Eksoda 23:14 - BIBELE Mahungu Lamanene

¹⁴ “Mi fanele ku ndzi tlangela hi minkhuvo minharhu elembeni.

Xitsonga (Bibele)

¹⁴ “U ta ndzi endlela nkhuvo kanharhu hi lembe.

Eksoda 23:14 Referans Kwoze

Duteronoma 16:16

“Vavanuna va ka n'wina hinkwavo va fanele ku hlengeletana emahlweni ka HOSI Xikwembu xa n'wina kanharhu hi lembe, endhawini leyi xi nga ta yi hlawula: Hi nkarhi wa Nkhuvo wa Xinkwa lexo-ke-comela, ni nkarhi wa Nkhuvo wa Mavhiki, ni wa Nkhuvo wa Mintsonga. Va nga yi emahlweni ka HOSI Xikwembu va nga tamelanga nchumu!

Levhitika 23:34

ku ya tivisa Vaisraele marito ya xona lama nge: “Hi siku ra vu-15 ra n'hweti leyi ya vu-7, ku ta sungula Nkhuvo wa Mintsonga wo tlangela mina HOSI. Nkhuvo lowu, wu ta teka masiku ya 7;

Levhitika 23:16

Siku leri tlhandlamaka ra Savata ya vu-7, ri ta va ra vu-50; hi siku leri mi fanele ku ta ni swa nguva leyintshwa, mi ta ndzi humesela ha swona magandzelo ya swa le masin'wini.

Levhitika 23:5

“Hi siku ra vu-14 ra n'hweti yo sungula, hi minkarhi ya madyambu, ku ta va ni Nkhuvo wa Paseka wo tlangela mina HOSI.

Eksoda 23:17

Elembeni, vavanuna va ka n'wina hinkwavo va fanele ku hlengeletana kanharhu emahlweni ka mina HOSI N'wini wa vona.

Levhitika 23:4

Minkhuvo leyi yi vekiweke yo tlangela mina HOSI, ma nga masiku lawa mi faneleke ku vitanana ha wona, mi hlengeletana mi ndzi gandzela, hi leyi:

1 SAMIELE 1:3

Wanuna loyi a a toloverile ku suka emutini wa yena lembe rin'wana ni rin'wana, a tlhandlukela emutini wa Xilo a ya khongela ni ku humesela HOSI ya matimba hinkwawo emagandzelo. Vana va Heli, Hofini na Finiyasi, a va ri vaprista va HOSI Xikwembu kwale Xilo.

1 TIHOSI 9:25

Kanharhu hi lembe, Solomoni a a tolovele ku humesela HOSI Xikwembu emagandzelo lama hisiwaka ni ya xinakulobye, ehenhla ka alitari leyi a yi akeleke xona Xikwembu. A a hisa ni mirhi ya risuna, emahlweni ka HOSI Xikwembu eTempeleni. Hi ndlela leyi, a a tirha tifanelo ta Tempele hi ku hetiseka.

2 TIKRONIKA 8:13

A a hlayisa milawu ya kona, a humesa magandzelo hinkwawo lama lerisiweke hi Muxe eminkarhini leyo hlawuleka, yi nga leyi: Siku ra Savata, ni siku ra ku tshama ka n'weti, ni Nkhuvo wa Xinkwa xo-ke-comela, ni Nkhuvo wa Mavhiki (kumbe wa Ntshovelo), ni Nkhuvo wa Mintsonga.

Eksoda 34:17

“Mi nga tshuki mi n'okisa swilo mi tiendlela swifaniso swa swikwembu.

Eksoda 34:18

“Mi ta endla nkhuvo wa Xinkwa lexo-ke-comela, hilaha ndzi mi leriseke hakona. Mi fanele ku dya xinkwa lexo-ke-comela masiku ya 7, hi nkarhi lowu vekiweke eka n'hweti ya Abibi, hikuva hi yona n'hweti leyi mi humeke ha yona etikweni ra Egipta.

Duteronoma 16:1

“N'hweti ya Abibi, mi nga yi rivali; hi n'hweti leyi, endlani Nkhuvo wa Paseka mi tlangela HOSI Xikwembu xa n'wina, hikuva hi yona n'hweti leyi xi mi humeseke ha yona nivusiku etikweni ra Egipta.

Ezekiele 46:9

“Loko vanhu va tiko va ta eminkhubyeni leyikulu ya lembe rin'wana ni rin'wana ku ta ndzi gandzela, va ta nghena hi nyangwa ya le n'walungwini, va huma hi ya le dzongeni; kasi loko va nghena hi nyangwa ya le dzongeni, va ta huma hi ya le n'walungwini; a va nga humi hi nyangwa leyi va ngheneke ha yona, kambe va ta ya emahlweni va huma hi leyi va langutaneke na yona.