Eksoda 23:2 - BIBELE Mahungu Lamanene

² Mi nga tshuki mi endla leswo biha hi ku landzelela vunyingi; naswona, loko mi nyika vumbhoni ehubyeni, mi nga tshuki mi yima ni lavo tala, loko va tshika ku endla leswi lulameke.

Xitsonga (Bibele)

² U nga tshuki u landzela lavo tala ku endla swo biha; u nga voyameli eka lavo tala ehubyeni loko va hombolokisa ku lulama.

Eksoda 23:2 Referans Kwoze

Swivuriso 1:15

N'wananga, u nga tshuki u tolovelana ni vanhu vo tano, ni mikhuva ya vona, u nga yi landzeleli,

Ntirho 31:34

E-e, a ndzi vanga munhu wo chava milomo ya varikwavo, kumbe ku soriwa hi va ka vona, la miyelaka a chava ku famba-famba.

Duteronoma 1:17

Loko mi tsema timhaka, mi nga tshuki mi ya hi nghohe; va xiyimo xa le hansi ni xa le henhla, va avanyiseni ku fana; mi nga chavisiwi hi munhu, hikuva i Xikwembu lexi tsemaka mhaka. Loko timhaka ta kona ti mi tsandza, ti tiseni eka mina, ndzi ta ti tenga.’

Marka 15:15

Kutani Pilato, hi ku rhandza ku tsakisa ntshungu, a va ntshunxela Barabasi; kutani loko a lerisile leswaku Yesu a biwa, a n'wi nyiketa leswaku va ya n'wi vamba.

Swivuriso 4:14

U nga tshuki u landzelela lavo homboloka, ni mikhuva ya lavo biha, u nga yi tekeleli.

1 TIHOSI 19:10

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena, kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ku lo sala mina ntsena, kutani na mina va lava ku ndzi dlaya.”

Yoxuwa 24:15

Loko mi nga swi lavi ku tirhela HOSI Xikwembu, namuntlha hlawulani loyi mi rhandzaka ku tirhela yena: Ku nga va swikwembu leswi vatata wa n'wina va swi tirheleke exifundzheni lexi xi nga entsungeni wa nambu wa Yufrata, kumbe swikwembu swa Vaamori lava mi tshamaka etikweni ra vona; kambe loko a ri mina ni ndyangu wa mina, hi ta tirhela HOSI Xikwembu.”

Timhaka 25:9

Kambe Festo a a navela ku tsakisa Vayuda; hikokwalaho a hlamula Pawulo, a ku: “Xana u lava ku tlhandlukela eYerusalema, u ya avanyisiwa kona emahlweni ka mina ehenhla ka timhaka teto ke?”

Timhaka 24:27

Kambe loko ku hundzile malembe mambirhi, Porkiyo Festo a vekiwa hosi ematshan'wini ya Felikisi; kasi Felikisi a a siyile Pawulo ekhotsweni, hikuva a a navela ku nkhensiwa hi Vayuda.

Yeremiya 38:9

“We hosi n'wini wanga, vavanuna lava va endlile muprofeta Yeremiya emhaka leyo biha hi ku n'wi hoxa ekheleni; ú ta fela kona a dlawa hi ndlala, hikuva laha mutini a ka ha ri na swakudya.”

Yeremiya 37:21

Hiloko Sedekiyasi a lerisa leswaku Yeremiya a pfaleriwa exivaveni xa varindzi, ni leswaku a nyikiwa siku rin'wana ni rin'wana xinkwa xo huma eka lava va xi swekaka. Swi ve tano swakudya swi kondza swi hela, Yeremiya a ha tshamile exivaveni xa varindzi.

Yeremiya 37:15

Vakulukumba lava va hlundzukela Yeremiya, va n'wi ba, kutani va n'wi yisa emutini wa Yonatani lowa matsalani, va n'wi pfalela kona, hikuva a ku ri ni khotso emutini wolowo,

Pisalema 72:2

leswaku a avanyisela vanhu timhaka ta vona hi nawu, a biyelela swisiwana swa wena.

Levhitika 19:15

“Loko mi ri ehubyeni, mi nga tsemi timhaka hi ndlela leyi nga lulamangiki. Mi nga yi hi nghohe, mi yima na un'wana ehubyeni, a nga va xisiwana kumbe xifumi.

Genesa 19:4

Va te va nga si ya eku etleleni, vavanuna va Sodoma va ta ku húmélèlò, va ta hinkwavo, lavakulu ni lavatsongo, ku nga sali na un'we, va fika va rhendzela muti.

Genesa 6:12

Loko xi yi languta, xi vona leswaku yi onhakile, hikuva vanhu hinkwavo emisaveni a va endla leswo biha.

Varhoma 1:32

vanhu lava, hambiloko va tiva ku lerisa ka Xikwembu leswaku lava endlaka leswo tano va lulameriwa hi rifu, a va yimi ka sweswo ntsena, kambe va engetela hi ku seketela lava va swi endlaka.

Ezekiele 9:9

Xikwembu xi ndzi hlamula xi ku: “Vaisraele ni va ka Yuda va dyohile ngopfu; tiko ra vona ri tele vadlayi, ni kwala Yerusalema va le ku xanisaneni. Va vula leswaku mina HOSI ndzi tshikile tiko ra vona, ni leswaku a ndzi voni leswi va swi endlaka.

Duteronoma 24:17

“Loko mi avanyisa timhaka ta valuveri ni ta lava pfumalaka vatswari, mi nga ti gombonyokisi, naswona mi nga tekeli noni nkumba wa yona wu va wo khomela ha wona.

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

Genesa 7:1

Kutani HOSI Xikwembu xi ku ka Nowa: “Teka va ndyangu wa wena hinkwavo, u nghena na vona engalaveni, hikuva ndzi swi vonile leswaku exikarhi ka vanhu hinkwavo lava nga laha misaveni, hi wena ntsena u lulameke emahlweni ka mina.

Hagayi 1:4

‘Xana lowu hi wona nkarhi wa n'wina wa ku tshama etindlwini ta n'wina ta malwangu ya nkoka xana, leswi yindlu leyi ya mina yi nga rhumbi ntsena ke?’

1 SAMIELE 15:9

Kutani Sawulo ni vanhu va yena va tsetselela Agaga, va siya tinyimpfu ni tihomu leto saseka, ni swifuwo leswi noneke, ni swinyimpfana, ni hinkwaswo leswinene, va nga lavi ku swi herisa; kambe swilo hinkwaswo leswi nga pfuniki nchumu, ni leswi nga riki na risima, va swi herisa.

Swivuriso 18:5

Ku ntshunxa munhu wo homboloka ehubyeni, ni ku dyisa munhu wo lulama hi nandzu, swi bihile.

1 SAMIELE 15:24

Kavaloko Sawulo a tisola ka Samiele, a ku: “Ndzi dyohile, hikuva ndzi tlurile xileriso xa HOSI Xikwembu ni marito ya wena, hikwalaho ka ku yingisa marito ya vanhu, ndzi va chava.