Eksoda 22:6 - BIBELE Mahungu Lamanene

⁶ “Loko munhu a lumeka nhova, kutani ndzilo wu hangalaka wu ya hisa mavele lama fumbiweke kumbe lawa a ma nga si tshoveriwa ensin'wini, loyi a nga sungula ritshwa leri, ú fanele ku riha hinkwaswo leswi nga tshwa.

Xitsonga (Bibele)

⁶ “Loko ritshwa ri hisa mitwa, ri tlulela ensin'wini ya munhu, ri hisa mavele; la lumekeke nhova u ta hakela leswi nga tshwa hinkwaswo.

Eksoda 22:6 Referans Kwoze

Eksoda 22:9

“Loko vanhu vambirhi va lwetana hi xilo xihi ni xihi, ku fana ni homu, kumbe mbhongolo, kumbe nyimpfu, kumbe swiambalo, kumbe nchumu wihi ni wihi lowu lahlekeke, kutani un'wana a ku i swa yena, mhaka ya vanhu lavambirhi lava yi fanele ku tisiwa eka mina Xikwembu; loyi ndzi nga ta n'wi kuma a ri ni nandzu, ú ta rihela loyi un'wana kambirhi.

Eksoda 22:12

Kambe loko xifuwo xi lo yiviwa kunene, loyi a a fuyisiwile, ú fanele ku rihela n'wini wa xona.

Matewu 7:16

Mi ta va tiva hi mintirho ya vona. Xana swichocho swa vhinya swi nga khiwa emitweni kumbe makuwa eswigatlwini xana?

Eksoda 22:5

“Loko munhu a dyisa swifuwo swa yena ensin'wini ya yena ya mavele kumbe ya vhinya, kutani a swi tshika swi ya dya ni le nsin'wini ya un'wana, munhu loyi ú ta teka ntshovelo lowunene ensin'wini ya yena ya mavele kumbe ya vhinya, a ya riha hi wona.

Eksoda 22:7

“Loko munhu a yisa mali kumbe nhundzu eka nakulobye leswaku a n'wi hlayisela swona, kutani swilo leswi swi yiviwa emutini wa kona, loyi a yiveke ú fanele ku riha kambirhi, loko a kumiwa.