Eksoda 22:23 - BIBELE Mahungu Lamanene

²³ Loko mo va xanisa, kutani va ta va ta rila eka mina, ku rila ka vona ndzi ta ku twa hakunene;

Xitsonga (Bibele)

²³ Loko u va xanisa, kutani va ndzi khongela, ndzi ta va yingisa kunene, kutani ndzi ta kariha, ndzi mi dlaya hi tlhari;

Eksoda 22:23 Referans Kwoze

Luka 18:7

Kutani, xana Xikwembu a xi nga avanyiseri vahlawuriwa va xona, ni ku va lehisela mbilu, vona lava huwelelaka eka xona vusiku ni nhlekanhi, xana?

Pisalema 18:6

Emaxangwini ya mina, ndzi vitanile HOSI, ndzi huwelela eka Xikwembu xanga; kutani xi twile rito ra mina xi ri eTempeleni ya xona; loko ndzi rila eka xona, xi ndzi twile.

Ntirho 34:28

Swisiwana leswi va swi xaniseke swi huwelerile, Xikwembu xi twile xirilo xa lava tsongahatiweke.

Duteronoma 15:9

Tivoneleni! Mi nga tshuki mi nghena hi moya wo biha, mi ku: ‘Lembe ra vu-7 ra ku tshika ku londzana swikweleti, ri le kusuhi’, kutani mi sungula ku va ni tihanyi eka makwenu loyi a nga xisiwana; loko mi nga n'wi nyiki nchumu, ú ta mi mangalela eka HOSI Xikwembu, kutani n'wina mi ta va ni nandzu.

Yakobo 5:4

Vonani, hakelo ya vatirhi lava tshoveleke masimu ya n'wina, leyi mi nga va dyelela hi vuxisi, ya huwelela; naswona swirilo swa vatshoveri swi fikile etindleveni ta Hosi ya matimba hinkwawo.

Ntirho 35:9

“Lava xanisekaka ngopfu, va huwelela, va rila loko vafumi va va tshikelela.

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.

Pisalema 140:12

Ndza swi tiva leswaku HOSI Xikwembu xi yima ni lava xanisiwaka, xi avanyisela swisiwana timhaka ta swona hi ndlela yo lulama.

Duteronoma 24:15

Siku rin'wana ni rin'wana mi fanele ku n'wi nyika muholo wa siku rero; naswona n'wi nyikeni dyambu ri nga si pela, hikuva i xisiwana, ú tshembe wona ntsena; loko mi nga endli sweswo, ú ta yisa xirilo xa yena eka HOSI Xikwembu, kutani mi ta tikuma mi ri enandzwini.

Eksoda 22:27

hikuva hi wona nkumba wa yena, ú sirhelela miri wa yena ha yona; xana ku nga va ni xin'wana lexi a etlelaka a funengerile xona xana? Loko a ta a ta rila eka mina, ku rila ka yena ndzi ta ku twa, hikuva mina ndzi twela vanhu vusiwana.

Duteronoma 10:18

HOSI Xikwembu xi sirhelela lava nga riki na vatswari, ni tinoni; xi rhandza ni valuveri, xi va nyika swakudya ni swiambalo,

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Pisalema 68:5

Tata wa lava pfumalaka vatswari ni musirheleli wa tinoni, i Xikwembu lexi tshamaka exivandleni lexo hlawuleka.

Swirilo 5:3

Hi hundzukile swisiwana, hi pfumala vatatana, vamana wa hina va kota tinoni.