Eksoda 23:19 - BIBELE Mahungu Lamanene

¹⁹ “Leswi mi nga ta rhanga mi swi tshovela emasin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.

Xitsonga (Bibele)

¹⁹ “U ta tisa endlwini ya Yehovha Xikwembu xa wena, swirhangana swa mihandzu leyo sungula ya tiko ra wena. U nga tshuki u sweka ximbutana hi ntswamba wa mana wa xona.

Eksoda 23:19 Referans Kwoze

Eksoda 34:26

“Leswi mi nga ta rhanga mi swi tshovela eka ntshovelo wo sungula wa le masin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.”

Duteronoma 14:21

“Swilo leswi feke kunene, mi nga tshuki mi swi dya; mi nga nyika lava luveleke emitini ya n'wina va dya, kumbe mi xavisela vanhu va le handle, hikuva n'wina mi vanhu lava hlawuleriweke HOSI Xikwembu xa n'wina. “Mi nga tshuki mi sweka ximbutana hi masi ya mana wa xona.

Duteronoma 26:10

Kutani eka leswi HOSI Xikwembu xi hi nyikeke swona emasin'wini, hi xi tisela leswi hi rhangeke hi swona ku tshovela.’ Kutani mi ta swi veka emahlweni ka HOSI Xikwembu xa n'wina, mi khongela kwalaho.

Nehemiya 10:35

Naswona hi tiboha leswaku lembe rin'wana na rin'wana hi ta hamba hi yisa endlwini ya HOSI Xikwembu leswi hi rhangaka hi swi tshovela emasin'wini; hi ta yisa ni mihandzu yo sungula ya mirhi hinkwayo ya mihandzu.

Eksoda 22:29

“Mi nga tshuki mi hlwela ku humesa nhlengo wa ntshovelo wa n'wina wa mavele ni wa vhinyo ni mafurha. “Vana va n'wina va xinuna va mativula, mi fanele ku ndzi nyiketa vona.

Duteronoma 26:2

mi fanele ku teka swin'wana swa leswi mi nga ta rhanga mi swi tshovela emasin'wini ya kwale tikweni leri HOSI Xikwembu xa n'wina xi nga ta mi nyika rona, mi swi chela exirhundzwini, mi famba na swona endhawini leyi HOSI Xikwembu xi nga ta yi hlawula leswaku vito ra xona ri gandzeleriwa eka yona.

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

1 Vakorinto 15:20

Kambe lexi tiyeke hileswaku Kriste ú pfuxiwile exikarhi ka vafi. Hi swona leswi tshembisaka leswaku lava feke na vona va ta pfuxiwa.

Yeremiya 10:3

Vukhongeri bya vanhu lava a byi pfuni nchumu: Va ya tsema mhandze exihlahleni, mutirhi a yi vatla hi xihloka,

Swivuriso 12:10

La lulameke ú tsetselela swifuwo swa yena, kambe vanhu va tihanyi, va swi xanisa.

Swivuriso 3:9

Nkhensa HOSI Xikwembu hi leswi u nga na swona, u xi humesela ni leswi u nga ta rhanga u swi tshovela emasin'wini hinkwawo ya wena,

Eksoda 22:28

“Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

Tinhlayo 15:21

Mi ta ndzi humesela leswi mi sunguleke ha swona ku kandza, n'wina ni vatukulu va n'wina hilaha ku nga heriki.

Nehemiya 10:36

Na vona vana va hina va mativula hi ta va yisa endlwini ya Xikwembu xa hina, eka vaprista lava tirhaka kona; hi ta yisa ni mativula ya swifuwo swa hina leswikulu ni leswitsongo, hilaha swi tsariweke hakona eNawini.

Ezekiele 44:30

Vaprista va ta kuma mihandzu leyi rhangeke ku vupfa ya swilo hinkwaswo leswi byariweke emasin'wini ya Vaisraele; ndzi ta katekisa mindyangu ya vanhu lava tiselaka vaprista swimbhundzwa swo swekiwa hi leswi va sunguleke ha swona ku kandza.

Ezekiele 48:13

Ndhawu ya Valevhi leyi khomanaka ni ndhawu ya vaprista, yi ta va yi lehile 12 500 m, yi anama 5 000 m. Tindhawu timbirhi leti ti ta ringana hi ku leha ni ku anama ka tona.

Ezekiele 48:14

Muganga wa tona wu ta tlula miganga yin'wana hi ntikelo, hikuva wu ta va wu hlayiseriwile HOSI Xikwembu; hikokwalaho a ku na xiphemu ni xin'we xa wona lexi Vaisraele va nga ta pfumeleriwa ku bindzula ha xona, hi ku xi xavisa kumbe ku xi ncinca hi xiphemu xa ndhawu yin'wana.