, ri ya eLebanoni, ri tlhela ri sukela enambyeni lowukulu wa Yufrata, ri ya fika eLwandle ra Mediteraniya.

Yoxuwa 21:44

HOSI Xikwembu xi va wisisile matlhelo hinkwawo hilaha xi hlambanyeleke vatata wa vona hakona. A ku vanga na un'we wa valala va Vaisraele loyi a a va tiyela hikuva HOSI Xikwembu a xi nyiketile valala va vona hinkwavo emavokweni ya vona.

Yoxuwa 1:4

Tiko ra n'wina ri ta sukela emananga ri ya ta hi le ntshaveni ya Lebanoni ri ya fika ni le nambyeni lowukulu wa Yufrata, ri katsa ni tiko ra Vahiti hinkwaro ku ya fika eLwandle ra Mediteraniya evupeladyambu.

Yoxuwa 24:18

Vaamori hinkwavo lava a va tshama etikweni leri, HOSI Xikwembu xi va hlongorile va suka emahlweni ka hina; kutani na hina hi ta tirhela HOSI Xikwembu, hikuva hi xona Xikwembu xa hina.”

Pisalema 72:8

Mfumo wa yena a wu nave ku sukela eka lwandle rin'wana, wu ya fika eka lerin'wana; a wu sukele enambyeni wa Yufrata, wu ya fika evugimamusi.

1 TIHOSI 4:24

hikuva Solomoni a a fuma matiko hinkwawo ya le vupeladyambu bya nambu wa Yufrata, ku sukela emutini wa Tifisaka ku fikela emutini wa Gaza. Tihosi ta matiko lawa hinkwawo a ti fumiwa hi Solomoni, kutani loko ma ri matiko man'wana, Solomoni a a akisanile na wona hi ku rhula, ematlhelweni hinkwawo.

Vaavanyisi 11:21

Kutani HOSI Xikwembu xa Vaisraele xi nyiketa Sihoni ni vanhu va yena hinkwavo emavokweni ya Vaisraele, kutani vona va va hlula, va teka ni tiko hinkwaro leri Vaamori a va tshama eka rona, ri va ra vona.

Vaavanyisi 1:4

Va ka Yuda va ya eku lweni, kutani HOSI Xikwembu xi nyiketa Vakanana ni Vaperesi emavokweni ya vona, va va hlula eBezeki, va dlaya vanhu vo ringana 10 000 loko va ri eBezeki, va kuma na Adoni-Bezeki, va lwa na yena.

1 TIHOSI 20:13

Enkarhini lowu, ko tshuka ku humelela muprofeta, a kongoma Akabu hosi ya Vaisraele, a ku ka yena: “HOSI Xikwembu xi vurisa sweswo xi ri: ‘Xana mintshungu leyikulu leyi, wa yi vona ke? Yingisa! Namuntlha ndzi ta yi nyiketa emavokweni ya wena, kutani u ta swi tiva leswaku hi mina ndzi nga HOSI.’ ”

1 TIHOSI 4:21

Solomoni a a fuma matiko hinkwawo evupeladyambu bya nambu wa Yufrata; naswona a a fuma tiko ra Vafilista, ku ya fika ni le ndzilekaneni wa tiko ra Egipta. Vaaki va kona va n'wi humeserile ndzuvo ni ku n'wi tirhela vutomi bya yena hinkwabyo.

1 SAMIELE 23:4

Kutani Davhida a engeta a ya vutisa mhaka leyi eka HOSI Xikwembu, xona xi n'wi hlamula xi ku: “Rhelela, u ya eKeyila, hikuva ndzi ta nyiketa Vafilista emavokweni ya wena.”

Yoxuwa 24:12

Ndzi rhumerile mimpfi emahlweni ka n'wina, yi hlongola tihosi timbirhi ta Vaamori ti suka emahlweni ka n'wina, a ti hlongoriwanga hi fumu kumbe vurha bya n'wina.

