Eksoda 23:15 - BIBELE Mahungu Lamanene

¹⁵ Mi ta endla Nkhuvo wa Xinkwa lexo-ke-comela; hilaha ndzi mi leriseke hakona, mi fanele ku dya xinkwa lexo-ke-comela masiku ya 7 enkarhini lowu vekiweke wa n'hweti ya Abibi, hikuva hi yona n'hweti leyi mi humeke ha yona etikweni ra Egipta. Ku nga vi na munhu loyi a taka emahlweni ka mina a nga tamelanga nchumu.

Xitsonga (Bibele)

¹⁵ U ta hlayisa nkhuvo wa vuswa lebyo kala comela hi masiku ya ntlhanu na mambirhi hi n'hweti ya Abibi, u ta dya vuswa lebyo kala comela hilaha u lerisiweke hakona; hikuva hi yona n'hweti leyi u humeke eEgipta ha yona; kutani vanhu va nga tshuki va humelela ntsena emahlweni ka mina.

Eksoda 23:15 Referans Kwoze

Luka 22:7

Kuteloko ku fikile siku ra Xinkwa lexo-ke-comela, ri nga leri va tlhavaka swinyimpfana swa Paseka ha rona,

Eksoda 34:20

Ematshan'weni ya ximbhongolwana xa xinuna xa mativula, mi ta tlhava xinyimpfana kumbe ximbutana; loko mi nga tsakeli ku tlhava nchumu ematshan'weni ya ximbhongolwana, xi tshoveni nhamu; kambe ematshan'weni ya vana va n'wina hinkwavo va xinuna va mativula, mi ta tlhava xifuwo. “Ku nga vi na munhu loyi a taka emahlweni ka mina, a nga tamelanga nchumu.

Duteronoma 16:16

“Vavanuna va ka n'wina hinkwavo va fanele ku hlengeletana emahlweni ka HOSI Xikwembu xa n'wina kanharhu hi lembe, endhawini leyi xi nga ta yi hlawula: Hi nkarhi wa Nkhuvo wa Xinkwa lexo-ke-comela, ni nkarhi wa Nkhuvo wa Mavhiki, ni wa Nkhuvo wa Mintsonga. Va nga yi emahlweni ka HOSI Xikwembu va nga tamelanga nchumu!

Marka 14:12

Hi siku ro rhanga ra nkhuvo wa Xinkwa lexo-ke-comela, ri nga leri va tlhavaka swinyimpfana swa Paseka ha rona, vadyondzisiwa va yena va n'wi vutisa va ku: “Xana u lava leswaku hi ya ku lunghisela kwihi laha u nga ta dyela kona Paseka xana?”

Levhitika 23:10

ku ya tivisa Vaisraele marito ya xona lama nge: “Loko mi ta va mi fikile etikweni leri ndzi mi nyikaka rona, kutani mi tshovela leswi mi swi byaleke, mi fanele ku teka xirhundzu xa leswi mi nga ta rhanga mi swi tshovela, mi ya na xona eka muprista.

Eksoda 34:18

“Mi ta endla nkhuvo wa Xinkwa lexo-ke-comela, hilaha ndzi mi leriseke hakona. Mi fanele ku dya xinkwa lexo-ke-comela masiku ya 7, hi nkarhi lowu vekiweke eka n'hweti ya Abibi, hikuva hi yona n'hweti leyi mi humeke ha yona etikweni ra Egipta.

Eksoda 13:4

Namuntlha, hi n'hweti leyi ya Abibi, ma huma etikweni ra Egipta.

Luka 2:41

Vatswari va Yesu a va ya eYerusalema lembe rin'wana ni rin'wana enkhubyeni wa Paseka.

Timhaka 12:3

Kutani loko a vona leswaku swi tsakisile Vayuda, a engeta a khoma na Petro (a ma ri masiku ya Xinkwa xo-ke-comela).

Eksoda 12:2

“N'hweti leyi eka n'wina yi ta va yo sungula ya tin'hweti hinkwato, mi ta sungula lembe ha yona.

Eksoda 22:29

“Mi nga tshuki mi hlwela ku humesa nhlengo wa ntshovelo wa n'wina wa mavele ni wa vhinyo ni mafurha. “Vana va n'wina va xinuna va mativula, mi fanele ku ndzi nyiketa vona.

1 SAMIELE 6:3

Va hlamula va ku: “Loko mi tlherisa Areka ya Xikwembu xa Israele, mi nga yi tlherisi ntsena, kambe ringetani hi matimba ku yi tlherisa yi ri ni mhamba yo riha nandzu eka Xikwembu lexi, hi kona mi nga ta hola, naswona hi kona mi nga ta tiva leswi a swi mi vangela ku biwa hi nkhavi wa Xikwembu.”

Eksoda 13:3

Kutani Muxe a byela vanhu, a ku: “Siku leri, mi nga tshuki mi ri rivala, hikuva hi rona siku leri HOSI Xikwembu xi mi humeseke hi matimba ya xona etikweni ra Egipta, laha a mi ri mahlonga kona. Hi siku leri, mi nga tshuki mi dya xinkwa lexi nga ni comela.

Mikiya 6:6

Vanhu va vutisa va ku: “Xana HOSI Xikwembu xa le henhla-henhla, xi lava ku humeseriwa yini loko hi ya emahlweni ka xona hi ya xi gandzela xana? Xana hi fanele ku xi humesela magandzelo lama hisiwaka, hi xi tlhavela swinkuzana swa lembe rin'we, xana?