Eksoda 22:30 - BIBELE Mahungu Lamanene

³⁰ Mi ta endlisa sweswo ni le ka tihomu ta n'wina ni tinyimpfu ta n'wina: Xifuwo xa mativula xi fanele ku tshama ni mana wa xona masiku ya 7; kambe hi siku ra vu-8 mi ta ndzi tisela xona.

Xitsonga (Bibele)

³⁰ U ta endlisa sweswo hi homu ya wena, ni nyimpfu ya wena; swi ta tshama ni vamana wa swona hi masiku ya ntlhanu na mambirhi; hi siku ra vuntlhanu na manharhu, u ta ndzi nyika swona.

Eksoda 22:30 Referans Kwoze

Levhitika 22:27

“Xifuwo lexi xa ha ku velekiwaka, yi nga va nkuzi kumbe khuna kumbe xiphongho, xi fanele ku tshama ni mana wa xona ku ringana masiku ya 7. Ku sukela siku ra vu-8, xifuwo xexo xa amukeleka loko mi ndzi humesela magandzelo ha xona, mina HOSI.

Duteronoma 15:19

“Mativula hinkwawo ya xinuna lama velekiweke emintlhambini ya swifuwo swa n'wina leswikulu ni leswitsongo, mi ta ma nyiketa eka HOSI Xikwembu xa n'wina. Mativula ya swifuwo swa n'wina leswikulu, mi nga tshuki mi ma tirhisa mintirho; na wona mativula ya swifuwo swa n'wina leswitsongo, mi nga ma tsemeti voya.

Levhitika 12:3

Hi siku ra vu-8, n'wana ú fanele ku yimbisiwa.

Eksoda 13:12

hikokwalaho, mi ta hlawula hinkwaswo leswi rhangeke ku velekiwa, mi swi nyiketa eka HOSI Xikwembu. Mativula hinkwawo ya xinuna ya swifuwo swa n'wina ma ta va ya HOSI Xikwembu.

Genesa 17:12

Mi ta hamba mi yimbisa vana va n'wina va xinuna loko va ri ni masiku ya 8; mi ta yimbisa hinkwavo lava nga ta velekiwa, hambi ri ri hlonga leri nga lo velekeriwa exikarhi ka n'wina ntsena, kumbe leri mi nga lo ri xava eka vanhu vambe.

Levhitika 7:23

ku ya vulavula na Vaisraele, a ku ka vona: “Mi nga tshuki mi dya mafurha, ma nga va ya homu kumbe ya nyimpfu kumbe ya mbuti.

Levhitika 7:24

Hambi ma ri mafurha ya xifuwo lexi nga lo tifela hi xoxe, kumbe lexi dlayiweke hi swivandzana, mi nga tshuki mi dya, kambe mi nga endla swin'wana ha wona.

Levhitika 7:26

“Hinkwako lomu mi akeke kona, mi nga tshuki mi dya ngati ya tinyanyana kumbe ya swifuwo.

Levhitika 11:44

hikokwalaho, tivoneleni leswaku mi va lava hlawulekeke, hikuva mina ndzi hlawulekile. Mi nga tshuki mi tinyamisa hi ku dya xihadyana xihi na xihi lexi kokovaka emisaveni.

Levhitika 11:45

Hi mina HOSI Xikwembu; ndzi mi humesile etikweni ra Egipta leswaku ndzi va Xikwembu xa n'wina; hikokwalaho mi fanele ku va lava hlawulekeke, hikuva mina ndzi hlawulekile.”

Levhitika 17:15

“Munhu un'wana ni un'wana, a nga va Muisraele kumbe muluveri, loyi a dyaka nyama ya xifuwo lexi nga lo tifela hi xoxe, kumbe lexi dlayiweke hi swivandzana, ú fanele ku hlantswa swiambalo swa yena, a hlamba ni miri; hambiswiritano, siku rero ú ta va a nga tenganga, dyambu ri ko ri pela; kutani hi kona a nga ta va a tengile.

Levhitika 22:8

Muprista a nga tshuki a tinyamisa hi ku dya nyama ya xifuwo lexi nga lo tifela, kumbe lexi dlayiweke hi swivandzana: Hi mina HOSI.

Duteronoma 14:21

“Swilo leswi feke kunene, mi nga tshuki mi swi dya; mi nga nyika lava luveleke emitini ya n'wina va dya, kumbe mi xavisela vanhu va le handle, hikuva n'wina mi vanhu lava hlawuleriweke HOSI Xikwembu xa n'wina. “Mi nga tshuki mi sweka ximbutana hi masi ya mana wa xona.

Ezekiele 4:14

Hiloko ndzi hlamula ndzi ku: “Yo HOSI N'wini wanga, a ndzi si tinyamisa ku sukela evuhlangini bya mina ku ta fika namuntlha; a ndzi si tshama ndzi dya nyama ya xifuwo lexi feke hi xoxe, kumbe lexi dlayiweke hi swiharhi swa nhova. Hambi swi ri leswi yirisiweke, a ndzi si dya ni siku ni rin'we!”