Eksoda 22:20 - BIBELE Mahungu Lamanene

²⁰ “Un'wana ni un'wana loyi a humeselaka swikwembu swin'wana emagandzelo, ematshan'wini ya ku gandzela mina HOSI ntsena, ú fanele ku herisiwa.

Xitsonga (Bibele)

²⁰ “La gandzelaka swikwembu swin'wana ehandle ka Yehovha, u ta dlawa.

Eksoda 22:20 Referans Kwoze

Duteronoma 18:20

Kambe muprofeta loyi a vulavulaka hi vito ra mina, ndzi nga n'wi rhumanga, kumbe loyi a vulavulalaka swikwembu swa hava, ú ta dlayiwa.’

Tinhlayo 21:3

HOSI Xikwembu xi yingisa xikombelo xa Vaisraele, kutani xi nyiketa Vakanana emavokweni ya vona; hiloko va va herisela makumu, vona ni miti ya vona; kutani ndhawu leyi yi thyiwa vito ra Horma (hileswaku “la heriseriweke makumu”).

Eksoda 32:8

Va hambukile hi ku hatlisa endleleni leyi ndzi nga va lerisa yona; va tivumberile xifaniso xa rhole, va xi nkhinsamela ni ku xi humesela magandzelo, va ku: ‘N'wina Vaisraele, hi lexi Xikwembu xa n'wina lexi xi mi humeseke etikweni ra Egipta.’ ”

Eksoda 34:15

Mi nga tshuki mi endla ntwanano ni vaaki va tiko, hikuva loko va ri karhi va endla vunghwavava eku gandzeleni ka swikwembu swa vona, ni loko va swi humesela magandzelo, va nga tshuka va mi rhambile, kutani mi dya swa magandzelo ya vona,

Levhitika 17:7

Hi ndlela leyi, Vaisraele a va nga ha endli vunghwavava hi ku tlhava swifuwo swa vona, va gandzela ha swona swikwembu swa vona swa swiphongho. Naswona va fanele ku hlayisa nawu lowu, vona ni vatukulu va vona, hilaha ku nga heriki.”

1 TIHOSI 18:40

Hiloko Eliya a va lerisa a ku: “Khomani vaprista va Baali, ku nga baleki ni un'we wa vona.” Kutani va va khoma; Eliya a rhelela na vona exinkobyaneni xa Kixoni, va ya dlayeriwa kona.

2 TIHOSI 10:25

Loko Yehu a hetile ku humesa mhamba leyi hisiwaka, a hatla a lerisa varindzi va nyangwa ni tindhuna leswaku va nghena endlwini, va dlaya hinkwavo lava nga kona, va nga siyi na un'we. Loko va va dlayile hinkwavo, va cukumeta mintsumbu ya vona ehandle, kutani va suka va ya nghena ekamarini ra le ndzeni ka yindlu ya Baali.

2 TIKRONIKA 15:13

Va twanana leswaku munhu un'wana ni un'wana la alaka ku tirhela HOSI, Xikwembu xa Israele, hi mbilu ya yena hinkwayo, hambi a ri lonkulu kumbe lontsongo, wanuna kumbe wansati, ú ta fanela ku dlayiwa.

Ezekiele 20:7

Kutani ndzi va byerile ku hambana ni swikwembu swa hava swa Vaegipta, va tshika ku tshemba swilo leswi swa manyala, va nga tinyamisi ha swona, kambe va chava mina HOSI Xikwembu xa vona.

Eksoda 23:9

“Mi nga tshuki mi xanisa muluveri, hikuva na n'wina mi vile valuveri etikweni ra Egipta, kutani ma swi tiva leswi ku va muluveri swi nga xiswona.

Levhitika 19:33

“Loko ku ri ni munhu wa le handle loyi a luveleke exikarhi ka n'wina, mi nga tshuki mi n'wi xanisa.

Duteronoma 10:18

HOSI Xikwembu xi sirhelela lava nga riki na vatswari, ni tinoni; xi rhandza ni valuveri, xi va nyika swakudya ni swiambalo,

Duteronoma 23:8

Vatukulu-xinguwe va Vaedomu ni Vaegipta vona va nga nghena exikarhi ka vanhu lava hlengeletaneke emahlweni ka HOSI Xikwembu.

Duteronoma 24:17

“Loko mi avanyisa timhaka ta valuveri ni ta lava pfumalaka vatswari, mi nga ti gombonyokisi, naswona mi nga tekeli noni nkumba wa yona wu va wo khomela ha wona.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”