Eksoda 22:19 - BIBELE Mahungu Lamanene

¹⁹ “Un'wana ni un'wana loyi a etlelaka ni xifuwo ú fanele ku herisiwa.

Xitsonga (Bibele)

¹⁹ “Un'wana na un'wana la etlelaka ni xifuwo u ta dlawa.

Eksoda 22:19 Referans Kwoze

Duteronoma 27:21

“ ‘A a rhukaniwe, munhu loyi a etlelaka ni xifuwo xihi ni xihi.’ Kutani Vaisraele hinkwavo va ta hlamula va ku: ‘Amen!’

Levhitika 18:23

“U nga tshuki u tinyamisa hi ku etlela ni xifuwo xihi na xihi; hambi a ri wansati, a nga tshuki a ya etlela ni xifuwo; sweswo swa yila.

Levhitika 18:25

hikokwalaho, na rona tiko ra vona ri nyamisiwile, kutani ndzi bile vaaki va rona hikwalaho ka swidyoho leswi, va hlongoriwa va huma etikweni.

Eksoda 20:3

“U nga tshuki u gandzela swikwembu swin'wana, kambe gandzela mina ntsena.

Eksoda 34:15

Mi nga tshuki mi endla ntwanano ni vaaki va tiko, hikuva loko va ri karhi va endla vunghwavava eku gandzeleni ka swikwembu swa vona, ni loko va swi humesela magandzelo, va nga tshuka va mi rhambile, kutani mi dya swa magandzelo ya vona,

Levhitika 17:7

Hi ndlela leyi, Vaisraele a va nga ha endli vunghwavava hi ku tlhava swifuwo swa vona, va gandzela ha swona swikwembu swa vona swa swiphongho. Naswona va fanele ku hlayisa nawu lowu, vona ni vatukulu va vona, hilaha ku nga heriki.”

Tinhlayo 25:1

Enkarhini lowu Vaisraele a va govile eXitimi, vavanuna va sungurile ku tsutsuma-tsutsuma ni vavasati va tiko ra Mowabu.

Duteronoma 13:2

Mahlori ni swihlamariso swa kona, leswi va mi tshembiseke swona, swi nga tshuka swi humelela hilaha va vuleke hakona, kutani endzhaku va mi kucetela ku ya gandzela swikwembu swimbe, va ku: ‘A hi yeni hi ya tirhela swikwembu swin'wana, hi gandzela swona!’

Duteronoma 13:16

Tinhundzu hinkwato ta muti wa kona, mi fanele ku ti rhwala mi ya ti fumba erivaleni ra muti, kutani mi hisa muti hinkwawo ni tinhundzu leti, swi va gandzelo leri hisiwaka leri mi ri humeselaka HOSI Xikwembu xa n'wina. Muti wolowo wu ta tshama wu ri rhumbi hilaha ku nga heriki, wu nge pfuki wu pfuxiwile ni siku ni rin'we.

Duteronoma 17:2

“Eka wun'wana wa miti leyi HOSI Xikwembu xa n'wina xi nga ta mi nyika yona, ku nga tshuka ku va ni munhu wa xinuna kumbe wa xisati loyi a tshovaka ntwanano wa HOSI Xikwembu xa n'wina hi ku endla leswi nga nkhensekiki emahlweni ka xona.

Duteronoma 17:5

wanuna kumbe wansati loyi a endleke xidyoho xexo, n'wi khomeni, mi ya na yena enyangweni ya muti, mi fika mi n'wi khandla hi maribye a fa.

2 TIHOSI 23:20

Naswona Yosiyasi a khoma vaprista hinkwavo va switsunga leswo hlawuleka, a va dlayela ehenhla ka tialitari ta kona, a teka ni marhambu ya vanhu a ma hisela kwalaho. Kutani a tlhelela eYerusalema.

2 TIKRONIKA 15:13

Va twanana leswaku munhu un'wana ni un'wana la alaka ku tirhela HOSI, Xikwembu xa Israele, hi mbilu ya yena hinkwayo, hambi a ri lonkulu kumbe lontsongo, wanuna kumbe wansati, ú ta fanela ku dlayiwa.