Eksoda 23:23 - BIBELE Mahungu Lamanene

²³ “Ntsumi ya mina yi ta rhanga emahlweni ka n'wina, yi ya mi fikisa eka Vaamori, ni Vahiti, ni Vaperesi, ni Vakanana ni Vahivhi, ni Vayebusi, kutani ndzi ta nyamalarisa vanhu lava.

Xitsonga (Bibele)

²³ “Hikuva ntsumi ya mina yi ta ku rhangela emahlweni, yi ku nghenisa etikweni ra Vaamori, ni ra Vahiti, ni ra Vaperesi, ni ra Vakanana, ni ra Vahivhi, ni ra Vayebusi, kutani ndzi va heta.

Eksoda 23:23 Referans Kwoze

Eksoda 23:20

“Vonani, ndzi mi rhumela ntsumi leyi nga ta mi rhangela; yi ta mi sirhelela eriendzweni ra n'wina, yi ya mi fikisa endhawini leyi ndzi yi lulamiseke.

Esaya 5:13

Hikwalaho, n'wina vanhu va ka hina, mi ta yisiwa evuhlongeni hi mhaka yo pfumala vutivi, vachaviseki va n'wina va ta fa hi ndlala, ni ntshungu hinkwawo wu ta hela hi torha.

Eksoda 32:2

Kutani Aroni a ku ka vona: “Anyulani swingwavila swa nsuku leswi nga tindleveni ta vasati va n'wina, ni ta vana va n'wina va xinuna ni va xisati, mi ndzi tisela swona.”

Genesa 34:2

Kuteloko Xikeme a n'wi vona, o n'wi pfinya a etlela na yena, a n'wi nyamisa. Xikeme a a ri n'wana Muhivhi loyi a va ku i Hamoro, yena ndhuna ya ndhawu yoleyo.

Eksoda 3:17

Kutani ndzi tshembisa leswaku ndzi ta va humesa emaxangwini ya Egipta, ndzi va yisa etikweni ra Vakanana, ni Vahiti, ni Vaamori, ni Vaperesi, ni Vayebusi, ri nga tiko leri khulukaka ntswamba ni vulombe.

Genesa 24:7

HOSI Xikwembu xa matilo, xona lexi xi ndzi tekeke emutini wa tatana ni ku ndzi humesa etikweni ra rikwerhu, xi ndzi tshembisile hi ku hlambanya leswaku tiko leri xi ta ri nyika vatukulu va mina. Hikokwalaho xi ta rhumela ntsumi emahlweni ka wena, kutani wena u ta ya tekela n'wananga ensati etikweni leriya.

Yoxuwa 9:1

Timhaka leti ti fikile etindleveni ta tihosi hinkwato ta Vahiti, ni Vaamori, ni Vakanana, ni Vaperesi, ni Vahivhi ni Vayebusi, leti a ti tshama emagangeni ni le timbaleni hi tlhelo ra vupeladyambu bya nambu wa Yordani, ku lulama ni Lwandle ra Mediteraniya ku ya fika etintshaveni ta Lebanoni.

Yoxuwa 23:9

HOSI Xikwembu xi hlongorile vanhu va matiko lamakulu ya matimba va suka emahlweni ka n'wina. A ku vanga ni munhu ni un'we loyi a mi tiyeleke ku ta fika namuntlha.

Eksoda 18:8

Kutani Muxe a rungulela mukon'wana wa yena hinkwaswo leswi HOSI Xikwembu xi swi endleke eka Faro ni le ka Vaegipta, xi endlela ku pfuna Vaisraele; a n'wi rungulela ni ku tikeriwa hinkwako loku va nga va na kona endleleni, ni hilaha HOSI Xikwembu xi va poniseke hakona.

Duteronoma 9:3

Namuntlha swi tiveni leswaku loyi a mi rhangeleke ku fana ni ndzilo lowu chavisaka, i HOSI Xikwembu xa n'wina; hi xona lexi nga ta herisa vanhu lava ni ku mi hlulela vona, kutani mi ta kota ku va hlongola, mi va hangalasa hi ku hatlisa, hilaha HOSI Xikwembu xi mi tshembiseke hakona.

Yoxuwa 5:13

Siku rin'wana loko Yoxuwa a ri kusuhi ni muti wa Yeriko, ú te a tlakusa mahlo, o vona wanuna a yimile emahlweni ka yena a khomile fumu. Kutani Yoxuwa a ya eka wanuna loyi a fika a ku ka yena: “Xana u yima na hina, kumbe u yima ni valala va hina xana?”