Eksoda 22:9 - BIBELE Mahungu Lamanene

⁹ “Loko vanhu vambirhi va lwetana hi xilo xihi ni xihi, ku fana ni homu, kumbe mbhongolo, kumbe nyimpfu, kumbe swiambalo, kumbe nchumu wihi ni wihi lowu lahlekeke, kutani un'wana a ku i swa yena, mhaka ya vanhu lavambirhi lava yi fanele ku tisiwa eka mina Xikwembu; loyi ndzi nga ta n'wi kuma a ri ni nandzu, ú ta rihela loyi un'wana kambirhi.

Xitsonga (Bibele)

⁹ “Loko yi ri mhaka yihi ni yihi ya nandzu wa homu, kumbe wa mbhongolo, kumbe wa xinyimpfana, kumbe wa nguvu, hambi wu ri wa xilo lexi lahlekeke, loko va ku: hi xona hakunene; ku tenga ka vanhu lavambirhi ku ta yisiwa eka Xikwembu; loyi Xikwembu xi vulaka leswaku u ni nandzu, u ta rihela warikwavo kambirhi.

Eksoda 22:9 Referans Kwoze

Duteronoma 25:1

“Loko ku tshuka ku va ni ku holova exikarhi ka vavanuna vambirhi, kutani va yisa mhaka ehubyeni, vaavanyisi va nga tsema mhaka, va ntshunxa loyi a nga riki na nandzu, loyi a dyoheke yena a bohiwa.

Eksoda 22:4

Kambe loko xifuwo lexi yiviweke xi kumiwa eka khamba leri xa ha hanya, hambi yi ri homu kumbe mbhongolo kumbe nyimpfu, khamba ri ta humesa swifuwo swimbirhi ku riha xin'we.

Matewu 18:35

Tata wa mina wa le matilweni ú ta endlisa sweswo eka n'wina, loko un'wana ni un'wana wa n'wina a nga rivaleri makwavo hi mbilu hinkwayo ya yena.”

1 TIHOSI 8:31

“Nkarhi wun'wana munhu a nga dyohela un'wana, kutani a boheka ku vula ntiyiso hi ku hlambanya emhakeni ya yena. Loko a ta ku ta hlambanya emahlweni ka alitari ya wena kwala Tempeleni leyi,

Matewu 18:15

“Loko makwenu a ku dyoherile, yana u ya n'wi komba ku hoxa ka yena, mi ri vambirhi ntsena; loko a ku yingisa, u ta va u vuyisile makwenu.

2 TIKRONIKA 19:10

Varikwenu va ta mi tisela timhaka leti humeleleke emitini ya vona, ti nga ta ku dlayana, kumbe ku phikisana hi tlhelo ra ku rhandza ka Xikwembu ni swileriso swa xona, ni milawu, ni swiletelo; n'wina mi ta va laya, va ta ka va nga tivangeli nandzu emahlweni ka HOSI Xikwembu, kutani xona a xi nga mi hlundzukeli, n'wina ni varikwenu lava; mi ta va mi humile nandzwini, loko mi tirha hi mukhuva wolowo.

Eksoda 22:28

“Mi nga tshuki mi ndzi sandza mina Xikwembu, kumbe ku rhuketela murhangeri wa vanhu va ka n'wina.

Eksoda 22:10

“Loko munhu a ya fuyisa homu kumbe mbhongolo kumbe nyimpfu kumbe xifuwo xihi ni xihi eka nakulobye, kutani xi fa, kumbe xi vaviseka, kumbe xi phanghiwa hi valala, ku ri hava loyi a swi voneke hi mahlo,

Genesa 31:39

Swifuwo leswi a swi dlayiwa hi swiharhi swa nhova, a ndzi nga vuyi na swona ndzi ta ku komba, kambe mina hi ndzexe a ndzi swi riha. Wena a wu ndzi rihisa ni loko swifuwo swi yiviwile ninhlekanhi kumbe nivusiku.

Levhitika 6:5

kumbe xilo xihi na xihi lexi a hlambanyeke a hemba a ku a nga xi tivi. Siku leri a humesaka magandzelo yo riha, ú fanele ku tlherisela swilo leswi hinkwaswo eka vinyi va swona, a tlhandlekela hi xiphemu xa ⅕ xa nxavo wa swona.