Eksoda 23:13 - BIBELE Mahungu Lamanene

¹³ Tivoneleni leswaku mi endla hinkwaswo leswi ndzi mi byeleke swona. Naswona, mi nga tshuki mi kumbuka swikwembu swin'wana, mi nga vulavuli hi swona.

Xitsonga (Bibele)

¹³ Mi ta hlayisa hinkwaswo leswi ndzi mi leriseke swona. Mi nga tshuki mi vula mavito ya swikwembu swin'wana; ma nga humi emilon'wini ya n'wina.

Eksoda 23:13 Referans Kwoze

Yoxuwa 23:7

kutani mi nga ka mi nga hlangani-hlangani ni vamatiko lava va ha saleke exikarhi ka n'wina, kumbe ku vulavula hi swikwembu swa vona, kumbe ku hlambanya ha swona, kumbe ku swi gandzela, ni ku swi nkhinsamela mi nga ka mi nga swi nkhinsameli.

1 Timotiya 4:16

Tikambisise hi wexe, ni dyondzo leyi u yi dyondzisaka. Tiya eka swona, hikuva loko u endlisa sweswo, u ta tiponisa ni ku ponisa vayingisi va wena.

Zakariya 13:2

HOSI Xikwembu xi vurisa sweswo xi ri: “Hi siku rero, ndzi ta susa mavito ya swikwembu swa hava etikweni, leswaku swi nga ha tsundzukiwi. Naswona ndzi ta hlongola lava tivulaka vaprofeta, va suka laha tikweni ni mimoya ya vona ya thyaka.

Duteronoma 4:9

“Hlayisani timhaka leti swinene, mi ti veka embilwini; mi nga tshuki mi rivala leswi mi swi voneke; evutomini hinkwabyo bya n'wina, mi nga tshuki mi hambana na swona; vana va n'wina ni vatukulu va n'wina, va dyondziseni swona.

Hosiya 2:17

Ndzi ta susa mavito ya va Baali enon'weni wa wena, naswona u nge he pfuki u ma vurile.

Duteronoma 12:3

Mi hindzimuxa tialitari ta vona, mi fayetela maribye ya vugandzeri bya vona bya hava, mi hisa ni timhandze ta Axera xikwembukazi xa vona; swifaniso leswi vatilweke swa swikwembu swa vona, mi ta swi tsemelela, mi swi herisa, ku nga sali na xin'we xa mhamba endhawini yoleyo.

Vaheveru 12:15

Mi vona leswaku ku nga vi na un'we loyi a tsandzekaka ku kuma minkateko ya Hosi; tivoneleni leswaku ku nga vi na loyi a milaka exikarhi ka n'wina kukota “rimitsu ra ku bava” leri vangaka ku karhateka, ni ku nyamisa lavo tala.

Vaefesa 5:15

Loko swi ri tano, xiyani swinene mahanyelo ya n'wina; mi nga hanyi tanihi vanhu lava nga twisisiki nchumu, kambe hanyani tanihi lavo tlhariha.

Yeremiya 10:11

Vanhu lava a va tivisiwe mhaka leyi nge: “Swikwembu leswi nga vumbangiki tilo kumbe misava, swi ta nyamalala kwala misaveni, swi herisiwa ehansi ka tilo!”

Pisalema 16:4

lava tsutsumelaka eka swona, va tivangela maxangu layo tala; mina ndzi nga ka ndzi nga swi phahli hi ngati, hambi ma ri mavito ya swona, a ndzi nga ma kumbuki.

Yoxuwa 23:11

Mi fanele ku vona leswaku mi rhandza HOSI Xikwembu xa n'wina!

Yoxuwa 22:5

Vonani leswaku mi hlayisa swileriso ni milawu ya HOSI Xikwembu leyi Muxe nandza wa xona a mi leriseke yona, ku nga ku rhandza HOSI Xikwembu xa n'wina, ni ku famba etindleleni ta xona, ni ku hlayisa swileriso swa xona, ni ku xi namarhela, ni ku xi tirhela hi mbilu hinkwayo ni moya hinkwawo.”

Vaefesa 5:12

hikuva hambi ku ri ku vula ntsena leswi va swi endlaka exihundleni, swi khomisa tingana.

Pisalema 39:1

Ndzi vurile ndzi ku: “Eku hanyeni ka mina, ndzi ta tivonela leswaku ndzi nga dyohi hi ku vulavula ka mina; loko lavo homboloka va ha ri kusuhi na mina, ndzi ta pfala nomo, ndzi ku whí!”

Duteronoma 4:15

“Mi fanele ku tivonela swinene: Siku leri HOSI Xikwembu xi vulavuleke na n'wina entshaveni ya Horebe xi ri endzilweni, nghohe ya xona a mi yi vonanga nikutsongo;

Tinhlayo 32:38

na Nebo, na Baala-Meyoni (mavito ya miti mimbirhi leyi ma hundzuluxiwile), na Sibima. Miti leyin'wana leyi va yi pfuxeke a va hundzuluxanga mavito ya yona.

Eksoda 23:24

Hikokwalaho, mi nga tshuki mi nkhinsamela swikwembu swa vona, kumbe ku swi humesela magandzelo, naswona mi nga tshuki mi landza mikhuva ya vona, kambe herisani swikwembu swa kona, mi fayetela ni maribye ya vukhongeri bya vona bya hava.

Eksoda 23:32

Mi nga tshuki mi endla ntwanano na vona kumbe ku endla ntwanano ni swikwembu swa vona.

Duteronoma 4:23

Tivoneleni, mi nga tshuki mi rivala ntwanano lowu HOSI Xikwembu xa n'wina xi wu endleke na n'wina, mi nga tiendleli xifaniso xihi kumbe xihi xa swilo leswi HOSI Xikwembu xa n'wina xi mi aleleke ku swi gandzela,

Duteronoma 6:1

“Leswi i swileriso ni milawu ni swiletelo leswi HOSI Xikwembu xa n'wina xi ndzi byeleke ku ta mi dyondzisa swona; mi ta hanya ha swona loko mi ta va mi nghenile etikweni leriya mi yaka mi ya ri teka, leswaku ri va ra n'wina.