Eksoda 22:4 - BIBELE Mahungu Lamanene

⁴ Kambe loko xifuwo lexi yiviweke xi kumiwa eka khamba leri xa ha hanya, hambi yi ri homu kumbe mbhongolo kumbe nyimpfu, khamba ri ta humesa swifuwo swimbirhi ku riha xin'we.

Xitsonga (Bibele)

⁴ Loko xilo lexi yiviweke xi kumiwa emavokweni ya yena ha hanya, hambi yi ri homu, hambi mbhongolo, hambi xinyimpfana, u ta swi riha kambirhi.

Eksoda 22:4 Referans Kwoze

Eksoda 22:9

“Loko vanhu vambirhi va lwetana hi xilo xihi ni xihi, ku fana ni homu, kumbe mbhongolo, kumbe nyimpfu, kumbe swiambalo, kumbe nchumu wihi ni wihi lowu lahlekeke, kutani un'wana a ku i swa yena, mhaka ya vanhu lavambirhi lava yi fanele ku tisiwa eka mina Xikwembu; loyi ndzi nga ta n'wi kuma a ri ni nandzu, ú ta rihela loyi un'wana kambirhi.

Eksoda 22:7

“Loko munhu a yisa mali kumbe nhundzu eka nakulobye leswaku a n'wi hlayisela swona, kutani swilo leswi swi yiviwa emutini wa kona, loyi a yiveke ú fanele ku riha kambirhi, loko a kumiwa.

Eksoda 22:1

“Loko munhu a yiva homu kumbe nyimpfu, kutani a yi dlaya kumbe a yi xavisa, homu ya kona ú ta yi riha hi ntlhanu wa tihomu, kasi nyimpfu yona ú ta yi riha hi mune wa tinyimpfu.

Nhlavutelo 18:6

N'wi endleni leswi a mi endleke swona, mi n'wi nyika kambirhi hakelo ya leswi a swi endleke; exinwelweni lexi a nga chela swakunwa eka xona, n'wi cheleleni kambirhi.

Eksoda 21:16

“Un'wana ni un'wana loyi a yivaka munhu, a n'wi xavisa, kumbe a tshama na yena, ú ta dlayiwa.

Yeremiya 16:18

Ndzi ta sungula hi vona ndzi va ba swinene hikwalaho ka ku homboloka ka vona ni ku dyoha ka vona, hikuva va nyamisile tiko ra mina hi mintsumbu ya swikwembu swa vona swa hava, va endla manyala layo tala etikweni ra mina.”

Swivuriso 6:31

kambe loko ri tshuka ri kumiwile, ri ta riha ka 7, ri humesa swilo hinkwaswo swa muti wa rona.

Esaya 40:2

Lava humaka eYerusalema, va tiyiseni nhlana, mi va tivisa leswaku ku xaniseka ka vona evukhumbini ku ringene, ni leswaku va rivaleriwile milandzu ya vona, hikuva mina HOSI Xikwembu ndzi va bile ku ringana, hikwalaho ka swidyoho swa vona hinkwaswo.”

Eksoda 22:5

“Loko munhu a dyisa swifuwo swa yena ensin'wini ya yena ya mavele kumbe ya vhinya, kutani a swi tshika swi ya dya ni le nsin'wini ya un'wana, munhu loyi ú ta teka ntshovelo lowunene ensin'wini ya yena ya mavele kumbe ya vhinya, a ya riha hi wona.

1 SAMIELE 12:5

Kutani Samiele a ku ka vona: “HOSI Xikwembu i mbhoni ya mina emahlweni ka n'wina namuntlha, na yena Sawulo muhlawuriwa wa xona i mbhoni ya mina, leswaku a mi kumanga nandzu ni wun'we eka mina.” Va hlamula va ku: “Kunene Xikwembu i mbhoni emhakeni leyi!”

Levhitika 6:5

kumbe xilo xihi na xihi lexi a hlambanyeke a hemba a ku a nga xi tivi. Siku leri a humesaka magandzelo yo riha, ú fanele ku tlherisela swilo leswi hinkwaswo eka vinyi va swona, a tlhandlekela hi xiphemu xa ⅕ xa nxavo wa swona.