Yoxuwa 24:8

kutani ndzi mi tisile etikweni ra Vaamori lava va tshamaka entsungeni wa nambu wa Yordani, va fika va lwa na n'wina, kambe mina ndzi va nyiketile emavokweni ya n'wina, kutani mi teka tiko ra vona ri va ra n'wina, vona ndzi va herisa emahlweni ka n'wina.

Yoxuwa 23:14

“Kutani sweswi, ndzi le kusuhi ni ku rhurha laha misaveni. Hinkwenu ma swi tiva etimbilwini ta n'wina ni le moyeni wa n'wina, leswaku ku hava ni xilo ni xin'we xa swilo hinkwaswo leswinene leswi HOSI Xikwembu xi tshembiseke swona, lexi xi nga humelelangiki. Hinkwaswo leswi xi tshembiseke swona swi hetisekile. A ku na xin'we lexi xi nga humelelangiki.

Yoxuwa 10:19

Kambe n'wina mi nga yi mi ya tshama kona; hlongorisani valala va n'wina mi ta hi le ndzhaku ka vona. Mi nga tshuki mi va tshika va nghena emitini ya vona, hikuva HOSI Xikwembu xa n'wina xi va nyiketile emavokweni ya n'wina.”

Yoxuwa 10:8

Kutani HOSI Xikwembu xi ku ka Yoxuwa: “U nga va chavi, hikuva ndzi va nyiketile emavokweni ya wena; ku hava ni un'we wa vona loyi a nga ta yima emahlweni ka wena.”

Yoxuwa 8:18

Kutani HOSI Xikwembu xi ku ka Yoxuwa: “Tlakusa tlhari leri nga vokweni ra wena u kombetela muti wa Ayi ha rona, hikuva muti lowu ndzi ta wu nyiketa emavokweni ya wena.” Kutani Yoxuwa a tlakusa tlhari leri a a ri khomile, a kombetela muti wa Ayi.

Yoxuwa 8:7

kambe n'wina mi ta huma laha mi nga ta va mi tumberile kona, mi teka muti wa Ayi, hikuva HOSI Xikwembu xa n'wina xi ta wu nyiketa emavokweni ya n'wina.

Duteronoma 3:2

Kambe HOSI Xikwembu xi ku ka mina: ‘Mi nga n'wi chavi, hikuva ndzi n'wi nyiketile emavokweni ya n'wina, yena ni vanhu va yena hinkwavo, ni tiko ra yena. Mi ta n'wi endla leswi mi swi endleke Sihoni hosi ya Vaamori loyi a a tshama eHexiboni.’

Tinhlayo 21:34

Kambe HOSI Xikwembu xi ku ka Muxe: “Mi nga n'wi chavi, hikuva mina HOSI ndzi n'wi nyiketile emavokweni ya n'wina, yena ni vanhu va yena hinkwavo, ni tiko ra yena. Mi ta n'wi endla leswi mi endleke Sihoni hosi ya Vaamori, loyi a a tshama eHexiboni.”

Duteronoma 1:7

hikokwalaho, sukani mi ya mahlweni ni riendzo ra n'wina, mi ya emagangeni ya Vaamori ni le tindhawini leti nga kusuhi na vona, ku nga eka Nkova wa Yordani, ni le magangeni, ni le timbaleni, ni le dzongeni, ni le ribuweni ra lwandle etikweni ra Vakanana, mi ya fika ni le tintshaveni ta Lebanoni, ni le nambyeni lowukulu wa Yufrata.

Duteronoma 1:8

Tiko leri hinkwaro, mina HOSI Xikwembu ndzi hlambanyile leswaku ndzi ta ri nyika vatata wa n'wina Abrahama, na Isaka, na Yakobo, swin'we ni vatukulu va vona, kutani nghenani mi ri teka, hikuva ndzi mi nyikile rona.’ ”

Duteronoma 2:33

Hiloko HOSI Xikwembu xi nyiketa Sihoni ni vana va yena swin'we ni mavuthu ya yena hinkwawo emavokweni ya hina, kutani hi va hlula.

