Eksoda 22:7 - BIBELE Mahungu Lamanene

⁷ “Loko munhu a yisa mali kumbe nhundzu eka nakulobye leswaku a n'wi hlayisela swona, kutani swilo leswi swi yiviwa emutini wa kona, loyi a yiveke ú fanele ku riha kambirhi, loko a kumiwa.

Xitsonga (Bibele)

⁷ “Loko munhu a nyika warikwavo mali, kumbe swigotso ku swi hlayisa; kutani swi yiviwa endlwini ya yena; loko khamba ri kumiwa, ri ta riha kambirhi.

Eksoda 22:7 Referans Kwoze

Eksoda 22:4

Kambe loko xifuwo lexi yiviweke xi kumiwa eka khamba leri xa ha hanya, hambi yi ri homu kumbe mbhongolo kumbe nyimpfu, khamba ri ta humesa swifuwo swimbirhi ku riha xin'we.

1 Vakorinto 6:10

ni vayivi, ni va makwanga, ni swidakwa, ni varhukani, ni vaxisi, va nga ka va nga dyi ndzhaka ya Mfumo wa Xikwembu.

Yohane 12:6

A a vurisa sweswo, ku nga ri hileswi a a ri ni mhaka ni swisiwana, kambe hileswi a a ri khamba. A a ri mutameri wa nkwama wa mali, kutani a a tolovele ku pambula leswi cheriweke kona.

Yeremiya 2:26

“Loko khamba ri khomiwile, ri ta va ni tingana; kutani na vona Vaisraele va ta khomiwa hi tingana, vona, ni tihosi ta vona, ni varhangeri va vona, ni vaprista va vona, ni vaprofeta va vona.

Eksoda 22:6

“Loko munhu a lumeka nhova, kutani ndzilo wu hangalaka wu ya hisa mavele lama fumbiweke kumbe lawa a ma nga si tshoveriwa ensin'wini, loyi a nga sungula ritshwa leri, ú fanele ku riha hinkwaswo leswi nga tshwa.

Levhitika 6:1

HOSI Xikwembu xi ku ka Muxe:

Levhitika 6:2

“Munhu a nga tshuka a dyoha, a kumeka a nga tshembekanga eka mina HOSI, hi ku va a kanganyisile munhukulobye; a nga va a ala ku tlherisa leswi va lombaneke swona, kumbe leswi va khomisaneke swona, kumbe a n'wi dyelela, kumbe ku n'wi xanisa.

Levhitika 19:13

“Mi nga tshuki mi xanisa munhukuloni kumbe ku n'wi tekela swilo swa yena; naswona loko mi thorile munhu, mi nga tshuki mi tshama ni muholo wa yena ku fikela siku leri tlhandlamaka.

Levhitika 6:5

kumbe xilo xihi na xihi lexi a hlambanyeke a hemba a ku a nga xi tivi. Siku leri a humesaka magandzelo yo riha, ú fanele ku tlherisela swilo leswi hinkwaswo eka vinyi va swona, a tlhandlekela hi xiphemu xa ⅕ xa nxavo wa swona.