Eksoda 22:29 - BIBELE Mahungu Lamanene

²⁹ “Mi nga tshuki mi hlwela ku humesa nhlengo wa ntshovelo wa n'wina wa mavele ni wa vhinyo ni mafurha. “Vana va n'wina va xinuna va mativula, mi fanele ku ndzi nyiketa vona.

Xitsonga (Bibele)

²⁹ “U nga tshuki u hlwela ku humesa nhlengo wa leswi teleke enguleni, ni wa leswi kamiweke etimbiteni. U ta ndzi nyika mativula ya vana va wena.

Eksoda 22:29 Referans Kwoze

Eksoda 23:16

Mi ta endla Nkhuvo wa Ntshovelo, mi humesa mihandzu yo sungula ya nyuku wa n'wina eka leswi mi swi byaleke emasin'wini. Eku heleni ka nkarhi wa ntshovelo, mi ta endla Nkhuvo wo Hlengeleta, mi hlengeleta swa nyuku wa n'wina leswi mi swi tshoveleke emasin'wini.

Eksoda 13:2

“U fanele ku hlawula mativula hinkwawo ya vanhu ni ya swifuwo, u ma nyiketa eka mina; hinkwaswo leswi rhangeke ku velekiwa, exikarhi ka Vaisraele kumbe eka swifuwo swa vona, i swa mina.”

Yakobo 1:18

Hi ku rhandza ka yena, ú hi velekile hi rito ra ntiyiso, leswaku hi nga va lava vuriwaka mativula ya swivumbiwa swa yena.

Eksoda 23:19

“Leswi mi nga ta rhanga mi swi tshovela emasin'wini ya n'wina, mi ta swi tisa endlwini ya mina HOSI, Xikwembu xa n'wina. “Mi nga tshuki mi sweka ximbutana hi masi ya mana wa xona.

Varhoma 8:23

A ku konyi swivumbiwa ntsena, kambe na hina hi nga amukela mihandzu yo rhanga ya Moya lowo Kwetsima, ha konya endzeni ka hina, hi ri karhi hi langutela ku endliwa vana, ku nga ku kutsuriwa ka miri wa hina.

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Mikiya 7:1

Ndzi le khombyeni minoo! Ndzi fana ni munhu wa ndlala loyi a lavaka mihandzu entangeni kumbe emasin'wini ya vhinya, loko va tshoverile, va tlhela va khwaja, kutani a kuma leswaku mihandzu hinkwayo ya vhinya ni matatana lawa a a ma navela ngopfu, swi khiwile swi hela.

Eksoda 34:19

“Hinkwaswo leswi rhangeke ku velekiwa i swa mina; mi ndzi hlawulela ni mativula ya swifuwo swa n'wina hinkwaswo, leswikulu ni leswitsongo.

Eksoda 13:12

hikokwalaho, mi ta hlawula hinkwaswo leswi rhangeke ku velekiwa, mi swi nyiketa eka HOSI Xikwembu. Mativula hinkwawo ya xinuna ya swifuwo swa n'wina ma ta va ya HOSI Xikwembu.

Ezekiele 20:40

“Mina HOSI N'wini wa hinkwaswo ndzi ri, hinkwenu mi ta ndzi tirhela etikweni ra mina, mi ri entshaveni ya mina leyo hlawuleka yi nga ntshava leyo leha ya n'wina Vaisraele, kutani ndzi ta mi amukela kona; ndzi ta langutela ku tiseriwa hi n'wina minkhenso ni tinyiko ni magandzelo lamanene ya swilo leswo hlawuleka.

2 TIKRONIKA 31:5

Loko Vaisraele va twa xileriso lexi, va hatla va humesa leswi va sunguleke ha swona ku tshovela, swo kota mavele, ni vhinyo, ni mafurha, ni vulombe, ni swin'wana swa le masin'wini, va humesa ni vukhume bya swilo leswi hinkwaswo, loko va hetile ku tshovela.

2 TIHOSI 4:42

Wanuna un'wana a ta a huma emutini wa Baala-Xalixa, a tisela munhu wa Xikwembu swinkwa swa 20 swa maxalana, ni minchocho ya koroni ya nguva leyintshwa, a swi rhwele hi nkwama wa yena. Elixa a lerisa, a ku: “Nyikani vanhu va dya.”

Eksoda 23:15

Mi ta endla Nkhuvo wa Xinkwa lexo-ke-comela; hilaha ndzi mi leriseke hakona, mi fanele ku dya xinkwa lexo-ke-comela masiku ya 7 enkarhini lowu vekiweke wa n'hweti ya Abibi, hikuva hi yona n'hweti leyi mi humeke ha yona etikweni ra Egipta. Ku nga vi na munhu loyi a taka emahlweni ka mina a nga tamelanga nchumu.

Eksoda 34:20

Ematshan'weni ya ximbhongolwana xa xinuna xa mativula, mi ta tlhava xinyimpfana kumbe ximbutana; loko mi nga tsakeli ku tlhava nchumu ematshan'weni ya ximbhongolwana, xi tshoveni nhamu; kambe ematshan'weni ya vana va n'wina hinkwavo va xinuna va mativula, mi ta tlhava xifuwo. “Ku nga vi na munhu loyi a taka emahlweni ka mina, a nga tamelanga nchumu.

Tinhlayo 18:13

Mihandzu leyi rhangaka ku vupfa ya swilo hinkwaswo leswi byariweke emasin'wini ya Vaisraele, leyi va yi tisaka eka mina HOSI, yi ta va ya n'wina. Un'wana ni un'wana emindyangwini ya n'wina loyi a nga tinyamisangiki, ú ta pfumeleriwa ku dya mihandzu ya kona.

Levhitika 22:27

“Xifuwo lexi xa ha ku velekiwaka, yi nga va nkuzi kumbe khuna kumbe xiphongho, xi fanele ku tshama ni mana wa xona ku ringana masiku ya 7. Ku sukela siku ra vu-8, xifuwo xexo xa amukeleka loko mi ndzi humesela magandzelo ha xona, mina HOSI.

Duteronoma 15:19

“Mativula hinkwawo ya xinuna lama velekiweke emintlhambini ya swifuwo swa n'wina leswikulu ni leswitsongo, mi ta ma nyiketa eka HOSI Xikwembu xa n'wina. Mativula ya swifuwo swa n'wina leswikulu, mi nga tshuki mi ma tirhisa mintirho; na wona mativula ya swifuwo swa n'wina leswitsongo, mi nga ma tsemeti voya.