Eksoda 23:12 - BIBELE Mahungu Lamanene

¹² “Mi ni masiku ya 6 lawa mi faneleke ku endla mintirho ya n'wina hinkwayo ha wona; kambe hi siku ra vu-7, mi wisa; tihomu ta n'wina ni timbhongolo ta n'wina ti ta wisa na tona; hambi va ri vana va mahlonga ya n'wina ya xisati, ni valuveri, va ta kuma ku hefemula na vona.

Xitsonga (Bibele)

¹² “U ta tirha ntirho wa wena hi masiku ya ntlhanu na rin'we, kambe u ta wisa hi siku ra vuntlhanu na mambirhi leswaku homu ya wena ni mbhongolo ya wena swi wisa na swona ni leswaku n'wana wa khumbi ra wena ni wamatiko va wisa na vona.

Eksoda 23:12 Referans Kwoze

Luka 13:14

Kambe mufambisi wa sinagoga a hlundzuka hileswi Yesu a hanyiseke munhu hi siku ra Savata, kutani a tlakusa rito, a ku ka ntshungu: “Ku ni masiku ya 6 lawa mintirho yi fanelaka ku tirhiwa ha wona; tanani hi masiku walawo ku ta hanyisiwa, ku nga ri hi siku ra Savata.”

Eksoda 35:3

Hambi wu ri ndzilo, mi nga tshuki mi wu tshivela emitini ya n'wina, hi siku leri ra Savata.”

Esaya 58:3

“Va tlhela va ku: ‘Ku titsona swakudya ni ku titsongahata, a swi pfuni nchumu, hikuva wena Xikwembu, a wu na-mhaka na swona!’ Nhlamulo ya mina hi leyi: Vonani, esikwini ra ku titsona swakudya, mi endla leswi mi swi rhandzaka, mi xanisa ni vatirhi va n'wina hinkwavo.

Eksoda 34:21

“Mi ni masiku ya 6 lawa mi faneleke ku tirha ha wona, kambe hi siku ra vu-7 mi ta wisa, hambiloko wu ri nkarhi wa xirimo, kumbe nkarhi wa ntshovelo.

Marka 2:27

Kutani a ku ka vona; “Savata ri endleriwe munhu, a hi munhu la nga endleriwa Savata.

Eksoda 16:23

kutani yena a va hlamula a ku: “HOSI Xikwembu xi lerisile sweswo xi te: ‘Mundzuku i siku ra Savata, ri nga siku ra ku wisa leri hlawuleriweke mina HOSI; katingani leswi mi lavaka ku swi katinga, mi sweka leswi mi lavaka ku swi sweka, kutani hinkwaswo leswi salaka, swi vekeni, mi swi hlayisela mundzuku.’ ”

Eksoda 23:11

kambe hi lembe ra vu-7, mi fanele ku ma wisisa, mi ma tshika ma hundzuka mafusi. Leswi swi nga ta mila hi lembe leri ra vu-7 swi ta va swakudya swa swisiwana; leswi nga ta siyiwa hi swisiwana, swi ta dyiwa hi swiharhi swa nhova. Mi ta endlisa sweswo ni le ka masimu ya n'wina ya vhinya ni mintanga ya n'wina ya mitlhwari.

Eksoda 35:2

Ku ta tirhiwa hi masiku ya 6, kambe eka n'wina, siku ra vu-7 ri ta va leri hlawulekeke ra ku wisa, siku ra Savata leri hlawuleriweke HOSI Xikwembu; un'wana ni un'wana loyi a nga ta tirha hi siku leri, ú faneriwile hi ku fa.

Levhitika 23:3

Mi ni masiku ya 6 lawa mi faneleke ku endla mintirho ya n'wina hinkwayo ha wona, kambe siku ra vu-7 i siku ro wisa ra Savata, leri mi faneleke ku hlengeletana ha rona mi ndzi gandzela. Hi siku leri, hinkwako lomu mi tshamaka kona, mi nga tshuki mi tirha ntirho ni wun'we; siku ra Savata ri hlawuleriwile mina HOSI.

Nehemiya 13:16

Vanhu vo huma eTiri lava a va tshama eYerusalema na vona a va ta ni tinhlampfi ni tinhundzu tin'wana va ta swi xavisa hi siku ra Savata, va xavisela va le Yuda ni va le Yerusalema.