Duteronoma 2:36

Ku sukela le Arowere egangeni ra nkova wa Arinoni ni le mutini lowu nga nkoveni, ku ya fika eGiliyadi, a ku na muti na wun'we lowu wu hi tsandzeke, hikuva HOSI Xikwembu a xi yi nyiketile emavokweni ya hina.

Duteronoma 9:3

Namuntlha swi tiveni leswaku loyi a mi rhangeleke ku fana ni ndzilo lowu chavisaka, i HOSI Xikwembu xa n'wina; hi xona lexi nga ta herisa vanhu lava ni ku mi hlulela vona, kutani mi ta kota ku va hlongola, mi va hangalasa hi ku hatlisa, hilaha HOSI Xikwembu xi mi tshembiseke hakona.

Duteronoma 20:16

Kasi loko ku ri emitini leyi HOSI Xikwembu xa n'wina xi nga ta mi nyika yona leswaku yi va ndzhaka ya n'wina, mi ta dlaya xin'wana ni xin'wana lexi hefemulaka.

Yoxuwa 24:11

Mi tsemakanyile nambu wa Yordani mi ya fika eYeriko, kutani vavanuna va muti lowu, ni Vaamori, ni Vaperesi, ni Vakanana, ni Vahiti, ni Vagirigaxi, ni Vahivhi, ni Vayebusi va lwa na n'wina, kambe ndzi va nyiketile emavokweni ya n'wina.

1 TIHOSI 8:65

Solomoni a dya nkhuvo hi masiku ya 7, a ri ni vanhu hinkwavo va Israele. A yi ri nhlengeletano leyikulu ya vanhu lava a va huma ku sukela exiphandzeni xa Hamata en'walungwini ku ya fika endzilekaneni wa Egipta edzongeni.

1 TIHOSI 11:2

Vavasati lava a va huma etinxakeni leti HOSI Xikwembu xi leriseke Vaisraele ehenhla ka tona, loko xi te: “Mi nga tshuki mi tekana na vona, na vona va nga tshuki va tekana na n'wina, hikuva hakunene va ta hambukisa timbilu ta n'wina, mi hundzukela eka swikwembu swa vona.” Hambiswiritano, Solomoni a namarhela swikwembu leswi hi ku rhandzana ni vavasati.

Tinhlayo 34:2

“Byela Vaisraele leswaku ndzi ri: Loko mi nghenile etikweni ra Kanana, ri nga tiko leri mi nga ta nyikiwa rona hinkwaro ka rona, ri va ndzhaka ya n'wina, mindzilekana ya rona yi ta va leyi:

Duteronoma 6:19

mi hangalasa valala va n'wina, hilaha HOSI Xikwembu xi vuleke hakona.

Yoxuwa 2:24

Kutani va ku ka Yoxuwa: “Hakunene HOSI Xikwembu xi nyiketile tiko hinkwaro emavokweni ya hina; tlhandlakambirhi, vaaki va rona hinkwavo va tshuke ngopfu hi ku chava hina.”

Yoxuwa 9:7

Kambe Vaisraele va hlamula Vahivhi lava va ku ka vona: “Kumbexana mi tshama kwala tikweni reri, kutani hi nga swi kotisa ku yini ku endla ntwanano na n'wina xana?”

Yoxuwa 13:6

Vaaki hinkwavo va le magangeni ya Lebanoni, ku ya fika eMisrefoto-Mayimi, ku katsa ni Vasidoni, mina ndzi ta va hlongola va suka emahlweni ka Vaisraele. Wena u fanele ku avela Vaisraele tiko leri, yi va ndzhaka ya vona, hilaha ndzi ku leriseke hakona.

2 TIKRONIKA 9:26

Solomoni a a fuma tihosi hinkwato ku sukela enambyeni wa Yufrata evuxeni ku ya fika etikweni ra Vafilista evupeladyambu, ni le ndzilekaneni wa Egipta edzongeni.